مرکزی  وزیر مملکت برائے خزانہ جناب پنکج چودھری نے آج 42 انڈین ریوینو سروس (کسٹمز اوربلواستہ ٹیکس) کے افسران کی 75ویں بیچ کی پاسنگ آؤٹ پریڈ کا معائنہ کیا، جس میں 25 مرد اور 17 خاتون افسران شامل تھے۔ یہ افسران پلاسامدرم کے  این اے سی آئی این میں تربیت حاصل کر رہے تھے۔ بھوٹان کی شاہی حکومت سے  پانچ افسران بھی اس تربیتی پروگرام  میں شریک تھے۔ اس موقع پرسی بی آئی سی کے چیئر مین  جناب سنجے کمار اگروال سی بی آئی سی کی رکن محترمہ  ارونا نرائن گپتا اور این اے سی آئی این کے ڈائریکٹر جنرل ڈاکٹر ایم سبرامینیم، نیزسی بی آئی سی کے سینئر افسران اور معزز شخصیات بھی موجود تھے۔

پاسنگ آؤٹ پریڈ ، نیشنل اکیڈمی آف کسٹمز ، بالواسطہ ٹیکسز اینڈ نارکوٹکس (این اے سی آئی این) پالاسمدرم ، 18 ماہ کے ایک گہری تربیتی پروگرام کے اختتام کی نشاندہی کرتا ہے اور ‘کرم یوگی’ کے طور پر ان کے سفر کا آغاز کرتا ہے ، جو ہندوستان کے اقتصادی مفادات کے تحفظ کے لیے وقف ہے ۔

تقریب کا آغاز پہلگام کے المناک واقعے کے متاثرین کے لیے اظہار غم  اورخراج عقیدت  پیش کرنے کے ساتھ ہوا ، جس میں متاثرین کو خراج عقیدت  پیش کرنے کے لیے افسران اور معززین نے  کھڑے ہو کر خاموشی اختیار کی۔

اس موقع پر اپنے خطاب میں، جناب چودھری نے بیچ کی کامیابیوں کی ستائش کی اور شفاف اور جوابدہ ٹیکس نظام بنانے میں ان کی ذمہ داری پر زور دیا۔ جناب چودھری نے اقتصادی ترقی میں  آئی آر ایس افسران کے کردار کو اجاگر کیا اور انہیں حوصلہ اور وضاحت کے ساتھ قیادت کرنے ترغیب دی۔ وزیر نے ان کی حکومت کے وِکسِت بھارت کے وژن کو آگے بڑھانے کی صلاحیت پر بھرپور اعتماد کا اظہار کیا، جس کا مقصد اقتصادی ترقی اور سماجی مساوات کو فروغ دینا ہے۔

اپنے خطاب میں سی بی آئی سی کے چیئرمین جناب سنجے کمار اگروال نے 75 ویں بیچ کے افسران کو مبارکباد پیش کی اور محصول کو متحرک کرنے ، تجارتی سہولت اور قومی ترقی میں ان کے اہم کردار کا خاکہ پیش کیا اور ان پر زور دیا کہ وہ موثر طریقے سے خدمات انجام دینے کے لیے تازہ دم رہیں ، دیانتداری کو برقرار رکھیں اور ڈیجیٹل تبدیلی کو اپنائیں ۔جناب اگروال نے ان پر زور دیا کہ وہ نفاذ اور سہولت کے درمیان توازن قائم رکھیں ۔ انہو ں نے  افسران کو ہمدردی ، اعتماد اور نظم و ضبط کے ساتھ قیادت کرنے کی ترغیب دی۔

