ہندوستان کے انسانی حقوق کے قومی کمیشن (این ایچ آر سی) نے دو ہفتوں کے لیے آن لائن قلیل مدتی (او ایس ٹی آئی) انٹرن شپ کا اپنا پروگرام شروع کیا ہے ۔ اس پروگرام میں حصہ لینے کے لیے 1795 درخواست دہندگان میں سے 21 ریاستوں اور مرکز کے زیر انتظام علاقوں کے مختلف تعلیمی شعبوں کے 80 یونیورسٹی طلباء کا انتخاب کیا گیا ہے ۔ دو ہفتوں کے اس پروگرام کا مقصد ملک میں انسانی حقوق کے فروغ اور تحفظ کے بارے میں ایک جامع تفہیم فراہم کرنا ہے ۔

این ایچ آر سی آف انڈیا کے سکریٹری جنرل جناب بھرت لال نے اپنی تقریر میں کہا کہ نوجوان ہندوستان کی 5000 سالہ تہذیبی اخلاقیات کے مشعل بردار ہیں جو ہمدردی ،رحم دلی اور انصاف پر مبنی ہے ۔ انہوں نے طلبا پر زور دیا کہ وہ انصاف ، مساوات اور وقار کے سفیر کے طور پر خدمات انجام دیں ، اور ان کی حوصلہ افزائی کی کہ وہ ہندوستان کے آئینی ڈھانچے کو سمجھنے اور انسانی حقوق اور سب کے وقار کی وکالت کرنے کے لیے اس موقع کو بروئے کار لائیں۔ انہوں نے ان پر زور دیا کہ وہ رد عمل کے بجائے غور و فکر پر توجہ دیں اور زندگی کے مقصد کو دریافت کرنے کے لیے ماہرین سے سیکھنے کے موقع سے فائدہ اٹھائیں ۔ انہوں نے دائرہ کار کو بڑھانے اور دور دراز اور الگ تھلگ علاقوں کے طلباء ، جو دہلی میں سفر اور قیام نہیں کر سکتے ،انہیں انسانی حقوق کے مختلف پہلوؤں کے بارے میں جاننے کا موقع فراہم کرنے کے مقصد سے یہ آن لائن پروگرام  منعقد کیا گیا ہے ۔ انہوں نے ان طلباء سے انسانی حقوق کے تحفظ اور فروغ کے لیے موقع سے زیادہ سے زیادہ فائدہ اٹھانےاورخود کو معلومات سے آراستہ کرنےکی اپیل کی ۔

انہوں نے ملک میں انسانی حقوق کے ارتقا ، آئینی دفعات ، انسانی حقوق کے تحفظ اور فروغ میں سپریم کورٹ کے رول ، این ایچ آر سی کے کام کاج ، اور مظلوم افراد کو پناہ فراہم کرنے کے لیے ہندوستان کی تہذیبی اور ثقافتی اخلاقیات کے بارے میں عمومی نظریہ پیش کیا ۔

این ایچ آر سی ، انڈیا کے ڈپٹی سکریٹری جناب سمیر کمار نے انٹرنشپ کے پروگرام اور مطالعات کے باریکی سے تیار کردہ  نصاب کا عمومی وژن پیش کیا ۔ اس میں کانفرنس ، ٹیم اور انفرادی صلاحیتیں شامل ہیں ، جیسے گروپ میں تحقیقی  پروجیکٹوں کی پیش کش ، کتابوں کا جائزہ اور ڈیکلیمیشن کی اہلیت کے ساتھ ساتھ تہاڑ جیل جیسے اداروں کا ورچوئل ٹور ، جو انسانی حقوق کی حقیقتوں کا پہلا نقطہ نظر پیش کرتے ہیں ۔ لیفٹیننٹ کرنل وریندر سنگھ پروگرام کے کورس کے کوآرڈینیٹر ہیں ۔

یہ پروگرام مختلف تعلیمی پس منظر کے طلباء کو انسانی حقوق کے چیلنجوں سے نمٹنے کے لیے ضروری علم اور مہارتوں سے آراستہ کرنے کے لیے بنایا گیا ہے ۔ بات چیت کا اجلاس اور دلچسپ سرگرمیوں کے ذریعے ، طلباء بین الاقوامی انسانی حقوق کے قانون ، ہندوستان کے لیےمخصوص انسانی حقوق کے مسائل اور موثر دفاعی حکمت عملیوں کے بارے میں گہری سمجھ بوجھ حاصل کریں گے ۔

*******

ش ح۔ ش ب۔م ش

U.NO.771