کوالٹی کونسل آف انڈیا، کیو سی آئی نے وزارت جل شکتی کے تعاون سے پنچایتی راج دیواس منایا، جس کا عنوان تھا ‘سوچھ اور سوجل گرام کے لیے قیادت’۔

کوالٹی کونسل آف انڈیا کی ایک پہل، سرپنچ سمواد کے ایک حصے کے طور پر منظم، دن بھر چلنے والے اس پروگرام نے دیہی ہندوستان میں معیار کی قیادت میں تبدیلی کی خاطر زمینی سطح کے رہنماؤں کے کردار پر روشنی ڈالی۔ اس نے ملک بھر سے 200 سے زیادہ سرپنچوں، پالیسی لیڈروں، موضوع کے ماہرین اور سینئر سرکاری افسران کو یکجا کیا۔

سرپنچ سمواد پہل کے تحت کامیاب رابطوں کے بعد، اس خصوصی ایڈیشن نے زمینی سطح پر کی جانے والی کوششوں کو ظاہر کرنے، ہم مرتبہ سیکھنے کی حوصلہ افزائی کرنے، اور پنچایت سطح کی ترقی کے قومی وژن 2047 کے ساتھ ہم آہنگ کرنے کے لیے ایک متحرک پلیٹ فارم کے طور پر کام کیا۔

زمینی سطح سے کیو سی آئی  کی وابستگی پر روشنی ڈالتے ہوئے، جل شکتی کے مرکزی وزیرجناب  سی آر پاٹل نے کہا کہ " کیو سی آئی  کی طرف سے سرپنچ سمواد ایک طاقتور پلیٹ فارم ہے جہاں سرپنچ براہ راست اپنی زمینی سطح کی تشویشات کو پیش کر سکتے ہیں، جسے وزارت حل کرنے  پر غور خوض کرے گی ۔ رین واٹر ہارویسٹنگ جیسے اقدامات کے ذریعے چمپئن سوچھ اور سوجل گرام، بھارت کی آواز گاؤں سے شروع ہوتی ہے، اور اسے سب سے اوپر گونجنا چاہیے۔ 2047 تک وکست بھارت کے لیے وزیر اعظم جناب نریندر مودی کے ویژن کی تکمیل کے لیے، سرپنچوں کو بارش کے پانی کو اکٹھا کرنے جیسے اقدامات کے ذریعے سوچھ اور سوجل گرام کو  زور  وشور سے آگے بڑھانا  چاہیے۔ بھارت کی آواز گاؤں سے شروع ہوتی ہے، اور یہ  آواز سب سے اوپر تک جانی چاہیے۔‘‘

دن بھر کے اجلاسوں میں ملک بھر کے سرپنچوں کی سرگرم شرکت کے ساتھ، پانی کی بچت اور صفائی ستھرائی کی پائیداری سے لے کر سوچھ اور سوجل گرام کے روڈ میپ تک کے اہم مسائل کا احاطہ کیا گیا۔

اس تقریب میں ممتاز معززین نے شرکت کی، بشمول جناب اشوک کے کے مینا، سکریٹری، پینے کے پانی اور صفائی ستھرائی کے محکمے، وزارت جل شکتی؛ جناب  جیکسے شاہ، چیئرپرسن، کوالٹی کونسل آف انڈیا ؛جناب چکرورتی ٹی کنن، سکریٹری جنرل، کیو سی آئی؛ اور جناب ہمانشو پٹیل، کوآپٹڈ ممبر، گورننگ باڈی،کیو سی آئی ۔

************

U.No:129

ش ح۔ا ع خ ۔ق ر

(Release ID: 2123562) Visitor Counter : 15