وزارات ثقافت
وزارت ثقافت نے "ایک دیش ایک دھڑکن" (ایک قوم، ایک دل کی دھڑکن) کے ذریعے قوم پرستی کا جوش بڑھایا
Posted On:
16 MAY 2025 8:50PM by PIB Delhi
دلوں کو جوڑنے اور حب الوطنی کے جذبے کو خراج تحسین پیش کرنے کے لیے، وزارتِ ثقافت نے ایک پُراثر اور متحد کرنے والا اقدام ’’ایک دیش، ایک دھڑکن‘‘کا آغاز کیا ہے۔ اس اقدام کا مقصد قوم کے بہادر سپاہیوں کو خراجِ عقیدت پیش کرنا اور عوام کے دلوں میں قومی اتحاد و یکجہتی کا جذبہ بیدار کرنا ہے۔
قومی فخر کی مشترکہ لے میں پورے ملک کو متحد کرنے کے لیے تیار کیا گیا یہ مہم پورے بھارت میں عوام کے دلوں میں گونج پیدا کر رہی ہے۔ نعرہایک دیش، ایک دھڑکن) ڈیجیٹل پلیٹ فارمز پر تیزی سے مقبول ہو رہا ہے، جو اتحاد، حب الوطنی اور ترنگے کے لیے عقیدت کے جذبے کو مزید تقویت دے رہا ہے۔
یہ مہم قوم کے اجتماعی جذبے کی عکاسی کرتی ہے، جس کے تحت ہم اپنے بے نام ہیروز اور بہادر سپوتوں کی جرأت اور قربانی کو سلام پیش کرتے ہیں۔
ہم آہنگ قومی شرکت
گزشتہ 48 گھنٹوں کے دوران وزارت ثقافت کے تحت آنے والے تمام 43 اداروں نے مربوط اور جوش و خروش سے بھرپور شرکت کا مظاہرہ کیا ہے۔
یہ شرکت مسلح افواج اور بہادر سپوتوں کو سلام پیش کرنے اور ترنگے کے جذبے سے جڑی ہوئی ہے، جو ہم سب کو جوڑتا ہے۔ تمام اداروں نے اپنی ڈسپلے تصویریں ڈی پیز ترنگے میں تبدیل کر دی ہیں۔
آرکیالوجیکل سروے آف انڈیا کی یادگاریں ترنگے کے رنگوں میں روشن
نمایاں ثقافتی ادارے اور ورثے کی جگہیں بھارتی پرچم کے رنگوں میں روشن کی گئی ہیں۔ ان میں شامل ہیں:
- وکٹوریا میموریل (مغربی بنگال)
- سالارجنگ میوزیم (آندھرا پردیش)
- نیشنل گیلری آف ماڈرن آرٹ (این جی ایم اے) دہلی
- علاقائی سائنس مرکز، لکھنؤ
نیشنل آرکائیوز آف انڈیا نے بھی اس مہم میں شمولیت اختیار کرتے ہوئے اپنی مشہور عمارت کو روشن کیا ہے۔
آرکیالوجیکل سروے آف انڈیا کی نگرانی میں، ملک بھر میں 60 سے زائد تاریخی یادگاروں کو ترنگے کی روشنی سے منور کیا گیا ہے۔ ان میں شامل ہیں:
- دہلی میں: لال قلعہ، قلعہ رائے پتھورا، صفدرجنگ کا مقبرہ، اور پرانا قلعہ
- راجستھان میں: کمبھل گڑھ، چتوڑ گڑھ، اور قلعہ گھنٹا
- اتر پردیش میں: گلاب باڑی
- اوڈیشہ میں: ادے گری غاریں
- بہار میں: اشوکا ستون
- مدھیہ پردیش میں: راحت گڑھ قلعہ
- مہاراشٹر میں: قلعہ بلار پور
- دیگر مقامات میں: آسام میں رنگ گھر، کرناٹک میں چتر درگ قلعہ، اور لیہہ میں لیہہ پیلس شامل ہیں۔
یہ سب یادگاریں قومی فخر، حب الوطنی اور ترنگے کے وقار کی علامت کے طور پر روشنیوں سے سجی ہوئی ہیں۔
اتحاد اور یادگار کے ایک پُراثر اشارے کے طور پر، وزیر ثقافت جناب گجیندر سنگھ شیخاوت نے 14 مئی 2025 کو قطب مینار کا دورہ کیا، جہاں ترنگے کی ایک خصوصی پروجیکشن میپنگ پیش کی گئی۔
وزیر موصوف نے قوم کے ان گمنام ہیروز اور بہادر سپوتوں کی بہادری اور جرأت کو خراج تحسین پیش کیا اور مسلح افواج کو سلام پیش کرتے ہوئے ملک میں حب الوطنی کی بیداری کو سراہا۔
وزارتِ ثقافت کے تحت ادارے اور تنظیمیں خصوصی کہانی سنانے کے پروگرام، خراجِ عقیدت پر مبنی مصوری کی تقریبات، خصوصی نمائشیں، موسیقی کے ذریعے خراجِ تحسین، کوئز مقابلے، بیجز/رسٹ بینڈز کی تقسیم، اور ترنگا ریلیوں جیسے پروگرامز کا انعقاد کر رہے ہیں تاکہ عوام کی وسیع شمولیت کے ساتھ اس لمحۂ افتخار کو تمام ہندوستانیوں کے ساتھ اجتماعی طور پر منایا جا سکے۔
***
UR-843
(ش ح۔اس ک ۔ خ م )
(Release ID: 2129250)