کلیدی نتائج:

• پرائیویٹ کارپوریٹ سیکٹر میں فی صنعتی اکائی اوسط مجموعی مقررہ اثاثے22-2021  میں 3,151.9 کروڑ روپے سے بڑھ کر 23-2022  میں 3,279.4 کروڑ روپے ہو گئے  (4 فیصد ترقی)، اور 24-2023  میں یہ اثاثے مزید بڑھ کر 4,183.3 کروڑ روپے ہو گئے، جو کہ نمایاں  ترقی کی عکاسی کرتا ہے۔
• 22-2021، 23-2022  اور 24-2023 کے لیے فی صنعتی اکائی  سرمایہ اخراجات کا تخمینہ بالترتیب 109.2 کروڑ رپے، 148.8 کروڑ  روپے اور 107.6 کروڑ روپے تھا۔
• 25- 2024  میں نئے اثاثوں کی خریداری کے لیے فی صنعتی اکائی   تخمینہ شدہ سرمایہ خرچ 172.2 کروڑ روپے ہے۔
• 22-2021سے 25- 2024 تک چار سال کی مدت کے دوران مجموعی سرمایہ اخراجات  (غیر پیمائش شدہ) میں مجموعی طور پر 66.3 فیصد کا اضافہ۔
• 40.3 فیصد انٹرپرائزز کی حکمت عملی 25- 2024کے دوران بنیادی اثاثوں پر سرمایہ خرچ  شروع کرنے کی ہے، اس کے بعد 28.4 فیصد  موجودہ اثاثوں میں ویلیو ایڈیشن میں سرمایہ کاری کرنا ہے۔

سروے کا پس منظر:

23-2022میں، پارلیمانی قائمہ کمیٹی نے سفارش کی تھی کہ  اعداد وشمار  اور پروگراموں پر عمل در آمد کی وزارت  (ایم  او ایس پی آئی) پرائیویٹ سیکٹر کے سرمایہ  اخراجات سے متعلق اعداد وشمار حاصل کرنے کے لیے ایک جامع طریقہ کار تیار کرے۔  ماضی کی سرمایہ کاری سے متعلق ڈیٹا حاصل کرنے کے لیے تشکیل کردہ سروے کے آلات، اگلے دو سالوں کے لیے متوقع سرمایہ اخراجات ، اور اثاثوں کی قسم کے لحاظ سے محکمہ اقتصادی امور (ڈی ای اے)، وزارت خزانہ کی وضاحتوں کے مطابق تیار کیا گیا تھا۔

اس سفارش پر عمل کرتے ہوئے،  اعداد  وشمار کے قومی دفتر (این ایس او) نے نومبر 2024 اور جنوری 2025 کے درمیان نجی شعبے کے سرمایہ اخراجات  کی سرمایہ کاری کے ارادوں کے بارے میں مستقبل کا سروے کیا۔  اعداد وشمار  اور پروگراموں پر عمل در آمد کی وزارت  (ایم  او ایس پی آئی) نے سروے کے نتائج کو ایک جامع کتابچے کی شکل میں جاری کیا ہے۔ کلیدی پہلوؤں کا ایک مختصر جائزہ، جیسے کہ سروے کی کو ریج، نمونے لینے کا طریقہ کار  اور ڈیٹا اکٹھا کرنے کا عمل، کتابچے کے آخر میں منسلک تتمہ میں شامل ہے۔

سرمایہ اخراجات کے سروے کا بنیادی مقصد گزشتہ تین مالی سال (22-2021، 23-2022 اور 24-2023)  کے نجی کارپوریٹ سیکٹر کے اداروں کے سرمایہ اخراجات کے  رجحانات کا تخمینہ لگانا ہے اور اس کے ساتھ موجودہ مالی سال (25-2024 ) اور آئندہ مالی سال (26-2025 ) کے متوقع سرمائے کے اخراجات کا تخمینہ لگانا ہے۔

