وزارت اطلاعات ونشریات
آپریشن سندور: قومی سلامتی کے معاملات میں آتم نربھراختراعات کافروغ
ہندوستان کی تکنیکی خود کفالت میں اضافہ
Posted On:
14 MAY 2025 8:46PM by PIB Delhi
تعارف
آپریشن سندور ایک ایسے فوجی ردعمل کے طور پرسامنے آیا جو غیر متناسب جنگ کے ارتقائی نمونے کے مطابق تھا ، جو ہر بار فوجی اہلکاروں کے ساتھ ساتھ غیر مسلح شہریوں کو بھی نشانہ بناتا ہے۔ اپریل 2025 میں پہلگام میں سیاحوں پر دہشت گردانہ حملہ اس تبدیلی کی ہیبت ناک یاد ہانی کے طور پرسامنے آیا۔ ہندوستان کا جواب قصداً درست اور اسٹریٹجک تھا۔ کنٹرول لائن یا بین الاقوامی سرحد کو عبور کیے بغیر، ہندوستانی افواج نے دہشت گردی کے بنیادی ڈھانچے پر حملہ کیا اور متعدد خطرات کے امکانات کو ختم کیا۔ تاہم، حکمت عملی کی عمدگی سے بالاتر،جوچیز سب سے زیادہ نمایاں ہوکرسامنے آئی وہ تھی قومی دفاع میں مقامی تکنیکی نظاموں کاہموار انضمام ۔ چاہے ڈرون کی جنگ ہو،لیئرڈفضائی دفاع ہویا الیکٹرانک جنگ، آپریشن سندور فوجی کارروائیوں میں تکنیکی خود کفالت کی سمت میں ہندوستان کی راہ میں ایک سنگ میل کے طورپر اجاگرہوا۔
فضائی دفاعی صلاحیتیں: تحفظ کی پہلی لائن کے طور پر ٹیکنالوجی
7 مئی 2025 کی رات کو پاکستان نے ڈرون اور میزائلوں کا استعمال کرتے ہوئے اونتی پورہ، سری نگر، جموں، پٹھان کوٹ، امرتسر، کپورتھلا، جالندھر، لدھیانہ، آدم پور، بھٹنڈا، چنڈی گڑھ، نل، فلودی، اترلائی اور بھج سمیت ہندوستان کے شمال اور مغرب میں کئی فوجی اہداف پر حملہ کرنے کا ارادہ کیا۔ ان کو انٹیگریٹڈ نیٹ کاؤنٹر یو اے ایس (انمینڈایریئل سسٹمز)گرڈ اینڈ ایئر ڈیفنس سسٹمزنے بے اثر کر دیا۔
|
ایئر ڈیفنس سسٹمز خطرات کا پتہ لگانے، ان کا سراغ لگانے اور انہیں ناکارہ بنانے کے لیے ریڈارز، کنٹرول سینٹرز، توپ خانے اور فضائی و زمینی میزائلوں کے ایک مربوط نیٹ ورک کا استعمال کرتے ہیں۔
|
8 مئی کی صبح ، ہندوستانی مسلح افواج نے پاکستان کے مختلف مقامات پر ریڈار اور فضائی دفاعی نظام پر حملہ کیا۔ لاہور میں ایک فضائی دفاعی نظام کو بے اثر کر دیا گیا۔ [1] ہے
نظامات کی کارکردگی
آپریشن سندور کے حصے کے طور پر، درج ذیل چیزوں کا استعمال کیاگیاتھا:
- جنگی تجربات سے ثابت شدہ ایئر ڈیفنس سسٹمز جیسے کہ پیچورا، اوسا-اے کے اور ایل ایل اے ڈی گنز (لو لیول ایئر ڈیفنس) مؤثر ثابت ہوئے ہیں۔
- ملک میں تیارکردہ نظامات جیسے ‘‘آکاش’’ نے بھی شاندار کارکردگی کا مظاہرہ کیا ہے۔
|
