పరిచయం

సృజనాత్మకత, సాంకేతికత, కథను చక్కగా చెప్పడం వంటి నైపుణ్యాలను ప్రదర్శించే ప్రముఖ వేదికగా ముంబయిలో మే 1 నుంచి 4 వరకు జరగనున్న వేవ్స్ 2025 - వరల్డ్ ఆడియో విజువల్ అండ్ ఎంటర్‌టైన్‌మెంట్ సమ్మిట్ కోసం సిద్ధమవండి. భారత ప్రభుత్వం మొట్టమొదటిసారిగా నిర్వహిస్తున్న ఈ ప్రపంచస్థాయి కార్యక్రమం భారత మీడియా, వినోద రంగాల శక్తిని చాటనుంది. ఈ కార్యక్రమ వేదిక అయిన జియో వరల్డ్ కన్వెన్షన్ సెంటర్‌ సృజనాత్మకత, ఆవిష్కరణలు, అవకాశాల ప్రధాన కేంద్రంగా నిలవనుంది.

1,100 లకు పైగా అంతర్జాతీయ భాగస్వాములతో సహా 100,000కు పైగా రిజిస్ట్రేషన్లతో, వేవ్స్ 2025 చిత్రనిర్మాతలు, సాంకేతిక మార్గదర్శకులు, క్రియేటర్స్, మదుపరులు, పరిశ్రమ ప్రముఖులు భారత వినోద రంగ భవిష్యత్తును రూపొందించేందుకు సమావేశమయ్యే చక్కని వేదికగా నిలవనుంది. అమితాబ్ బచ్చన్, షారుఖ్ ఖాన్‌ల అలనాటి లెజెండరీల ప్రసంగాల నుంచి సత్య నాదెళ్ల, సుందర్ పిచాయ్ వంటి సాంకేతికత మార్గదర్శకుల వరకు, ఈ సమ్మిట్ ప్రతిభ, ఆశయాల ప్రదర్శన కోసం ఆయా రంగాల్లోని దార్శనికులను ఏకం చేస్తుంది.

సృజనాత్మకత, డిజిటల్ రంగాల్లో ప్రపంచస్థాయి ప్రధాన కేంద్రంగా భారత్‌ను నిలిపే ఉద్యమం ఇది. క్రియేట్ ఇన్ ఇండియా ఛాలెంజ్, అత్యాధునిక ప్రదర్శనలు, అంకురసంస్థ పిచ్‌లు, సాంస్కృతిక ప్రదర్శనలు, అత్యున్నత స్థాయి సంభాషణల వంటి ఆసక్తికర అంశాలతో వేవ్స్ 2025 భవిష్యత్తు దిశగా ఒక సాహసోపేతమైన ముందడుగును సూచిస్తుంది. నియమావళికి అనుగుణమైన సంస్కృతిని, సంప్రదాయానికి అనుగుణమైన పరివర్తనకు ఇది ఒక చక్కటి వేదికగా నిలుస్తుంది.

క్రియేట్ ఇన్ ఇండియా ఛాలెంజ్ సీజన్ 1

క్రియేట్ ఇన్ ఇండియా ఛాలెంజ్ (సిఐసి) అనేది భారత కంటెంట్ క్రియేటర్స్ సాధికారత లక్ష్యంగా రూపొందించిన ఒక వ్యూహాత్మక కార్యక్రమం. ఆవిష్కరణలు, సృజనాత్మక వ్యక్తీకరణల వేదికగా, సిఐసి భారత క్రియేటర్స్‌ను ఆర్థికంగా బలోపేతం చేయడానికి, సాఫ్ట్ పవర్‌ను మెరుగుపరచడానికి, అలాగే యువ ప్రతిభకు ప్రపంచస్థాయిలో గుర్తింపును అందించేందుకు ప్రయత్నిస్తుంది. నైపుణ్యాల ద్వారా ఆర్థిక సమృద్ధిని పొందడానికి అలాగే మీడియా, వినోద రంగ అభివృద్ధికి ఈ కార్యక్రమం దోహదపడుతుంది.