سی بی آئی سی کی رکن محترمہ ارونا نرائن گپتا نے اپنے خطاب میں اخلاقی طرز عمل، ہمدردی اور مسلسل سیکھنے پر زور دیا، اور ‘سیوا بھاؤ’ کو آئی آر ایس افسران کے لیے ایک بنیادی خصوصیت قرار دیا، ان سے درخواست کی کہ وہ اپنے فرائض کو ہمدردی، عاجزی اور خدمت کے جذبے کے ساتھ انجام دیں۔ انہوں نے اس بات پر زور دیا کہ سرکاری ملازمین کو اپنے طرز عمل میں قابل رسائی ، منصفانہ اور شہریوں پر مرکوز رہنا چاہیے ، اس بات پر زور دیتےہوئے کہ عوام  کی خدمت کرنا حکمرانی کے مرکز میں ہے ۔

این اے سی آئی این کے ڈائریکٹر جنرل ڈاکٹر ایم سبرامنیم نے اپنے خطاب میں افسران کو مبارکباد دی ،کیونکہ وہ نئے تیار کردہ پالا سمدرم کے  این اے سی آئی این کیمپس میں اپنی پوری بنیادی تربیت حاصل کرنے والے پہلے بیچ ہیں ، جس نے اس موقع کو اکیڈمی کے لیے ایک تاریخی سنگ میل بنا دیا ہے ۔جدید ٹیکس افسران کی تشکیل میں موافقت ، عوامی خدمت اور دیانتداری کی اہمیت پر مزید زور دیتے ہوئے ، انہوں نے اکیڈمی کی ابھرتی ہوئی صلاحیتوں پر فخر کا اظہار کیا ،جو اس کے جدید تربیتی بنیادی ڈھانچے اور بڑھتے ہوئے بین الاقوامی تعاون کو اجاگر کیا ہے ۔

تقریب کے دوران 75ویں بیچ کے درج ذیل غیر معمولی کارکردگی دکھانے والوں کو ان کی شاندار کامیابیوں کے لیے سونے کے تمغوں سے نوازا گیا:

• وزیر خزانہ کا گولڈ میڈل: تعلیمی ، حاضری اور جسمانی تربیت میں متوازن مہارت حاصل کرنے پر جناب سری کمار رویندر کمار کو اس ایوارڈ سے نوازا گیا۔
• چیئرمین کا گولڈ میڈل: تحریری امتحانات میں سب سے زیادہ مجموعی نمبر حاصل کرنے پر جناب ابھیشیک ماجی کو اس ایوارڈ کےلیے منتخب کیا گیا ۔
• آنجہانی کوشلیا نارائنن میموریل گولڈ میڈل: محترمہ پوجا بروال کو بہترین خاتون افسر ٹرینی کے طور پر ان کی شاندار کارکردگی کے لیےاس ایوارڈ سے سرفراز کیاگیا۔
• ڈائریکٹر جنرل کا گولڈ میڈل: پوری تربیت کے دوران مسلسل اچھی کارکردگی اور بہترین طرز عمل کے لیے جناب شانتنو سنیل ملانی اس ایوارڈ کے حقدار بنے۔
• آنجہانی این کے اپادھیائے میموریل گولڈ میڈل: مثالی نظم و ضبط ، طرز عمل اور ٹیم ورک کے لیے محترمہ ستیہ پاروتی آر کو ایوارڈ سے نوازا گیا۔

پریڈ میں مشقوں کی نمائش کی گئی جو  افسران کی پیشہ ورانہ مہارت اور نظم و ضبط  کو ظاہر کرتی ہے اور تربیت اور قوم کی تعمیر میں بہترین کارکردگی کے لیے پرعزم عالمی معیار کے ادارے کے طور پر این اے سی آئی این کے کردار کی بھی تصدیق کی گئی ۔ تقریب کا اختتام افسران کے ایک پختہ عہد کے ساتھ ہوا کہ وہ ایمانداری اور خدمت کی اقدار کو اپنائیں گے جب وہ اپنے اقتصادی معاون اور قوم کے محافظ کے طور پر اپنے کرداروں میں قدم رکھیں گے۔

*****

ش ح۔م ع ن- م الف

U-NO: 247