ਸੱਭਿਆਚਾਰ ਮੰਤਰਾਲਾ ਅਤੇ ਅੰਤਰਰਾਸ਼ਟਰੀ ਬੌਧ ਸੰਘ (ਆਈਬੀਸੀ) ਵੈਸਾਖ ਬੁੱਧ ਪੂਰਨਿਮਾ ਦਿਵਸ – ਭਗਵਾਨ ਸ਼ਾਕਯਮੁਨੀ ਬੁੱਧ ਦੇ ਜਨਮ, ਗਿਆਨ ਅਤੇ ਮਹਾਪਰਿਨਿਰਵਾਣ ਨੂੰ ਚਿਨ੍ਹਿਤ ਕਰਨ ਵਾਲਾ ਤ੍ਰਿਗੁਣ ਧਨਯ ਦਿਵਸ ਦੇ ਪਵਿੱਤਰ ਅਵਸਰ ‘ਤੇ ਉਤਸਵ ਮਨਾਉਣ ਦੇ ਲਈ ਤਿਆਰ ਹੈ। ਇਹ ਪ੍ਰੋਗਰਾਮ 15 ਮਈ 2025 (ਵੀਰਵਾਰ) ਨੂੰ ਡਾ. ਬੀਆਰ ਅੰਬੇਡਕਰ ਇੰਟਰਨੈਸ਼ਨਲ ਸੈਂਟਰ (ਔਡੀਟੋਰੀਅਮ), ਜਨਪਥ, ਨਵੀਂ ਦਿੱਲੀ ਵਿੱਚ ਆਯੋਜਿਤ ਕੀਤਾ ਜਾਵੇਗਾ। ਇਸ ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਸੰਸਦੀ ਮਾਮਲੇ ਅਤੇ ਘੱਟ ਗਿਣਤੀ ਮਾਮਲੇ ਮੰਤਰੀ ਸ਼੍ਰੀ ਕਿਰੇਨ ਰਿਜਿਜੂ ਹੋਣਗੇ ਅਤੇ ਮੁੱਖ ਮਹਿਮਾਨ ਸੱਭਿਆਚਾਰ ਅਤੇ ਟੂਰਿਜ਼ਮ ਮੰਤਰੀ ਸ਼੍ਰੀ ਗਜੇਂਦਰ ਸਿੰਘ ਸ਼ੇਖਵਾਤ ਹੋਣਗੇ।

ਪ੍ਰੋਗਰਾਮ ਵਿੱਚ ਪ੍ਰਾਰਥਨਾ ਅਤੇ ‘ਸੰਘਰਸ਼ ਸਮਾਧਾਨ ਵਿੱਚ ਬੁੱਧ ਧੰਮ ਦੀ ਵਰਤੋਂ’ ਵਿਸ਼ੇ ‘ਤੇ ਵਿਚਾਰੋਤੇਜਕ ਪੈਨਲ ਚਰਚਾ ਹੋਵੇਗੀ। ਗੇਸ਼ੇ ਦੋਰਜੀ ਦਾਮਦੁਲ (ਨਿਦੇਸ਼ਕ, ਤਿੱਬਤ ਹਾਉਸ, ਨਵੀਂ ਦਿੱਲੀ), ਪ੍ਰੋ. ਹੀਰਾ ਪੌਲ ਗੰਗ ਨੇਗੀ (ਸਾਬਕਾ ਐੱਚਓਡੀ, ਬੌਧ ਸਟਡੀਜ਼, ਦਿੱਲੀ ਯੂਨੀਵਰਸਿਟੀ) ਅਤੇ ਪ੍ਰੋ. ਬਿਮਲੇਂਦਰ ਕੁਮਾਰ (ਪ੍ਰੋਫੈਸਰ, ਪਾਲੀ ਅਤੇ ਬੌਧ ਸਟਡੀ, ਬੀਐੱਚਯੂ) ਸਹਿਤ ਪ੍ਰਤਿਸ਼ਠਿਤ ਬੌਧ ਵਿਦਵਾਨ-ਭਿਕਸ਼ੂ ਅਤੇ ਖੇਤਰ ਮਾਹਿਰ ਬੌਧ ਦੀਆਂ ਸਿੱਖਿਆਵਾਂ ਦੀ ਕਾਲਾਤੀਤ ਪ੍ਰਾਸੰਗਿਕਤਾ ‘ਤੇ ਅੰਤਰਦ੍ਰਿਸ਼ਟੀ ਸਾਂਝਾ ਕਰਨਗੇ।

ਪ੍ਰਤਿਸ਼ਠਿਤ ਬੌਧ ਭਿਕਸ਼ੂਣੀ ਸਤਿਕਾਰਯੋਗ ਗਯਾਲਤਸੇਨ ਸਮਤੇਨ ਦੁਆਰਾ ਵਿਸ਼ੇਸ਼ ਸੰਬੋਧਨ ਦਿੱਤਾ ਜਾਵੇਗਾ ਅਤੇ ਪ੍ਰਸਿੱਧ ਗਾਇਕਾ ਸੁਸ਼੍ਰੀ ਸੁਭਦ੍ਰਾ ਦੇਸਾਈ ਦੁਆਰਾ ਰਤਨਾ ਸੁੱਤਾ ਦਾ ਗਾਇਨ ਕੀਤਾ ਜਾਵੇਗਾ।