సృజనాత్మకత, సాంకేతికత, సాంస్కృతిక అంశాలు సహా 32 అంశాల్లో ఈ పోటీలు ఉత్తేజకరంగా సాగనున్నాయి. 2024, ఆగస్టు 22న ప్రారంభమైన ఈ కార్యక్రమం కోసం భారత్‌తో పాటు ప్రపంచవ్యాప్తంగా అనేక దేశాల నుంచి అభ్యర్థులు నమోదు చేసుకున్నారు. ఈ మార్గదర్శక కార్యక్రమం ప్రపంచ స్థాయి ఆకర్షణను, విస్తరణను ప్రతిబింబిస్తూ ఈ పోటీల కోసం 60కి పైగా దేశాల నుంచి ఎంట్రీలను ఆకర్షించాయి. ఈ అసాధారణ ప్రతిభగల కళాకారుల బృందం నుంచి, 750 మంది ఫైనలిస్టులకు వేవ్స్ 2025లో భాగంగా యానిమేషన్, కామిక్స్, ఏఐ, ఎక్స్ఆర్, గేమింగ్, సంగీతం వంటి రంగాల్లో ఆవిష్కరణలను ప్రదర్శించడం కోసం అవకాశం కల్పించే క్రియేటోస్పియర్  వేదికగా వారి సృజనాత్మక నైపుణ్యాలు, ఫలితాలను ప్రదర్శించే అవకాశం కల్పిస్తున్నారు. ఈ పోటీల విజేతలకు ఈవెంట్ 2వ రోజు గ్రాండ్ రెడ్ కార్పెట్ వేడుకలో ప్రతిష్టాత్మకమైన 'వేవ్స్ క్రియేటర్ అవార్డులు' అందించనున్నారు.

1. వేవ్స్ ప్రోమో వీడియో ఛాలెంజ్: ఒక వీడియో ద్వారా వేవ్స్ 2025 స్ఫూర్తిని, ఆశయాన్ని ప్రదర్శించే శక్తిమంతమైన, స్ఫూర్తిదాయకమైన ఆడియోవిజువల్ కంటెంట్‌ను గుర్తించడం కోసం రూపొందించిన ఒక ప్రత్యేకమైన పోటీ.

2. ట్రుత్ టెల్ హ్యాకథాన్: తప్పుడు సమాచారాన్ని నివారిస్తూ, విశ్వసనీయ జర్నలిజాన్ని ప్రోత్సహించే ఏఐ పరిష్కారాలను అభివృద్ధి చేసే లక్ష్యంతో టెక్ ఇన్నోవేటర్లు, డేటా నిపుణులు, మీడియా నిపుణులను ఆహ్వానించారు.

3. కమ్యూనిటీ రేడియో కంటెంట్ ఛాలెంజ్: దేశవ్యాప్తంగా గల కమ్యూనిటీ రేడియో స్టేషన్ల సృజనాత్మకత, ఆవిష్కరణ, కమ్యూనిటీ ప్రభావాన్ని సెలబ్రేట్ చేస్తూ, ప్రదర్శించే లక్ష్యంతో ఈ ఉత్సాహకరమైన పోటీని నిర్వహిస్తున్నారు.

4. వేవ్స్ హ్యాకథాన్ యాడ్ స్పెండ్ ఆప్టిమైజర్: ప్రకటనదారులు తెలివైన, డేటా ఆధారిత నిర్ణయాలు తీసుకోవడంలో సహాయపడే పరిష్కారాలను రూపొందించడం కోసం డేటా సైన్స్, మెషిన్ లెర్నింగ్, స్టాటిస్టికల్ మోడలింగ్‌ను ఉపయోగించుకునేందుకు పార్టిసిపెంట్స్ కృషిచేశారు. ఆర్ఓఐని పెంచడం, మార్కెటింగ్ లక్ష్యాలకు ఊతమివ్వడం దీని లక్ష్యం.

5. ప్రపంచమంతా ఖాదీ ధరించేలా చేయడం: భారతదేశ గొప్ప వస్త్ర వారసత్వాన్ని ప్రపంచ ఫ్యాషన్ పోకడలతో మిళితం చేసే లక్ష్యంతో నిర్వహించే ఈ పోటీలు, ప్రచార నిపుణులు, ఫ్రీలాన్సర్స్ కోసం ఆసక్తికరమైన పోటీని అందిస్తాయి.

6. వాహ్ ఉస్తాద్: ఇది భారతదేశపు గొప్ప సంగీత వారసత్వాన్ని పరిరక్షిస్తూ, ప్రోత్సహిస్తూ హిందుస్తానీ, కర్ణాటక, మనోహరమైన సూఫీ సంగీతంలోని అసాధారణ ప్రతిభను పెంపొందించే లక్ష్యం గలది.