آکاش ایک کم دوری تک مار کرنے والا زمین سے فضا میں مار کرنے والا میزائل نظام ہے، جو حساس علاقوں اور اہم مقامات کو فضائی حملوں سے بچانے کے لیے تیار کیا گیا ہے۔ آکاش ویپن سسٹم بیک وقت متعدد اہداف کو گروپ موڈ یا خودمختار (آٹونومس) موڈ میں نشانہ بنا سکتا ہے۔ اس میں الیکٹرانک کاؤنٹر - کاؤنٹر میزرس (ای سی سی ایم) کی خصوصیات شامل ہیں۔ پورا ہتھیار نظام، موبائل پلیٹ فارمز پر ترتیب دیا گیا ہے۔
|
ہندوستان کے ایئر ڈیفنس سسٹمز، جن میں فوج، بحریہ اور بالخصوص فضائیہ کے وسائل شامل ہیں، نے شاندار ہم آہنگی کے ساتھ بہترین کارکردگی کا مظاہرہ کیا۔ ان نظاموں نے ایک ناقابلِ تسخیر دیواربنائی، جس نے پاکستان کی جوابی کارروائیوں کی متعدد کوششوں کو ناکام بنا دیا۔
ہندوستانی فضائیہ کے انٹیگریٹڈ ایئر کمانڈ اینڈ کنٹرول سسٹم (آئی اے سی سی ایس) نے ان تمام عناصر کو یکجا کیا اور جدید جنگ کے لیے درکار نیٹ - سینٹرک آپریشنل صلاحیت فراہم کی۔
انتہائی درستگی کے ساتھ جارحانہ کارروائیاں
ہندوستان کی جارحانہ کارروائیوں نے انتہائی درستگی کے ساتھ پاکستان کے اہم فضائی اڈوں — نور خان اور رحیم یار خان — کو نشانہ بنایا۔ لائٹرنگ میونیشنز (خودکار گھومتے ہتھیار) کو تباہ کن انداز میں استعمال کیا گیا، جنہوں نے ہر ہدف کو کامیابی سے تلاش کر کے تباہ کیا، جن میں دشمن کے ریڈار اور میزائل سسٹمز جیسے قیمتی اثاثے شامل تھے۔
|
لائٹرنگ میونیشنز، جسے ‘‘خودکش ڈرون’’ یا ‘‘کامکازے ڈرون’’ بھی کہا جاتا ہے، ہتھیاروں کے ایسے نظام ہیں جو حملہ کرنے سے پہلے مناسب ہدف کی تلاش میں ہدف والے علاقے میں تیر سکتے ہیں یا گردش کر سکتے ہیں ۔
|
تمام حملے بغیر کسی ہندوستانی اثاثے کے نقصان کے کامیابی سے انجام دیے گئے، جو ہماری نگرانی، منصوبہ بندی اور حملے کی صلاحیتوں کی مؤثریت کو ظاہر کرتے ہیں۔ جدید ملکی ٹیکنالوجی کے استعمال، جیسے طویل فاصلے تک پرواز کرنے والے ڈرونز اور گائیڈیڈ ہتھیاروں نے ان حملوں کو نہایت مؤثر اور سیاسی طور پر سوچے سمجھے انداز میں انجام دینے کے قابل بنایا۔
|
ہندوستانی فضائیہ نے چین کی طرف سے پاکستان کو فراہم کیے جانے والے فضائی دفاعی نظام کو روک دیا اور صرف 23 منٹ میں مشن مکمل کیا، جس سے ہندوستان کی تکنیکی برتری کا مظاہرہ ہوا ۔
|
نیوٹرلائزڈتھریٹس کے ثبوت
آپریشن سندور نے ہندوستانی نظاموں کے ذریعے نیوٹرلائزڈ ٹیکنالوجیز کے ٹھوس ثبوت بھی پیش کیے:
- پی ایل-15 میزائلوں کے ٹکڑے (چینی نژاد)
- ترکی کے یواے ویز جسے ‘ایہا’ کہا جاتا ہے
- لمبی دوری- کے راکٹ ، کواڈکوپٹرس اورکمر شیل ڈرونز
ان کی بازیافت اور شناخت کی گئی، جس سے یہ ظاہر ہوتا ہے کہ پاکستان کی بیرون ملک فراہم کردہ جدید ہتھیاروں سے فائدہ اٹھانے کی کوششوں کے باوجود، ہندوستان کا فضائی دفاع اور الیکٹرانک جنگی نیٹ ورک بہتر رہا ۔