ਇਸ ਦਿਨ ਦੇ ਸੱਭਿਆਚਾਰਕ ਅਤੇ ਅਧਿਆਤਮਿਕ ਮਹੱਤਵ ਨੂੰ ਉਜਾਗਰ ਕਰਦੇ ਹੋਏ ਦੋ ਪ੍ਰਮੁੱਖ ਪ੍ਰਦਰਸ਼ਨੀਆਂ ਆਯੋਜਿਤ ਕੀਤੀਆਂ ਜਾਣਗੀਆਂ:

1.    ਭਾਰਤ ਦਾ ਤੁਲਨਾਤਮਕ ਬੌਧ ਕਲਾ ਇਤਿਹਾਸ

2.   ਬੁੱਧ ਦਾ ਜੀਵਨ ਅਤੇ ਸਿੱਖਿਆਵਾਂ

ਇਹ ਪ੍ਰਦਰਸ਼ਨੀਆਂ ਵੀਅਤਨਾਮ ਦੇ ਹੋ ਚੀ ਮਿੰਹ ਸ਼ਹਿਰ ਵਿੱਚ ਸੰਯੁਕਤ ਰਾਸ਼ਟਰ ਵੈਸਾਕ ਦਿਵਸ 2025 ਸਮਾਰੋਹ ਦਾ ਹਿੱਸਾ ਸੀ, ਜੋ ਚਾਰ ਵੀਅਤਨਾਮੀ ਸ਼ਹਿਰਾਂ ਵਿੱਚ ਸਾਰਨਾਥ ਤੋਂ ਬੁੱਧ ਦੇ ਪਵਿੱਤਰ ਅਵਸ਼ੇਸ਼ਾਂ ਦੀ ਪ੍ਰਦਰਸ਼ਨੀ ਦੇ ਨਾਲ ਆਯੋਜਿਤ ਕੀਤੀ ਗਈ ਸੀ।

ਇਸ ਪ੍ਰੋਗਰਾਮ ਵਿੱਚ ਏਸ਼ੀਆ ਵਿੱਚ ਬੁੱਧ ਧੰਮ ਦੇ ਪ੍ਰਸਾਰ ‘ਤੇ ਇੱਕ ਦਸਤਾਵੇਜ਼ੀ ਅਤੇ ਬੁੱਧ ਦੇ ਪਵਿੱਤਰ ਅਵਸ਼ੇਸ਼ਾਂ ਦੀ ਪ੍ਰਦਰਸ਼ਨੀ ‘ਤੇ ਇੱਕ ਫਿਲਮ ਵੀ ਦਿਖਾਈ ਜਾਵੇਗੀ। ਹਾਲਾਂਕਿ ਇਸ ਸਾਲ ਵੈਸਾਖ ਦੀ ਪੂਰਨਿਮਾ 12 ਮਈ ਨੂੰ ਹੈ, ਲੇਕਿਨ ਇਸ ਅਵਸਰ ਦੀ ਪਵਿੱਤਰਤਾ ਦੇ ਕਾਰਨ ਪੂਰੇ ਮਹੀਨੇ ਉਤਸਵ ਮਨਾਇਆ ਜਾਂਦਾ ਹੈ। 15 ਮਈ ਨੂੰ ਹੋਣ ਵਾਲਾ ਇਹ ਸਮਾਗਮ ਵੈਸਾਖ/ਵੈਸਾਖ ਦਿਵਸ ਦੇ ਆਲਮੀ ਅਤੇ ਮਹੀਨੇ ਭਰ ਚਲਣ ਵਾਲੇ ਪਾਲਨ ਦਾ ਹਿੱਸਾ ਹੈ। ਇਸ ਯਾਦਗਾਰੀ ਸਮਾਰੋਹ ਦਾ ਸਮਾਪਨ ਪ੍ਰਸਿੱਧ ਕਲਾਕਾਰ ਗੁਰੂ ਅਲਪਨਾ ਨਾਇਕ ਅਤੇ ਉਨ੍ਹਾਂ ਦੀ ਮੰਡਲੀ ਦੁਆਰਾ ਸੱਭਿਆਚਾਰਕ ਪ੍ਰਦਰਸ਼ਨ ਦੇ ਨਾਲ ਹੋਵੇਗਾ, ਜਿਸ ਵਿੱਚ ਬੁੱਧ ਦੇ ਜੀਵਨ ਅਤੇ ਸਿੱਖਿਆਵਾਂ ਤੋਂ ਪ੍ਰੇਰਿਤ ਅਧਿਆਤਮਿਕ ਅਤੇ ਕਲਾਤਮਕ ਵਿਰਾਸਤ ਦਾ ਜਸ਼ਨ ਮਨਾਇਆ ਜਾਵੇਗਾ।

***

ਸੁਨੀਲ ਕੁਮਾਰ ਤਿਵਾਰੀ