7. బాటిల్ ఆఫ్ ది బ్యాండ్స్: సృజనాత్మకత, సంగీత రంగాల పరిధిని విస్తరించే లక్ష్యంతో రూపొందించిన ఈ పోటీలు, ఈ రంగంలో కమ్యూనిటీ భావనను, ఆవిష్కరణలను, అభివృద్ధిని ప్రోత్సహిస్తాయి.

8. సింఫనీ ఆఫ్ ఇండియా: సంగీతాభిమానుల విస్తృత అభిరుచులను సెలబ్రేట్ చేస్తూ, వివిధ జానర్స్ వ్యాప్తంగా అనేక రకాల సంగీత ప్రదర్శనలను ప్రదర్శించే కార్యక్రమం.

9. థీమ్ మ్యూజిక్ పోటీ: భారతీయ శాస్త్రీయ సంగీతాన్ని పోలి ఉండే లేదా శాస్త్రీయ, సమకాలీన సంగీత వాయిద్యాలు, శైలుల కలయికతో కూడిన సంగీతాన్ని సృష్టించి, పంచుకోవడం కోసం పాటల రచయితలు, గాయకులు, ప్రదర్శకులు, మ్యూజిక్ క్రియేటర్స్‌కు ఆహ్వానం పలుకుతుంది.

10. రెజోనేట్ ఈడిఎమ్ ఛాలెంజ్: ఎలక్ట్రానిక్ డ్యాన్స్ మ్యూజిక్ (ఈడిఎమ్) నిర్మాణంలో ప్రపంచవ్యాప్తంగా ప్రతిభకు గుర్తింపునివ్వడం, సంగీత రూపకల్పనలో సహకారం, ఆవిష్కరణలు, సృజనాత్మకతను పెంపొందించే లక్ష్యంతో నిర్వహించే పోటీ. ఈ కార్యక్రమం "క్రియేట్ ఇన్ ఇండియా" మిషన్‌తో కలిసి పనిచేస్తుంది, ప్రపంచ సృజనాత్మకత, వినోదాల కేంద్రంగా భారత్‌ను ప్రదర్శిస్తుంది.

11. భారత్  విహంగ వీక్షణం: వైమానిక డ్రోన్ సినిమాటోగ్రఫీ ప్రత్యేక దృక్కోణం నుంచి మన దేశ గొప్పతనాన్ని ప్రదర్శించే 2-3 నిమిషాల వీడియోలో మన దేశ సౌందర్యం, వైవిధ్యాన్ని ప్రదర్శించడం కోసం ఉద్వేగభరితమైన డ్రోన్ పైలట్లు, ఫిల్మ్ మేకర్స్‌ను ఆహ్వానిస్తున్నారు.

12. యాంటీ-పైరసీ ఛాలెంజ్: వేలిముద్రలు, వాటర్‌మార్కింగ్ సాంకేతికతల్లో స్థానిక కంపెనీలు రూపొందించిన వినూత్న పరిష్కారాలను ప్రోత్సహించడం, మద్దతు ఇవ్వడంపై ఈ పోటీ ప్రధానంగా దృష్టి పెడుతుంది.

13. కామిక్స్ క్రియేటర్ ఛాంపియన్‌షిప్: అమెచ్యూర్, ప్రొఫెషనల్ కళాకారుల కోసం కామిక్ మేకింగ్ పోటీ.

14. వేవ్స్ యానిమీ - మాంగా ఛాలెంజ్: భారతదేశంలో మాంగా, యానిమీ రంగాల పట్ల పెరుగుతున్న ఆసక్తిని పెంపొందించే లక్ష్యంతో నిర్వహించే ఒక వినూత్న కార్యక్రమం.

15. యానిమేషన్ ఫిల్మ్‌మేకర్స్ పోటీ: యానిమేషన్ రంగంలో భారతదేశానికి చెందిన కథకులను వెలికితీసి, వారికి సాధికారత కల్పించే లక్ష్యం గలది.

16. గేమ్ జామ్: భారత గేమ్ డెవలపర్లు వారి సృజనాత్మకతను, ఆవిష్కరణలను ప్రదర్శించే ఒక ఉత్తేజకరమైన అవకాశం.

