સંરક્ષણ સંશોધન અને વિકાસ સંગઠન (DRDO) એ ઉચ્ચ દબાણવાળા દરિયાઈ પાણીના ડિસેલિનેશન માટે સ્વદેશી નેનોપોરસ મલ્ટિલેયર પોલિમરીક મેમ્બ્રેન સફળતાપૂર્વક વિકસાવ્યું છે. કાનપુર સ્થિત DRDO પ્રયોગશાળા, ડિફેન્સ મટિરિયલ્સ સ્ટોર્સ એન્ડ રિસર્ચ એન્ડ ડેવલપમેન્ટ એસ્ટાબ્લિશમેન્ટ (DMSRDE) એ ખારા પાણીમાં ક્લોરાઇડ આયનોના સંપર્કમાં આવે ત્યારે સ્થિરતાના ગંભીર પડકારને દૂર કરવા માટે ભારતીય કોસ્ટ ગાર્ડ (ICG) જહાજો પર ડિસેલિનેશન પ્લાન્ટ માટે ટેકનોલોજી વિકસાવી છે. આ વિકાસ આઠ મહિનાના રેકોર્ડ સમયમાં પૂર્ણ થયો છે.

DMSRDE એ ICGના સહયોગથી ICGના ઓફશોર પેટ્રોલ વેસલ (OPV)ના હાલના ડિસેલિનેશન પ્લાન્ટ પર પ્રારંભિક તકનીકી પરીક્ષણો સફળતાપૂર્વક હાથ ધર્યા છે. પોલિમરીક પટલના પ્રારંભિક સલામતી અને કામગીરી પરીક્ષણો સંપૂર્ણપણે સંતોષકારક જણાયા હતા. 500 કલાકના ઓપરેશનલ પરીક્ષણ પછી ICG દ્વારા અંતિમ ઓપરેશનલ ક્લિયરન્સ આપવામાં આવશે.

હાલમાં, આ યુનિટ OPV પર ટ્રાયલ અને પરીક્ષણ હેઠળ છે. આ પટલ કેટલાક ફેરફારો પછી દરિયાકાંઠાના વિસ્તારોમાં દરિયાના પાણીના ડિસેલિનેશન માટે વરદાન સાબિત થશે. આત્મનિર્ભર ભારત તરફની યાત્રામાં DMSRDEનું આ બીજું પગલું છે.

AP/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com