اقلیتوں اور پارلیمانی امور کے وزیر جناب کرن رجیجو نے آج ہو چی منہ شہر میں اقوام متحدہ کے یوم ویساک کی افتتاحی تقریب کا افتتاح کیا، جہاں ویتنام کے صدر جناب لوونگ کوونگ، سری لنکا کے صدر جناب انورا کمارا دیسانائیکے،ویتنام بدھسٹ سنگھ کے سنگھراج، تھیچ تری کوانگ اور دیگر رہنماؤں نے بھی خطاب کیا۔جناب رجیجو نے ہندوستان کے وزیر اعظم جناب نریندر مودی کی طرف سے دلی مبارکبادپیش کی اور وزیراعظم کاپیغام ان تک پہنچایا۔انہوں نے کہا کہ بھگوان بدھ کی ابدی تعلیمات بہت سے موجودہ عالمی چیلنجوں کے بارے میں گہری معلومات اوران کے حل پیش کرتی ہیں۔انہوں نے اس کا ذکر کیا کہ ہمارے مشترکہ کرہ ارض پر انفرادی انتخابات کے اثرات کے بارے میں بیداری کو فروغ دینے کے لیے ہندوستان کی پہل، مشن لائف (ماحولیات کے لیے طرز زندگی)، بدھ مت کے فلسفے میں گہری جڑیں رکھتی ہے۔انہوں نے بھگوان بدھ کے پیروکاروں کو ہندوستان میں بھگوان بدھ کی تعلیمات سے وابستہ مقدس مقامات کا دورہ کرنے اور اس جیتے جاگتے ورثے سے جڑنے کی بھی دعوت دی۔جناب رجیجو نے اقوام متحدہ کے یوم ویساک کی تقریبات کے موقع پر ہو چی منہ شہر میں مقدس بدھ کے باقیات کی موجودگی کی اہمیت پر بھی زور دیا۔

جناب رجیجو نے ویتنام کے صدر جناب لوونگ کوونگ سے الگ سے ملاقات کی۔ہندوستان اور ویتنام کے درمیان کثیر جہتی تعاون میں صحت مند پیش رفت کو تسلیم کرتے ہوئے، دونوں رہنماؤں نے دونوں ممالک کے درمیان جامع اسٹریٹجک شراکت داری کو مزید مستحکم کرنے کے لیے اپنے تعاون کا اعادہ کیا۔جناب کوونگ نے بدھ کے مقدس باقیات ویتنام بھیجنے پر حکومت ہند کا شکریہ ادا کیا۔ویتنام کے صدر نے ہندوستان کے پارلیمانی امور اور اقلیتوں کے وزیر ، ویتنام کے نسلی اور مذہبی امور کے وزیر، پولیٹ بیورو کے ایک رکن اور ہو چی منہ شہر کی پارٹی کے سکریٹری کے ہمراہ ہوچی منہ شہر کے مندر میں کاشی کے قریب سارناتھ سےلائے گئے بدھ کے مقدس باقیات کو خراج عقیدت پیش کیا۔

جناب کرن رجیجو نے ویتنام کے شہر ہو چی منہ میں اقوام متحدہ کے ویساک کے دن کے حاشیہ پر بھگوان بدھ کے ہندوستانی مجسموں کی نمائش کے ساتھ ساتھ ہندوستان میں بدھ مت کی یادگاروں کی ڈیجیٹل بحالی کا بھی مشاہدہ کیا۔انہوں نے ہندوستان اور ویتنام میں بدھ مت کے فن اور مجسموں کی ایک تقابلی نمائش بھی دیکھی، جس سے یہ ظاہر ہوتا ہے کہ دونوں ممالک کے درمیان ایک ہزار پچاس سال سے زیادہ کا بدھ مت کا تعلق روحانیت سے آگے آرٹ اور ثقافت کے شعبوں تک پھیلا ہوا ہے۔

************

ش ح ۔ ک ح ۔ م ا

UN-NO-625