اقلیتوں اور پارلیمانی امور کے مرکزی وزیر جناب کرن رجیجو نے آج ہو چی منہ شہر میں ویتنام بدھسٹ اکیڈمی میں منعقدہ اقوام متحدہ کے ویساک دن-2025 کی تقریبات میں ایک ممتاز عالمی اجتماع سے خطاب کیا۔ اس مقدس موقع پر جناب رجیجو نے  صدر جمہوریہ محترمہ  دروپدی مرمو اور وزیر اعظم جناب نریندر مودی کی جانب سے بین الاقوامی سامعین کو نیک خواہشات پیش کیں۔

اپنے خطاب میں، جناب رجیجو نے آج کی دنیا میں بھگوان بدھ کی تعلیمات کی پائیدار افادیت پر زور دیا اور پائیداریت، امن اور انسانی وقار کے  تئیں ہندوستان کی قدیم اور مسلسل وابستگی کو اجاگر کیا۔ انہوں نے اس بات پر روشنی ڈالی کہ کس طرح مہاتما بدھ کا پیغام عصری عالمی چیلنجوں کا سامنا کرنے میں رہنمائی کرتا ہے۔

اس عظیم الشان تقریب میں سوشلسٹ جمہوریہ ویتنام کے صدر عزت مآب لی کوانگ،  سری لنکا کے صدر عزت مآب  انورا کمارا ڈسانائیکا، کئی سربراہان مملکت اور روحانی رہنماؤں نے شرکت کی۔ نامور بدھسٹ شخصیات بشمول ویتنام بدھسٹ سنگھا کے سرپرست اعلیٰ، انتہائی قابل احترام تھچ تری کوانگ، اوریو این ڈی وی کی بین الاقوامی  آرگنائزنگ کمیٹی کے چیئرمین، انتہائی قابل احترام پروفیسر ڈاکٹر پرا برہما پنڈت، بھی موجود تھے۔

2025 کی تقریبات، جس کا موضوع تھا ‘‘انسانی وقار کے لیے یکجہتی اور رواداری؛ عالمی امن اور پائیدار ترقی کے لیے بدھسٹ بصیرت’’ کے ذریعہ  عالمی غیر یقینی صورتحال کے درمیان طاقتور پیغام دیا گیا۔

حکومت ہند کی وزارت ثقافت، مہابودھی سوسائٹی آف انڈیا، نیشنل میوزیم آف انڈیا، اور بین الاقوامی بدھسٹ کنفیڈریشن (آئی بی سی) کے تعاون سے بھگوان بدھ کے مقدس آثار کی نمائش کی جا رہی ہے۔ یہ آثار فی الحال ہو چی منہ شہر کے تھان تام پگوڈا میں نمائش کے لیے رکھے گئے ہیں اور یہ 21  مئی 2025 تک  ہنو ئی کے تہہ نن اور ہا نیم کا سفر کریں گے۔

*****

UR- 626

(ش ح۔   ض ر ۔ ا ک م)