سروے کے اہم فوائد:

سرمایہ اخراجات ، قومی سرمایہ کاری میں حصہ ڈالنے اور معیشت کے اندر فیزیکل اثاثوں کے ذخیرے کو بڑھانے میں اہم کردار ادا کرتا ہے۔ یہ طویل مدتی اثاثوں کی تخلیق کا باعث بنتا ہے، جو نہ صرف کئی سالوں تک آمدنی پیدا کرتا ہے ، بلکہ اقتصادی سرگرمیوں کی مجموعی کام کاج کی کارکردگی کو بھی بہتر بناتا ہے۔ سرمایہ خرچ پیداواری صلاحیت کو بڑھانے کے لیے بنیادی حیثیت رکھتا ہے، اس طرح تیز رفتار اقتصادی ترقی کے لیے ایک محرک کے طور پر کام کرتا ہے۔ یہ ترقی ، بدلے میں، روزگار پیدا کرنے میں مدد فراہم کرتی ہے اور مزدوروں  کی پیداواری صلاحیت کو بڑھاتی ہے۔

سرمایہ اخراجات  سے متعلق جامع اعداد وشمار  متعلقہ فریقوں ، بشمول سرکاری محکموں، نجی اداروں، تجارتی انجمنوں، محققین اور دیگر متعلقہ اداروں کے لیے ایک قیمتی اثاثہ ہوں گے ۔ یہ مستقبل کی سرمایہ کاری کے رجحانات کے تجزیے کے ذریعے ثبوت پر مبنی پالیسی کی تشکیل کے قابل بنائے گا۔ مزید برآں، سرمایہ اخراجات  پیٹرن اور پیمانے کی واضح تفہیم صنعتی اداروں  کو اسٹریٹجک، ڈیٹا پر مبنی سرمایہ کاری کے فیصلے کرنے میں مدد دے سکتی ہے، جو سروے کے نتائج سے حاصل کردہ بصیرت سے رہنمائی کرتی ہے۔

اہم انتباہ:

سروے کے اس افتتاحی ایڈیشن میں، صنعت کی شرکت مختلف تھی، جس کی مجموعی ردعمل کی شرح 58.3 فیصد  تھی (58.6 فیصد مردم شماری کے شعبے میں اور 57.2 فیصد نمونے کے شعبے میں)۔ جواب دہندگان سرمایہ اخراجات منصوبوں کو ظاہر کرنے میں محتاط نظر آئے، اکثر انتظامی منظوریوں کے منتظر تھے۔ بنیادی ڈھانچے کے منصوبوں میں شامل اسپیشل پرپز وہیکلز (ایس پی ویز) جیسے بعض اداروں کو سروے کے فریم سے خارج کر دیا گیا، کیونکہ وہ اعلی سرمایہ اخراجات کے باوجود سالانہ لین دین کی صحیح  جانکاری نہیں دیتے ہیں۔ دریں اثنا، کچھ شامل ایس پی ویز کے پاس پروجیکٹ کی تکمیل کی وجہ سے مستقبل میں کوئی سرمایہ کاری کا منصوبہ نہیں تھا۔ چونکہ یہ سروے کا پہلا دور ہے، اس لیے نتائج کو اشارے کے طور پر دیکھا جا سکتا ہے اور مستقبل کے ایڈیشن میں ان کو بہتر بنایا جا سکتا ہے۔ یہ نوٹ کرنا بھی ضروری ہے کہ نتائج بڑے کاروباری اداروں کی طرف سے مخصوص ٹرن اوور کی حد سے اوپر کے ردعمل کی عکاسی کرتے ہیں اور ہو سکتا ہے کہ پورے نجی کارپوریٹ سیکٹر کی نمائندگی نہ کریں۔ صارفین کو مشورہ دیا جاتا ہے کہ وہ ان امور کو ذہن میں رکھتے ہوئے نتائج کی تشریح کریں۔

