நாட்டில் நிலவும் சூழ்நிலையைப் பற்றிக் குறிப்பிட்ட மக்களவைத் தலைவர் திரு ஓம் பிர்லா, 'நமது ஆயுதப் படைகளின் வீரம், துணிச்சல் மற்றும் தொலைநோக்குப் பார்வை குறித்து நாம் பெருமைப்படுகிறோம்' என்று கூறினார். இந்திய ராணுவம் நமது எல்லைகளை அசைக்க முடியாததாகவும் வலிமையானதாகவும் மாற்றியது போலவே, இந்தியாவின் எஃகுச் சட்டகம், அதாவது இந்திய குடிமைப் பணி, நாட்டை வடிவமைப்பதில் முக்கிய பங்கு வகித்துள்ளது என்று அவர் குறிப்பிட்டார். இளம் குடிமைப் பணியாளர்கள் இந்திய விழுமியங்கள் மற்றும் ஜனநாயகக் கொள்கைகளால் வழிநடத்தப்பட்டு, சேவையின் மரபை விட்டுச் செல்ல வேண்டும் என்று அவர் அழைப்பு விடுத்தார். ஆட்சி மற்றும் பொது நிர்வாகத்தில் தங்கள் சொந்தப் பாத்திரங்களுக்கு நோக்கம், ஒழுக்கம் மற்றும் சேவையின் உணர்வைக் கொண்டுவர வேண்டும் என்றும் அவர் வலியுறுத்தினார். இன்று நாடாளுமன்ற வளாகத்தில் 2023 தொகுதி ஐஏஎஸ் அதிகாரி பயிற்சியாளர்களிடம் உரையாற்றும் போது திரு பிர்லா இந்தக் கருத்துக்களைத் தெரிவித்தார்.

நேர்மையான, உள்ளடக்கிய, புதுமையான மற்றும் உலகளவில் மதிக்கப்படும் ஒரு வளர்ந்த இந்தியாவை உருவாக்க இளம் அதிகாரிகள் தங்களை அர்ப்பணித்துக் கொள்ள வேண்டும் என்று திரு பிர்லா அறிவுறுத்தினார். பின்தங்கிய மற்றும் பழங்குடிப் பகுதிகளின் தேவைகளைப் பூர்த்தி செய்வதாக இருந்தாலும், ஏழைகளின் வாழ்க்கையை மேம்படுத்த தொழில்நுட்பத்தைப் பயன்படுத்துவதாக இருந்தாலும், அல்லது கடைசி மைல் சேவைகளை வழங்குவதை உறுதி செய்வதாக இருந்தாலும், இந்தியாவின் எதிர்காலம் அதன் அரசு ஊழியர்களின் வலிமை மற்றும் அர்ப்பணிப்பைப் பொறுத்தது என்றார்.

நிர்வாகத் திறன், வெளிப்படைத்தன்மை மற்றும் சேவை வழங்கலை மேம்படுத்த ஐஏஎஸ் அதிகாரிகள் தொழில்நுட்பத்தை அதிக அளவில் ஏற்றுக்கொள்ள வேண்டியதன் அவசியத்தை மக்களவை சபாநாயகர் வலியுறுத்தினார். இன்றைய நிர்வாக சூழலில் டிஜிட்டல் கருவிகளின் மாற்றத்தக்க பங்கை எடுத்துரைத்த சபாநாயகர், செயற்கை நுண்ணறிவு, தரவு பகுப்பாய்வு மற்றும் மின்-ஆளுமை தளங்கள் போன்ற வளர்ந்து வரும் தொழில்நுட்பங்களை அவர்களின் அன்றாட செயல்பாட்டில் ஒருங்கிணைக்குமாறு அதிகாரிகளைக் கேட்டுக் கொண்டார். தொழில்நுட்பத்தை மேம்படுத்துவது அரசாங்கத்திற்கும் குடிமக்களுக்கும்

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்: https://www.pib.gov.in/PressReleasePage.aspx?PRID=2127972

***

RB/DL