نظامات کی کارکردگی: ہندوستانی فوج کے فضائی دفاع سے متعلق اقدامات
12 مئی کو ملٹری آپریشنز کے ڈائریکٹر جنرل لیفٹیننٹ جنرل راجیو گھئی نے آپریشن سندور سے متعلق پریس کانفرنس میں وراثت میں ملنے والے اور جدید نظاموں کے امتزاج کی بہترین کارکردگی پر روشنی ڈالی:
تیاری اور ہم آہنگی:
چونکہ دہشت گردوں پر عین حملے کنٹرول لائن یا بین الاقوامی سرحد عبور کیے بغیر کیے گئے تھے، اس لیے توقع کی جا رہی تھی کہ پاکستان کا جواب سرحد کے دوسری طرف سے آئے گا۔
- فوج اور فضائیہ دونوں کی طرف سے انمینڈایریئل سسٹم، الیکٹرانک وارفیئر اور فضائی دفاعی ہتھیاروں کا ایک انوکھا امتزاج۔
- بین الاقوامی سرحد کے اندر سے ملٹی پل ڈفینسیو لیئرس
- کاؤنٹرانمینڈ ایریئل سسٹمز
- شولجر-فائرڈویپنز
- لیگیسی ایئرڈفینس ویپنز
- موڈرن ایئرڈفینس ویپن سسٹمز
اس کثیر سطحی دفاع نے 9 سے 10 مئی کی رات کے دوران ہمارے ہوائی اڈوں اور رسد کی سہولیات پر پاکستانی فضائیہ کے حملوں کو روکا۔ یہ نظام، جو پچھلی دہائی کے دوران حکومت کی مسلسل سرمایہ کاری سے بنائے گئے تھے، آپریشن کے دوران کئی گنا طاقت ورثابت ہوئے۔ انہوں نے اس بات کو یقینی بنانے میں اہم کردار ادا کیا کہ دشمن کے خلاف جوابی کارروائی کی کوششوں کے دوران پورے ہندوستان میں شہری اور فوجی بنیادی ڈھانچہ بڑی حد تک برقرار رہے۔
11 مئی کو ایک تقریب میں اسرو کے صدر وی نارائنن نے ذکر کیا کہ ملک کے شہریوں کی سلامتی اور تحفظ کی ضمانت کے اسٹریٹجک مقصد کے لیے کم از کم 10 سیٹلائٹ مسلسل 24 گھنٹے کام کر رہے ہیں۔ ملک کی سلامتی کو یقینی بنانے کے لیے قوم کو اپنے مصنوعی سیاروں کے ذریعے خدمات انجام دینی پڑتی ہیں۔ اسے اپنے 7,000 کلومیٹر کے ساحلی علاقوں کی نگرانی کرنی ہوتی ہے۔ اسےپورے شمالی حصے کی مسلسل نگرانی کرنی پڑتی ہے۔ سیٹلائٹ اور ڈرون ٹیکنالوجی کے بغیر ملک ایسا نہیں کر سکتا ۔ [3] ہے۔
ڈرون پاور کا کاروبار: ایک اُبھرتی ہوئی ملکی صنعت
ڈرون فیڈریشن انڈیا (ڈی ایف آئی) ایک پریمئر صنعتی ادارہ ہے جو 550 سے زیادہ ڈرون کمپنیوں اور 5500 ڈرون پائلٹوں کی نمائندگی کرتا ہے۔ ڈی ایف آئی کا وژن 2030 تک ہندوستان کو ڈرون کے عالمی مرکز میں تبدیل کرنا اور ہندوستان میں ڈرون ٹیکنالوجی کے ڈیزائن، ترقی، تیاری،انہیں اپنانا اور برآمد کو فروغ دینا اور پوری دنیا میں کاؤنٹر ڈرون کو فروغ دینا ہے۔ ڈی ایف آئی کاروبار کرنے کی سہولت فراہم کرتا ہے، ڈرون کی ٹیکنالوجی کو اپنانے کو فروغ دیتا ہے اور بھارت ڈرون مہوتسو[5] جیسے مختلف پروگراموں کا اہتمام کرتا ہے۔ ڈرون کے شعبے میں شامل کچھ کمپنیاں یہ ہیں:
- الفا ڈیزائن ٹیکنالوجیز (بنگلورو) اسکائی اسٹرائیکربنانے کے لئے اسرائیل کے ایلبٹ سسٹمزکی شراکت دارہے۔
- ٹاٹا ایڈوانسڈ سسٹمز دفاع اور سلامتی سے متعلق مربوط حل کی ایک مکمل رینج پیش کرتا ہے اور چھ دہائیوں سے زیادہ عرصے سے ہندوستان کی مسلح افواج کے لیے ایک قابل اعتماد شراکت دار رہا ہے۔ اور [6]
- پارس ڈیفنس اینڈ اسپیس ٹیکنالوجیز دفاع اور خلا کے شعبوں میں کام کرتی ہے ، جو اپنی ڈیزائن ، ترقی اور دیسی مینوفیکچرنگ (آئی ڈی ڈی ایم) کی صلاحیتوں کی بدولت ممتاز ہے۔ [7]
- آئی جی ڈرونز ایک ڈرون ٹیکنالوجی کمپنی ہے جو دفاعی ایپلی کیشنز اور دیگر صنعتوں میں مہارت رکھنے والے ڈرونز کی تیاری اور آر اینڈ ڈی کے لیے وقف ہے ، اس کے علاوہ صنعت کے ماہرین کے ذریعے لیونٹامینٹوز ، میپنگ اور معائنہ کے طور پر ڈرونز سے متعلق خدمات فراہم کرنے والی کمپنی ہے۔ یہ کمپنی ہندوستانی فوج ، حکومت ہند ، متعدد ریاستی حکومتوں سمیت دیگر کے ساتھ وابستہ رہی ہے ۔ [8] ہے۔
|
توقع ہے کہ 2030 تک ہندوستان کی ڈرون مارکیٹ 11 بلین ڈالر تک پہنچ جائے گی ، جو ڈرون کی عالمی مارکیٹ کا 12.2 فیصد ہے۔ [9]
جدید جنگ کے مرکز میں ڈرون
ہندوستان کے فوجی نظریے میں ڈرون کے ساتھ جنگ کا انضمام اس کی کامیابی کا سبب ہے جو برسوں کی قومی تحقیق و ترقی اور سیاسی اصلاحات کانتیجہ ہے۔ 2021 کے بعد سے ، درآمد شدہ ڈرونز کی ممانعت اور پی ایل آئی (روڈکشن لنکڈانسینٹیو) اسکیم کے آغاز نے ایک تیز رفتار جدت کو متحرک کیا ہے۔ شہری ہوابازی کی وزارت کے ڈرون اور ڈرون کے اجزاء کی تیاری سے منسلک ترغیبی اسکیم کو 30 ستمبر 2021 کو نوٹیفائی کیا گیا تھا جس میں مالی سال 2021-22 سے مالی سال 2023-24 تک تین مالی سالوں (مالی سال) میں مجموعی طور پر 120 کروڑ روپے تقسیم کیے گئے تھے۔ [10] مستقبل اے آئی سے متاثر فیصلہ سازی کے ساتھ خود مختار ڈرونوں میں مضمر ہے اور ہندوستان پہلے ہی اڈے قائم کر رہا ہے۔
دفاعی برآمدات نے مالی سال 2024-25 میں تقریبا 24,000 کروڑ روپے کے ریکارڈ اعداد و شمار کو پیچھے چھوڑ دیا ۔ اس کا مقصد 2029 تک اس تعداد کو 50,000 کروڑ روپے تک بڑھانا اور 2047 تک ہندوستان کو ایک ترقی یافتہ ملک اور دنیا کا سب سے بڑا دفاعی برآمد کنندہ بنانا ہے۔ اور 11
میک ان انڈیا دفاعی شعبے کی ترقی کو جاری رکھے ہوئے ہے