مستقبل کے سروے کے انعقاد کے لیے بصیرت اور آگے کا راستہ

این ایس او کی طرف سے اپنی نوعیت کا پہلا، پرائیویٹ سیکٹر سرمایہ اخراجات  اور سرمایہ کاری ارادوں  سے متعلق  مستقبل کا سروے،  اعداد وشمار اکٹھا کرنے سے متعلق ایکٹ، 2008 کے تحت کیا گیا تھا۔ سروے کے مقاصد کی وضاحت کرتے ہوئے اور رازداری کی یقین دہانی کراتے ہوئے، منتخب کاروباری اداروں کو نوٹس جاری کیے گئے تھے۔ تاہم، کچھ کاروباری اداروں نے پورٹل پر مشتمل نوٹس کی قانونی حیثیت پر سوال اٹھایا، جس سے سائبر خطرے کے متعدد خدشات پیدا ہوئے۔ فون پر پورٹل کے استعمال اور جمع کرانے کے طریقہ کار کی وضاحت کرنا مشکل تھا۔ ڈیٹا کے تجزیے سے یونٹ کے غلط اندراجات (مثلاً ہزار روپے کے بجائے روپے) اور بعد کے سوالات کے جوابات نہ دینا، جیسے مسائل کا انکشاف ہوا۔  صنعتی ادارے کو صحیح این آئی سی کوڈز کا انتخاب کرنے اور سرکاری ڈیٹا دستیاب نہ ہونے پر مستقبل کی سرمایہ کاری کا تخمینہ لگانے میں بھی مشکلات کا سامنا کرنا پڑا۔

سرمایہ خرچ اس وقت بڑھتا ہے، جب صنعتی ادارے موجودہ آپریشنز کو برقرار رکھنے کے بجائے ترقی کی حکمت عملی پر عمل پیرا ہوتے ہیں۔ کمزور مانگ، جغرافیائی اور سیاسی تناؤ اور قرض لینے کے زیادہ اخراجات جیسے چیلنجوں کے باوجود، تقریباً 30فیصد فرمیں 25-2024 میں جدید کاری  کے لئے سرمایہ کاری کرنے کا ارادہ رکھتی ہیں، جو اس سال کے لیے سرمایہ خرچ میں تیزی سے اضافے کی حمایت کرتی ہیں۔ 26-2025 کے لیے قدرے کم مطلوبہ سرمایہ اخراجات، اگرچہ اب بھی 24-2023 کی سطح سے اوپر ہے، ایک مضبوط 25-2024 کے بعد محتاط منصوبہ بندی کی عکاسی کرتا ہے۔ مجموعی طور پر، یہ رجحان بڑھتے ہوئے کارپوریٹ اعتماد اور معاشی یقین کو بہتر بنانے کے درمیان سرمایہ کاری کے لیے ایک معقول نقطہ نظر کی نشاندہی کرتا ہے۔

اگرچہ صنعتی اداروں کے ردعمل کی شرح اور نتائج عام طور پر امید افزا تھے، سروے کے اس ابتدائی دور کو ایک تجرباتی مرحلے کے طور پر سمجھا جا سکتا ہے، جو سوالنامے، طریقہ کار، تخمینہ کے عمل، اور مجموعی طور پر عمل درآمد کو بہتر بنانے کے لیے قیمتی بصیرت فراہم کرتا ہے۔ سیکھے گئے اسباق سروے کے عمل کے مختلف پہلوؤں میں ضروری ایڈجسٹمنٹ کے ساتھ مستقبل کے سروے کے لیے بہتری کی رہنمائی کریں گے۔ آگے بڑھتے ہوئے، جواب دینے والے کاروباری اداروں کو سروے سے پہلے زیادہ فعال طور پر مشغول کیا جائے گا، آن لائن سروے کی صداقت کے بارے میں خدشات کو دور کیا جائے گا، سوالنامے کو سمجھنے میں فراہم کی جانے والی مدد، انفرادی جوابات کی رازداری کو یقینی بنایا جائے گا، اور مستقبل پر مبنی سروے کو مکمل کرنے میں تکنیکی اور تصوراتی چیلنجوں پر قابو پانے میں کاروباری اداروں کی مدد کے لیے فیلڈ اہلکار تعینات کیے جائیں گے۔ مزید برآں، سروے انٹرپرائز کی سطح کے سرمایہ اخراجات کے ارادوں اور رجحانات کے بارے میں گہری بصیرت حاصل کرنے کے لیے، سرمایہ کاری میں سال بہ سال تبدیلیوں کی وجوہات جیسے معیاری ان پٹس کو شامل کرے گا۔ توقع ہے کہ  سرمایہ خرچ سے متعلق سروے کا اگلا دور اکتوبر سے دسمبر 2025 کے دوران کیا جائے گا۔

سرمایہ اخراجات کے نتائج کی اہم جھلکیاں:

(22-2021  سے 26-2025) کے دوران مجموعی سرمایہ اخراجات (غیر وزن شدہ، یعنی کوئی ضرب لگائے بغیر)

کل 2,172 کاروباری اداروں نے ایک مقررہ پینل کی تشکیل کرتے ہوئے ریفرنس کی مدت کے تمام پانچ سالوں کے لیے مکمل معلومات جمع کرائیں۔ کاروباری اداروں کے اس پینل سے مجموعی (غیر وزن شدہ) سرمایہ اخراجات ڈیٹا پانچ سال کی مدت کے دوران سرمائے کے اخراجات کے رجحانات کا تجزیہ کرنے کے لیے ایک قابل اعتماد بنیاد کے طور پر کام کرتا ہے، جیسا کہ ذیل میں پیش کیا گیا ہے۔ نتائج 22-2021 سے 25-2024 تک چار سال کی  مدت کے دوران مجموعی سرمایہ اخراجات (غیر وزن شدہ) میں مجموعی طور پر 66.3 فیصد کا اضافہ ظاہر کرتے ہیں۔

(کروڑروپے میں)

جواب دینے والے 3,064 کاروباری اداروں میں سے، 2,172 نے 26-2025 کے لیے اپنے میں  سرمایہ اخراجات کے ارادوں کی جانکاری دی۔ اعداد و شمار جواب دہندگان کے اپنے سرمائے کے اخراجات کے منصوبوں کا اعلان کرنے میں محتاط انداز کی نشاندہی کرتے ہیں۔ لہذا، 26-2025 کے سرمایہ اخراجات کے اعداد وشمار کو اعداد و شمار کی رپورٹنگ میں جواب دینے والے اداروں کی طرف سے ظاہر کردہ قدامت پسندانہ نقطہ نظر اور اندیشے کو مدنظر رکھتے ہوئے احتیاط کے ساتھ سمجھا جانا چاہئے۔ تاہم، نتائج 2,172 کاروباری اداروں کے اس مقررہ پینل کے لیے 22-2021 سے 26-2025  کے دوران مجموعی سرمایہ اخراجات (غیر وزن شدہ) میں مجموعی طور پر 23.9 فیصد کا اضافہ ظاہر کرتے ہیں۔

قومی صنعت کی درجہ بندی (سرگرمی کے زمرے) کے مطابق انڈسٹری آف ایکٹیویٹی کی طرف سے گزشتہ سالوں (22-2021 سے 24-2023) کے لیے تخمینہ شدہ کلیدی اشارے

نجی کارپوریٹ سیکٹر میں فی کاروباری ادارہ اوسط مجموعی مقررہ اثاثہ (جی ایف اے) کا تخمینہ 22-2021 میں 3,151.9 کروڑ روپے لگایا گیا تھا۔ یہ 23-2022 میں 4.0 فیصد بڑھ کر  3,279.4 کروڑ روپے ہو گیا، اور مزید برآں یہ 27.5 فیصد بڑھ کر 24-2023 میں 4,183.3 کروڑ روپے تک پہنچ گیا۔

سب سے زیادہ جی ایف اے فی انٹرپرائز،  14,000 کروڑ روپے سے زیادہ، صنعت کے زمرے 'بجلی، گیس، بھاپ، اور ایئر کنڈیشننگ سپلائی' میں دیکھا گیا، اس کے بعد 'مینوفیکچرنگ' اداروں میں  (7,000 کروڑ روپے سے 10,000 کروڑروپے) دیکھا گیا۔ 22-2021 سے 24-2023 کے دوران نجی کارپوریٹ سیکٹر میں مینوفیکچرنگ کی سرگرمیوں میں  مصروف کاروباری اداروں کی حصہ داری مجموعی مقررہ اثاثے [1]  کا 65 فیصد  سے زیادہ کی رہی،  جس کے بعد 'بجلی، گیس، بھاپ، اور ایئر کنڈیشننگ سپلائی چین' سے متعلق کاروباری اداروں کی حصہ داری (8 فیصد-10 فیصد) رہی ۔

22-2021 میں، تخمینہ اصل سرمایہ خرچ فی انٹرپرائز 109.3 کروڑ روپے تھا، جو کہ 102.7 کروڑ روپے کی مجوزہ قیمت کے مقابلے میں تھا، جس کے نتیجے میں وصولی کا تناسب 106.41 فیصد تھا۔ اسی طرح کا رجحان 23-2022 میں دیکھا گیا، جہاں فی انٹرپرائز اصل سرمایہ خرچ  کی تخمینہ شدہ  لاگت 133.3 کروڑ روپے کی مجوزہ لاگت کے مقابلے میں 148.8 کروڑ روپے تک پہنچ گئی، جس سے وصولی کا تناسب بھی 100 فیصد  سے زیادہ ہے۔ 24-2023 کے لیے، وصولی کا تناسب 99.7 فیصد  ہے، جس کا تخمینہ اصل سرمایہ خرچ  فی انٹرپرائز 107.6 کروڑ روپے ہے اور مجوزہ  سرمایہ خرچ  107.9 کروڑ روپے  ہے۔

25-2024 میں نئے اثاثوں کے حصول کے لیے فی انٹرپرائز کا تخمینہ شدہ سرمایہ خرچ 172.2 کروڑ روپے ہے۔ شعبوں میں، مینوفیکچرنگ انٹرپرائزز کا سب سے بڑا حصہ 43.8 فیصد  ہے، اس کے بعد 'اطلاعاتی اور مواصلاتی سر گرمیاں' (15.6 فیصد) اور ' نقل وحمل اور  اسٹوریج سرگرمیاں ' (14.0 فیصد)  رہیں۔

اثاثہ گروپس کے ذریعہ 24-2023 کے لیے تخمینہ شدہ کلیدی اشارے

25-2024 میں نئے اثاثوں کے حصول کے لیے فی انٹرپرائز کا تخمینہ شدہ سرمایہ خرچ 172.2 کروڑ روپے ہے۔ سال 25-2024 میں عارضی طور پر کیے گئے کل سرمائے کے اخراجات میں سے، تقریباً 53.1 فیصد مشینری اور آلات کی خریداری کے لیے استعمال کیے گئے۔ 'سرمایہ کاری جاری ہے' (22.0 فیصد) اور 'مکانات، دیگر عمارتوں اور ڈھانچے' (9.7 فیصد) کی خریداری کے لیے مختص کی گئی رقم کا اگلا سب سے زیادہ حصہ مختص کیا گیا۔

 

25-2024 میں سرمایہ اخراجات کی حکمت عملی

سروے کے تخمینوں کے مطابق، تقریباً 40.3 فیصد  انٹرپرائزز 25-2024 کے دوران بنیادی اثاثوں پر سرمایہ خرچ شروع کرنے کا ارادہ رکھتے ہیں۔ مزید برآں، 28.4 فیصد موجودہ اثاثوں میں ویلیو ایڈیشن میں سرمایہ کاری کرنے کا ارادہ رکھتے ہیں، جبکہ تقریباً 11.5 فیصد  موقع پراستعمال ہونے والے  اثاثوں پر   اور 2.7 فیصد  قرض کی حکمت عملی  پر توجہ مرکوز کرتے ہیں۔ مشکل میں پھنسے اثاثوں اور منجمد قرضوں میں سرمایہ کاری کی حکمت عملی کو نصف فیصد سے بھی کم کاروباری اداروں نے اپنایا۔ دریں اثنا، تقریباً 16.9 فیصد  اداروں نے سرمایہ کاری کی دیگر مختلف حکمت عملی  کے لیے اپنا سرمایہ خرچ مختص کیا۔

25-2024 میں سرمایہ خرچ  کے مقاصد

سروے کے تخمینے بتاتے ہیں کہ تقریباً 49.6 فیصد نجی کارپوریٹ سیکٹر کے اداروں نے 25-2024 میں بنیادی طور پر آمدنی پیدا کرنے کے لیے سرمایہ خرچ  کا آغاز کیا۔  اضافی 30.1 فیصداداروں  نے اپنی سرمایہ کاری کو جدید کاری کے لئے  استعمال کیا، جبکہ تقریباً 2.8 فیصد اداروں نے تنوع پر توجہ مرکوز کی ۔ باقی 17.5 فیصد  اداروں نے دیگر وجوہات کی بنا پر اپنے سرمایہ خرچ  استعمال کرنے کی جانکاری دی۔

سرمایہ خرچ سروے کے نتائج کتابچے میں فراہم کیے گئے ہیں، جو وزارت کی ویب سائٹ (https://www.mospi.gov.in) پر دستیاب ہے۔ انفرادی کاروباری اداروں کے سرمایہ خرچ کے سرمایہ کاری منصوبوں کی رازداری کے تحفظ کے لئے، این ایس ایس سروے کی قائمہ کمیٹی نے سفارش کی کہ سرمایہ خرچ  سروے کے یونٹ سطح کے ڈیٹا کو مشتہر نہیں جائے گا۔

تتمہ: پرائیویٹ سیکٹر سرمایہ خرچ سرمایہ کاری کے ارادوں پر آگے نظر آنے والے سروے میں کوریج، نمونے لینے کی اسکیم، نمونے کے سائز اور ڈیٹا اکٹھا کرنے کے طریقہ کار کے بارے میں ایک مختصر تحریر:

اے. کوریج:

سروے میں نجی کارپوریٹ سیکٹر کے بڑے اداروں کا احاطہ کیا گیا، جو اپنے اپنے شعبوں میں اہم کردار ادا کرتے ہیں۔ نمونے لینے کے سروے کا خاکہ ، کارپوریٹ امور کی وزارت (ایم  سی اے) کے ساتھ رجسٹرڈ فعال کاروباری اداروں کے ڈیٹا کا استعمال کرتے ہوئے بنایا گیا تھا، جو پچھلے تین مالی سال میں سے کم از کم ایک میں حاصل کیے گئے سالانہ لین دین کی حد کی بنیاد پر فلٹر کیا گیا تھا۔ اہلیت کے معیار درج ذیل تھے:

• 400 کروڑ روپے یا اس سے زیادہ کے سالانہ کاروبار کرنے والے مینوفیکچرنگ ادارے
• 300 کروڑ روپے یا اس سے زیادہ کے سالانہ کاروبار کرنے والے تجارتی ادارے
• 100 کروڑ روپے یا اس سے زیادہ کے سالانہ کاروبار کرنے والے دیگر کاروباری ادارے

ان معیارات کی بنیاد پر، حتمی سروے کا  خاکہ 16,025 اداروں پر مشتمل تھا۔

بی. نمونے اکٹھے کرنے کی اسکیم:

اہل کاروباری اداروں کو ابتدائی طور پر سترہ (17) زمروں میں ان کی بنیادی کاروباری سرگرمی کی بنیاد پر درجہ بند کیا گیا، جیسا کہ کارپوریٹ کی امور کی وزارت (ایم سی اے) کے ایم جی ٹی- 7 فارم میں بتایا گیا ہے۔ 100 یا اس سے کم انٹرپرائزز والے زمرے میں، تمام اکائیوں کو مکمل گنتی کے لیے مردم شماری کے شعبے میں شامل کیا گیا تھا۔

100 سے زائد کاروباری اداروں کے لیے، انتخاب کے عمل میں مردم شماری کے شعبے کے کاروباری اداروں اور نمونے کے شعبے کے کاروباری اداروں کی شناخت شامل تھی۔ مردم شماری کے شعبے کا تعین کرنے کے لیے، (i) پچھلے تین سالوں میں سب سے زیادہ مقررہ اثاثہ کی قیمت اور (ii) تازہ ترین رپورٹ کردہ سال کی مقررہ اثاثہ قیمت کی بنیاد پر کاروباری اداروں کواوپر سے نیچے کی ترتیب میں درجہ بند کیا گیا۔ کسی بھی فہرست میں سے 90 فیصد  اثاثہ لاگت (یاتعمیرات اور تجارت کے لئے 80 فیصد) کے لئے سرفہرست کاروباری اداروں کو مردم شماری کے شعبے کے کاروباری اداروں کے طور پر درجہ بند کیا گیا تھا۔ بقیہ اکائیوں نے نمونہ سیکٹر تشکیل دیا، جس میں سے 10 فیصد کو بے ترتیب انداز میں رپلیسمنٹ کے بغیر سادہ بے ترتیب  نمونے    (ایس آر ایس ڈبلیو او آر) کا استعمال کرتے ہوئے منتخب کیا گیا، جس میں مختص ہر سطح کے سائز اور تغیر کے متناسب ہے۔

سی . نمونہ کا حجم:

مذکورہ سروے کے لیے نمونے کا حجم 5,380 کاروباری اداروں کا تھا: مردم شماری کے شعبے میں 4,145 کاروباری ادارے اور نمونے کے شعبے میں 1,235 کاروباری ادارے۔

ڈی . اعداد وشمار  جمع  کرنے کا طریقہ کار:

یہ سروے اعداد وشمار کو  اکٹھا کرنے سے متعلق  ایکٹ، 2008 کی دفعات کے تحت کیا گیا تھا، جس میں تمام منتخب اداروں کو پیشگی نوٹس بھیجے گئے تھے،  جس میں سروے کے مقصد اور ڈیٹا کے مطلوبہ استعمال کا خاکہ پیش کیا گیا تھا۔ انفرادی جوابات کی رازداری کو سختی سے برقرار رکھا گیا تھا، اور یونٹ کی سطح پر کوئی ڈیٹا مشتہر نہیں  کیا جائے گا۔ ایک محفوظ، مخصوص ویب پورٹل تیار کیا گیا ہے، تاکہ منتخب کاروباری اداروں کو سروے کے سوالنامے کو آن لائن مکمل کرنے اور جمع کرانے کے قابل بنایا جا سکے۔ پورٹل میں سروے سے متعلق پس منظر کی معلومات، یونٹ کے انتخاب کی وجوہات، اور کلیدی تصورات اور تعریفات  کو سمجھنے میں جواب دہندگان کی مدد کے لیے چیٹ بوٹ کا تعاون شامل تھا۔

*******

U.No:349

ش ح۔م  ع ۔ق ر

(Release ID: 2125258) Visitor Counter : 9