اگلی نسل کے چوتھے(ایکس این جی او پی وی) آف شور گشتی جہاز  (این جی او پی وی) یارڈ 3040 کی تعمیر کا آغاز 25 اپریل 2025 کو کولکاتا میں گارڈن ریچ شپ بلڈرز اینڈ انجینئرز لمیٹڈ (جی آر ایس ای) میں کیا گیا۔

تقریب میں وائس ایڈمرل راجارام سوامی ناتھن ، کنٹرولر آف وار شپ پروڈکشن اینڈ ایکوزیشن نے بطور مہمان خصوصی شرکت کی ۔جی آر ایس ای کے چیئرمین اور منیجنگ ڈائریکٹر کمانڈر پی آر ہری (ریٹائرڈ) کے ساتھ ساتھ ہندوستانی بحریہ اور شپ یارڈ کے دیگر سینئر عہدیداران بھی موجود تھے ۔

یہ سنگ میل این جی او پی وی کی تعمیر میں ایک اہم قدم ہے ، جو ہندوستان کی مقامی جہاز سازی کی صلاحیتوں کو مزید ظاہر کرتا ہے ۔

گیارہ نیکسٹ جنریشن آف شور پٹرول ویسلز (این جی او پی وی) کے مقامی ڈیزائن اور تعمیر کے معاہدے 30 مارچ 23 کو گوا شپ یارڈ لمیٹڈ (جی ایس ایل) گوا اور گارڈن ریچ شپ بلڈرز اینڈ انجینئرز (جی آر ایس ای) کولکاتا کے ساتھ ہوئے ، جن میں لیڈ شپ یارڈ جی ایس ایل کے ذریعے سات جہاز اور فالو شپ یارڈ جی آر ایس ای کے ذریعے چار جہاز تعمیر کیے جائیں گے ۔

این جی او پی وی ، جن کا تخمینہ وزن 3000 ٹی ٹن ہے ، کوسٹل ڈیفنس اینڈ سرویلنس ، سرچ اینڈ ریسکیو آپریشنز ، آف شور اثاثوں کے تحفظ اور اینٹی پائریسی مشنز کے لیے ڈیزائن کیا گیا ہے ۔یہ کام پروجیکٹ کی مجموعی ٹائم لائن میں ایک اہم سنگ میل ہے۔گیارہ این جی او پی وی ملک کے 'آتم نربھر بھارت' اور 'میک ان انڈیا' کے وژن کے مطابق بنائے جا رہے ہیں اور ہندوستانی بحریہ کی سمندری صلاحیت کو بڑھانے کے لیے تیار ہیں ۔

****

UR-230

(ش ح۔ اس ک۔ع ر)