ہندوستان دفاعی مینوفیکچرنگ کے ایک اہم مرکز کے طور پر ابھرا ہے ، جو‘‘میک ان انڈیا’’ پہل اور خود کفالت کی طرف ایک مضبوط قدم کانتیجہ ہے۔ مالی سال 2023-24 میں ، دیسی دفاع کی پیداوار 1.27 لاکھ کروڑ روپے کے ریکارڈ تک پہنچ گئی، جبکہ مالی سال 2024-25 میں برآمدات میں 23,622 کروڑ روپے کا اضافہ ہوا، جو 2013-14 سے 34 گنا زیادہ ہے۔ اسٹریٹجک اصلاحات ، نجی شعبے کی شرکت اور ٹھوس آر اینڈ ڈی کے نتیجے میں جدید فوجی پلیٹ فارم جیسے دھنش آرٹلری سسٹم ،ایڈوانسڈٹاؤڈ آرٹیلیری گن سسٹم(اے ٹی اے جی ایس)،مین بیٹل ٹینک(ایم بی ٹی ارجن) ،لائیٹ اسپیشلسٹ وہیکلز ، ہائی موبیلیٹی وہیکلز،لائیٹ کامبیٹ ایئرکرافٹ( ایل سی اے) تیجس ،ایڈوانسڈ لائیٹ ہیلی کاپٹر(اے ایل ایچ)،لائیٹ یوٹیلیٹی ہیلی کاپٹر(ایل یو ایچ) آکاش میزائل سسٹم ،ویپن لوکیٹنگ ریڈار ،3ڈی ٹیکٹیکل کنٹرول ریڈار اور سافٹ ویئر ڈیفائنڈ ریڈیو (ایس ڈی آر) کے ساتھ ساتھ بحری اثاثے جیسے تباہ کن ، مقامی طیارہ بردار بحری جہاز ، آبدوز ، فری گیٹس ، تیز رفتار کاربیٹ گشت ، ہائی پیٹرول اور بحری جہاز تیار ہوئے ہیں۔
حکومت نے ریکارڈ خریداری معاہدوں ، آئی ڈی ای ایکس(آئی ڈیکس) کے تحت اختراعات، سریجن جیسے اقدامات اور اتر پردیش اور تمل ناڈو میں دوڈفینس انڈسٹریل کورریڈورس کے ساتھ اس ترقی کی حمایت کی ہے۔ ہیلی کاپٹروں کے طور پر کلیدی خریداری ایل سی ایچ (لائیٹ کامبٹ ہیلی کاپٹرس) پرچنڈہیلی کاپٹراور اے ٹی اے جی ایس (ایپرول فارایڈوانسڈٹاؤڈآرٹیلری گن سسٹم) مقامی صلاحیت سازی کی طرف منتقلی کو اجاگر کرتا ہے۔ 2029 تک پیداوار میں 3 لاکھ کروڑ روپے اور برآمدات میں 50,000 کروڑ روپے کے اہداف کے ساتھ ، ہندوستان عالمی سطح پر خود کفیل اور مسابقتی دفاع کے لیے خود کو ایک مینوفیکچرنگ پاور ہاؤس کے طور پر مضبوطی سے پوزیشن کررہا ہے۔
نتیجہ:
آپریشن سندور محض حکمت عملی کی کامیابی کی تاریخ نہیں ہے ۔ یہ ہندوستان کی مقامی دفاعی پالیسیوں کی توثیق ہے۔ فضائی دفاعی نظام سے لے کر ڈرون تک ،کاؤنٹر- یو اے ایس سے لے کر نیٹ – سینٹرک جنگی پلیٹ فارم تک ، مقامی ٹیکنالوجی نےجہاں بھی ضرورت پڑی ہے اسے پورا کیا ہے۔ نجی شعبے کی اختراع ، سرکاری شعبے کے نفاذ اور فوجی وژن کے امتزاج نے ہندوستان کو نہ صرف اپنے لوگوں اور علاقے کا دفاع کرنے کا موقع فراہم کیا ہے ، بلکہ 21 ویں صدی میں اعلی ٹیکنالوجی کی فوجی طاقت کے طور پر اپنے کردار کی تصدیق کرنے کا بھی موقع فراہم کیا ہے۔ مستقبل کے تنازعات میں میدان جنگ کانقشہ ٹیکنالوجی کے ذریعے تیزی سے تشکیل پائے گااور ہندوستان ، جیسا کہ آپریشن سندور میں دکھایا گیا ہے ، فہرست میں شامل ہے، جو اپنی اختراعات سے لیس ہے ، جسے ایک ایسی ریاست کی حمایت حاصل ہے جو اپنے لوگوں کی ذہانت سے پرعزم اور طاقتور ہے۔
حوالہ جات:
آپریشن سندور – پریس بریفنگ (12 مئی)
براہ کرم پی ڈی ایف فائل تلاش کریں ۔
******
ش ح۔ م م۔ م ا
(U NO- 794)
(Release ID: 2128821)