केंद्रीय वित्त राज्यमंत्री पंकज चौधरी यांनी आज पालसमुद्रम येथील एनएसीआयएन येथे भारतीय महसूल सेवा (सीमाशुल्क आणि अप्रत्यक्ष कर) 42  अधिकारी प्रशिक्षणार्थींच्या 75 व्या तुकडीच्या पासिंग आउट परेडचे अध्यक्षपद भूषवले. भूतानच्या शाही सरकारचे पाच अधिकारी देखील या प्रशिक्षण कार्यक्रमात सहभागी झाले होते.

पलासमुद्रम येथील राष्ट्रीय सीमा शुल्क, अप्रत्यक्ष कर आणि नारकोटिक्स अकादमीची (एनएसीआयएन)  पासिंग आउट परेडने  18 महिन्यांच्या व्यापक प्रशिक्षण कार्यक्रमाचा समारोप होतो आणि भारताच्या आर्थिक हितांचे रक्षण करण्याप्रति समर्पित कर्मयोगी म्हणून त्यांचा प्रवास सुरू होतो.

पहलगाम इथे  जीव गमावलेल्याना श्रद्धांजली वाहून आणि शोक पाळून कार्यक्रमाची सुरुवात झाली.

याप्रसंगी आपल्या भाषणात चौधरी यांनी या तुकडीच्या कामगिरीचे कौतुक केले आणि पारदर्शक तसेच उत्तरदायी  कर प्रणालीच्या निर्मितीतील त्यांच्या जबाबदारीवर भर दिला. चौधरी यांनी आर्थिक विकासात आयआरएस अधिकाऱ्यांची भूमिका अधोरेखित केली आणि त्यांना धैर्य आणि स्पष्टतेसह नेतृत्व करण्याचे आवाहन केले. आर्थिक प्रगती आणि सामाजिक समानतेला चालना देऊन सरकारच्या विकसित भारताच्या दृष्टिकोनाला चालना देण्याच्या त्यांच्या क्षमतेवर चौधरी यांनी विश्वास व्यक्त केला.

आपल्या भाषणात, सीबीआयसीचे अध्यक्ष संजय कुमार अग्रवाल यांनी  75 व्या तुकडीच्या अधिकाऱ्यांचे अभिनंदन केले आणि महसूल संकलन , व्यापार सुलभीकरण आणि राष्ट्रीय विकासामधील त्यांची महत्त्वाची भूमिका अधोरेखित केली आणि त्यांना अद्ययावत आणि  प्रामाणिक राहण्याचे तसेच कार्यक्षमतेने सेवा देण्यासाठी डिजिटल परिवर्तनाचा अवलंब करण्याचे आवाहन केले. अग्रवाल यांनी अंमलबजावणी आणि सुविधा यात संतुलन राखण्याचे आवाहन केले आणि अधिकाऱ्यांना सहानुभूती, आत्मविश्वास आणि शिस्तीने नेतृत्व करण्यास प्रोत्साहित केले.

या कार्यक्रमात 75 व्या तुकडीमधील उल्लेखनीय कामगिरी करणाऱ्यांना  सुवर्णपदकांनी गौरवण्यात आले.

***

N.Chitale/S.Kane/P.Kor

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 2124416) Visitor Counter : 14