नवी दिल्‍ली, 30 एप्रिल 2025

 

पंतप्रधान नरेंद्र मोदी यांच्या नेतृत्वाखालील राजकीय व्यवहारविषयक मंत्रिमंडळ समितीच्या(सीसीपीए) आगामी जनगणनेत जातनिहाय गणनेचा समावेश करण्याच्या निर्णयाचे स्वागत करत, केंद्रीय गृह आणि सहकार मंत्री अमित शाह यांनी मोदी सरकारच्या सामाजिक न्यायाप्रति असलेल्या बांधिलकी अंतर्गत घेतलेला हा ऐतिहासिक निर्णय असल्याचे प्रतिपादन केले आहे.

केंद्रीय गृह आणि सहकारमंत्र्यांनी एक्स या मंचावर म्हटले आहे, पंतप्रधान नरेंद्र मोदी जी यांच्या नेतृत्वाखाली सीसीपीएच्या बैठकीत जनगणनेमध्ये जातिनिहाय गणनेचा समावेश करण्याचा निर्णय घेऊन एका ऐतिहासिक चुकीची आज दुरुस्ती केली आहे आणि समाजातील प्रत्येक घटकासाठी सामाजिक समता आणि न्याय याविषयीच्या आपल्या भक्कम बांधिलकीचा एक संदेश दिला आहे.

अमित शाह म्हणाले, काँग्रेस आणि त्यांच्या मित्रपक्षांनी दशकानुदशके सत्तेत असताना जातिनिहाय गणनेला विरोध केला, पण विरोधात असताना त्यांनी ते आपले निवडणुकीचे हत्यार बनवले. हा निर्णय सर्व आर्थिक आणि सामाजिकदृष्ट्या वंचित घटकांना सक्षम करेल, समावेशनाला प्रोत्साहन देईल आणि दुर्बल घटकांच्या प्रगतीसाठी नवीन मार्ग तयार करेल.

सामाजिक न्याय के लिए संकल्पित मोदी सरकार ने आज एक ऐतिहासिक निर्णय लिया है।

प्रधानमंत्री श्री @narendramodi जी के नेतृत्व में आज हुई CCPA की बैठक में, आगामी जनगणना में जातिगत गणना को शामिल करने का निर्णय लेकर सामाजिक समानता और हर वर्ग के अधिकारों के प्रति मजबूत प्रतिबद्धता का…

— Amit Shah (@AmitShah) April 30, 2025

 

* * *

N.Chitale/S.Patil/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2125628) Visitor Counter : 9