17. ఈస్పోర్ట్స్ టోర్నమెంట్: ఈ-ఫుట్‌బాల్, ప్రపంచ క్రికెట్ ఛాంపియన్‌షిప్ (డబ్ల్యుసిసి) పోటీలు బ్యాచులలో జరుగుతాయి, ఛాంపియన్స్ వేవ్స్ వద్ద సత్కారం పొందేలా, ప్రతీది ఉత్కంఠభరితమైన మ్యాచ్‌అప్‌లను అందిస్తాయి.

18. సిటీ క్వెస్ట్: షేడ్స్ ఆఫ్ భారత్: భారత్ పట్టణాభివృద్ధిని సెలబ్రేట్ చేసుకునే ఒక విద్యాసంబంధ గేమ్.

19. ఎక్స్ఆర్ క్రియేటర్ హ్యాకథాన్: భారతదేశ వ్యాప్తంగా డెవలపర్‌లను ఆగ్మెంటెడ్, వర్చువల్ రియాలిటీలన విస్తరించేందుకు ఆహ్వానించే పోటీ.

20. ఇన్నోవేట్2ఎడ్యుకేట్ హ్యాండ్‌హెల్డ్ డివైస్ ఛాలెంజ్: గణితాన్ని నేర్చుకోవడం, పజిల్స్ పరిష్కరించడం, అభిజ్ఞా నైపుణ్యాలను పెంచడం సరదాగా, ఇంటరాక్టివ్‌గా చేసే విద్యా హ్యాండ్‌హెల్డ్ పరికర నమూనాను అభివృద్ధి చేయడానికి విద్యావేత్తలు, డిజైనర్లు, ఇంజనీర్లు, ఆవిష్కర్తలను ఆహ్వానించారు.

21. ఏఐ అవతార్ క్రియేటర్ ఛాలెంజ్: ఈ పోటీ ఏఐ అవతార్‌లను సృష్టించడంపై దృష్టి పెట్టింది: వర్చువల్ స్పేస్‌లలో మానవ ప్రభావశీలుర వంటి వినియోగదారులతో నిమగ్నమయ్యే వ్యక్తిగతీకరించిన, ఇంటరాక్టివ్ డిజిటల్ వ్యక్తిత్వాలు.

22. వేవ్స్ అవార్డ్స్ ఆఫ్ ఎక్సలెన్స్: యానిమేషన్, విఎఫ్ఎక్స్, గేమింగ్ సంబంధిత రంగాల్లో అత్యుత్తమ షోరీల్స్, యాడ్‌ఫిల్మ్‌లను గుర్తించి, సృజనాత్మకతను, ఆవిష్కరణలను కార్యరూపం దాల్చేలా చేసే ప్రతిష్టాత్మక పోటీ.

23. భారత్ టెక్ ట్రయంఫ్ ప్రోగ్రామ్: అగ్రశ్రేణి గేమింగ్, ఇంటరాక్టివ్ ఎంటర్టైన్మెంట్ ఆవిష్కర్తలను గుర్తించి, వారికి సాధికారత కల్పించడం కోసం గల ఒక పోటీ.

24. వేవ్స్ విఎఫ్ఎక్స్ పోటీ: అసాధారణ శక్తులు కలిగిన సూపర్ హీరోని ప్రదర్శించే విజువల్ ఎఫెక్ట్స్ సీక్వెన్స్ లేదా షార్ట్ ఫిల్మ్‌ను రూపొందించే పనిని పార్టిసిపెంట్స్ కోసం అప్పగించారు. కానీ వాటిని వారు రోజువారీ, ప్రాపంచిక జీవితంలో ఉపయోగించాలి.

25. వేవ్స్ కామిక్ క్రానికల్స్: ఈ పోటీ ఏదైనా ఎంచుకున్న థీమ్‌పై కామిక్ సమర్పణలను ఆహ్వానిస్తున్నారు, కనీసం 60 ప్యానెల్‌లు దీనికి అవసరం, ప్రతి చిత్రం లేదా దృశ్యం ఒకే ప్యానెల్‌ను సూచిస్తుంది.

26. వేవ్స్ ఎక్స్‌ప్లోరర్: భారతదేశపు గొప్ప సాంస్కృతిక వారసత్వం, సృజనాత్మకతను ప్రదర్శించే ఆకర్షణీయమైన ప్రయాణం కోసం పార్టిసిపెంట్స్‌ను ఆహ్వానించారు. పార్టిసిపెంట్స్ భారతదేశంలోని తమకు ఇష్టమైన అంశాలను హైలైట్ చేస్తూ యూట్యూబ్ వీడియోలు (1 నిమిషం వరకు) లేదా వ్లాగ్‌లను (7 నిమిషాల వరకు) క్రియేట్ చేశారు.

27. రీల్ రూపకల్పన పోటీ: ఆహారం, ప్రయాణం, ఫ్యాషన్, నృత్యం, సంగీతం, గేమింగ్, యోగా, వెల్నెస్, సాంకేతికత వంటి రంగాలను గురించి ఆకర్షణీయమైన రీల్స్‌ను రూపొందించడానికి పార్టిసిపెంట్స్‌ను ఆహ్వానించారు.

28. యంగ్ ఫిల్మ్ మేకర్స్ ఛాలెంజ్: ఈ పోటీ 60 సెకన్ల సంక్షిప్త చలనచిత్ర రూపకల్పన ద్వారా యువ పార్టిసిపెంట్స్‌లో ఆవిష్కరణలు, కథ చెప్పే నైపుణ్యాలు, డిజిటల్ పరిజ్ఞానాన్ని పెంపొందించే లక్ష్యం గలది.

29. ఫిల్మ్ పోస్టర్ రూపకల్పన పోటీ: భారతదేశపు గొప్ప సినిమా పోస్టర్ వారసత్వాన్ని సెలబ్రేట్ చేస్తూ, ప్రోత్సహించడానికి వినూత్నమైనవిగా, ఆకట్టుకునేవిగా కనిపించేలా పునఃరూపకల్పన చేసిన ఫిల్మ్ పోస్టర్‌లను రూపొందించే ఒక ప్రత్యేక అవకాశం.

30. ట్రైలర్ రూపకల్పన పోటీ: అనుభవజ్ఞులైన, యువ ఫిల్మ్ మేకర్స్ ఇరువురినీ నెట్‌ఫ్లిక్స్ కంటెంట్‌ను ఉపయోగించి ఆకర్షణీయమైన ట్రైలర్‌లను రూపొందించేందుకు ఆహ్వానిస్తారు, ఇది ఐకానిక్ దృశ్యాలను తిరిగి ఊహించుకోవడానికి లేదా తాజా దృక్కోణాలను ప్రధానంగా ప్రస్తావించే అవకాశాన్ని అందిస్తుంది.

31. అన్‌రియల్ సినిమాటిక్స్ ఛాలెంజ్: టీవీఏజీఏ ద్వారా అవాస్తవిక సినిమాటిక్స్ ఛాలెంజ్, ఇది అవాస్తవిక ఇంజిన్‌ని ఉపయోగించి కళాకారులు, యానిమేటర్లు, కంటెంట్ సృష్టికర్తలు తమ కథ చెప్పడం, సాంకేతిక నైపుణ్యాలను ప్రదర్శించడం కోసం ఒక వేదికను అందించింది.

32. వేవ్స్ కాస్‌ప్లే ఛాంపియన్‌షిప్: పాప్ సంస్కృతి, సృజనాత్మకత, హస్తకళల గొప్ప వేడుక, చివరి రోజున పార్టిసిపెంట్స్ తమ ప్రతిభను ప్రదర్శిస్తారు. ఇది భారత చరిత్ర, మాంగా, యానిమే, కామిక్స్, ఆటల వంటి శైలులను ప్రధానంగా ప్రదర్శిస్తుంది.

ముగింపు

వేవ్స్ 2025 గ్రాండ్ ఫినాలే సమీపిస్తున్న క్రమంలో, ప్రపంచవ్యాప్తంగా వేలాది మంది పోటీదారులు తమ సృజనాత్మకత, ఆవిష్కరణ, ప్రతిభను ప్రదర్శించడం కోసం కలిసి వస్తారు. విభిన్న సవాళ్లు, సహకారానికి అసమానమైన వేదికగా, వేవ్స్ భారత మీడియా, వినోద రంగ భవిష్యత్తుపై శాశ్వత ప్రభావాన్ని చూపనుంది.

సూచికలు:

https://cic.wavesindia.org/cic-dashboard/

https://wavesindia.org/challenges-2025

https://pib.gov.in/PressReleasePage.aspx?PRID=2122688

Kindly find the pdf file

***