اسٹیل اور بھاری صنعتوں کے مرکزی وزیر جناب ایچ ڈی کمارسوامی نے کچھ غیر الوائے  اور الوائے  اسٹیل فلیٹ مصنوعات کی درآمد پر 12 فیصد حفاظتی ڈیوٹی عائد کرنے کے فیصلے کا خیرمقدم کیا ۔یہ اقدام گھریلو اسٹیل مینوفیکچررز کو درآمدی اضافے کے منفی اثرات سے بچانے اور مارکیٹ میں منصفانہ مسابقت کو یقینی بنانے کے لیے ایک بروقت اور ضروری قدم ہے ۔

’’اس اقدام سے گھریلو پروڈیوسروں ، خاص طور پر چھوٹے اور درمیانہ  درجے کے کاروباری اداروں کو اہم راحت ملے گی ، جنہیں بڑھتی ہوئی درآمدات کی وجہ سے بے پناہ دباؤ کا سامنا کرنا پڑا ہے ۔حفاظتی ڈیوٹی مارکیٹ کے استحکام کو بحال کرنے اور گھریلو صنعت کے اعتماد کو تقویت دینے میں مدد کرے گی ‘‘۔

جناب کمارسوامی نے عزت مآب وزیر اعظم جناب نریندر مودی کا ان کی قیادت اور آتم نربھر بھارت کے وژن کے تحت اسٹریٹجک شعبوں کو مضبوط بنانے میں مسلسل تعاون کے لیے شکریہ ادا کیا ۔انہوں نے اس بات کا اعادہ کیا کہ وزارت تمام اسٹیک ہولڈرز کے ساتھ کام کرنے کے لیے پرعزم ہے تاکہ یہ یقینی بنایا جا سکے کہ ہندوستانی اسٹیل کا شعبہ لچکدار ، خود کفیل اور عالمی سطح پر مسابقتی رہے ۔

*****

ش ح ۔ ف ا۔ م ت  

U - 103

(Release ID: 2123304) Visitor Counter : 13