नवी दिल्‍ली, 1 मे 2025

देशाची 40 वर्ष अविरत सेवा केल्यानंतर 30 एप्रिल 2025 रोजी एअर मार्शल एसपी धारकर भारतीय हवाई दलातून (IAF) निवृत्त झाले.

भारतीय हवाई दलाच्या युद्ध शाखेत एअर मार्शल धारकर 14 जून 1985 रोजी फ्लाइंग पायलट म्हणून नियुक्त झाले आणि त्यांनी भारतीय हवाई दलाच्या विविध विमानांच्या माध्यमातून 3600 हून अधिक तास उड्डाण करण्याची कामगिरी केली. ते एक उत्तम उड्डाण प्रशिक्षक, युद्ध ‘स्ट्राईक लीडर’ आणि इन्स्ट्रुमेंट रेटिंग प्रशिक्षक आणि परीक्षक आहेत. राष्ट्रीय संरक्षण अकादमी, भारताचे संरक्षण सेवा कर्मचारी महाविद्यालय, आणि अमेरिकेच्या लष्करी युद्ध महाविद्यालयाचे ते माजी विद्यार्थी आहेत.

एस पी धारकर यांनी त्यांच्या कारकिर्दीत अनेक महत्त्वाची पदे भूषविली ज्यामध्‍ये ईस्टर्न एअर कमांड (EAC) येथे एअर ऑफिसर कमांडिंग-इन-चीफ आणि साउथ वेस्टर्न एअर कमांडमध्ये वरिष्ठ हवाई कर्मचारी अधिकारी यांचा समावेश होता. ईएसी मुख्यालय येथे एअर डिफेन्स कमांडर आणि एअर मुख्यालयात हवाई कर्मचारी सहाय्यक प्रमुख (प्रशिक्षण) ही पदेही त्यांनी भूषविली. संरक्षण अंतराळ संस्थेचे ते पहिले महासंचालक होते.

एअर मार्शल यांच्या अपवादात्मक अशा उच्च दर्जाच्या गुणवान सेवेसाठी त्यांना वर्ष 2014 मध्ये अति विशिष्ट सेवा पदक, वर्ष 2023 मध्ये परम विशिष्ट सेवा पदक आणि वर्ष 2025 मध्ये उत्तम युद्ध सेवा पदक प्रदान करून सन्मानित करण्यात आले.

* * *

S.Bedekar/S.Naik/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai