سنٹرل انڈسٹریل سیکورٹی فورس(سی آئی ایس ایف) اپنے 56 ویں یوم تاسیس کی تقریبات کے ایک حصے کے طور پر پہلی بار ’’گریٹ انڈین کوسٹل سائکلوتھون‘‘ کے آغاز کے لیے تیار ہے۔ یہ معلومات سنٹرل انڈسٹریل سیکورٹی فورس کے ایڈیشنل ڈائریکٹر جنرل سدھیر کمار نے دی۔ وہ آج ممبئی میں سینٹرل انڈسٹریل سیکورٹی فورس کی طرف سے منعقدہ پریس کانفرنس سے پہلے خطاب کر رہے تھے۔

متاثر کن تھیم ’’محفوظ ساحل، خوشحال بھارت‘‘کے تحت، اس اقدام کا مقصد ساحلی علاقوں میں قومی سلامتی کے بارے میں بیداری پیدا کرنا ہے، جس میں منشیات، ہتھیاروں اور دھماکہ خیز مواد سمیت سمگلنگ سے لاحق خطرات کو اجاگر کرنا ہے۔

کل 125 سرشارسی آئی ایس ایف سائیکل سوار، جن میں 14 خواتین شامل ہیں، 25 دنوں میں 6,553 کلومیٹر کا سخت سفر طے کریں گے، جس میں 11 ریاستوں کا احاطہ کیا جائے گا۔ یہ مہم 7 مارچ 2025 کو دو ابتدائی مقامات سے شروع ہوگی: لکھپت، گجرات، مغربی ساحل پر اور بککھالی، مغربی بنگال، مشرقی ساحل پر۔ سائیکل سوار کلیدی ساحلی شہروں بشمول ممبئی، گوا، منگلور، کوچی، ہلدیہ، کونارک، ویزاگ، چنئی، اور پانڈیچیری، کنیا کماری میں سوامی وویکانند میموریل میں 31 مارچ، 2025 کو اختتام پذیر ہونے سے پہلے گزریں گے۔

سائیکلتھون کو عملی طور پر وزیر داخلہ جناب امت شاہ سی آئی ایس ایف ریجنل ٹریننگ سنٹر، تھاکولم، رانی پیٹ ضلع، تمل ناڈو سے ہری جھنڈی دکھائیں گے۔ مغربی روٹ، جو 3,775 کلومیٹر پر محیط ہے، گجرات کے لکھپت قلعے سے شروع ہوگا، جب کہ مشرقی راستہ، جو 2،778 کلومیٹر پر محیط ہے، مغربی بنگال کے بککھالی بیچ سے شروع ہوگا۔

راستے میں، سی آئی ایس ایف ٹیموں، اسکول کے بچوں، اور این سی سی گروپس کے مظاہرے اور ثقافتی پرفارمنس کے ساتھ متعدد تقریبات کا انعقاد کیا جائے گا۔ لکھپت فورٹ، سورت، گیٹ وے آف انڈیا، مورموگاو پورٹ (گوا)، منگلور، کوچین، کونارک، ویزاگ، چنئی، اور پانڈیچیری سمیت نمایاں مقامات پر اہم تقریبات۔ گیٹ وے آف انڈیا ایونٹ 20 مارچ کو شیڈول ہے۔ اس میں ممبئی پولیس کا بینڈ اور سی آئی ایس ایف فائر اور ڈاگ اسکواڈ کی مشقیں ہوں گی۔ بہت سے چھوٹے پروگرام جیسے ثقافتی شو، کمیونٹی ٹاکس، روایتی رقص، صفائی مہم، شجرکاری مہم، اور مقامی ماہی گیروں کے ساتھ آؤٹ ریچ بھی منعقد کیے جائیں گے۔ کنیا کماری میں ہونے والے گرینڈ فائنل میں سی آئی ایس ایف بینڈ، حب الوطنی پر مبنی پرفارمنس اور کمیونٹی کے تعامل کو پیش کیا جائے گا۔

سی آئی ایس ایف نے شہریوں کو دعوت دی ہے کہ وہ اپنی پسند کے کسی بھی حصے میں سائکلتھون میں شامل ہو کر اس تاریخی اقدام کا حصہ بنیں۔ جو لوگ جسمانی طور پر شرکت نہیں کر پاتے وہ اپنی حمایت ظاہر کرنے کے لیے www.cisfcyclothon.com پر ورچوئل ریلی کے لیے اندراج کر سکتے ہیں۔

سوالات اور رابطے کے لیے سی آئی ایس ایف نے ممبئی میں ایک وقف کنٹرول روم بھی قائم کیا ہے۔

 رابطہ کریں: (022) 27762015 or email adig-ws@cisf.gov.in

سائکلوتھون صرف کھیلوں کی ایک تقریب ہی  نہیں ہے بلکہ یہ کمیونٹیز کو متحد کرنے، اپنی سیکورٹی فورسز کو عزت دینے اور ہندوستان کی ساحلی چوکسی کو مضبوط کرنے کی تحریک ہے۔ ہم ساتھ مل کر ایک محفوظ، مضبوط اور خوشحال ہندوستان بنا سکتے ہیں۔

*******

UN-306

(ش ح۔م ح۔ف ر)

(Release ID: 2124806) Visitor Counter : 8