اروناچل پردیش کے نائب وزیر اعلیٰ جناب  چونا مین نے بدھ دھما اور شمال مشرقی ہندوستان کی ثقافت پر بین الاقوامی کانکلیو میں وضاحت کرتے ہوئے کہا کہ صدیوں پرانی بدھ ثقافت اور روایات میں گہری جڑیں رکھنے والے  اروناچل پردیش کے انتہائی سرے پر واقع ضلع نمسائی اس بات کی ایک منفرد مثال ہے کہ کس طرح یہاں آج بھی ایک قدیم طرز زندگی رائج ہے ۔

ریاست میں بدھسٹ ٹورزم سرکٹ شروع کرنے کے لیے ایک مضبومقدمہ پیش کرتےہوئے انہوں نے کہا کہ ‘‘ہماری ثقافت کی جڑیں سماجی و مذہبی تہواروں میں گہری ہیں ، ہم نے حال ہی میں سونگپا واٹر فیسٹیول کا اختتام کیا ، جو اروناچل پردیش میں خمتی برادری کے ذریعے منایا جانے والا بدھسٹ تہوار ہے ، خاص طور پر نمسائی اور چانگلانگ اور ایٹا نگر جیسے دیگر علاقوں میں ، جہاں بیرون ملک سے آنے والوں کو شرکت کے لیے مدعو کیا گیا تھا ۔یہ ایک بڑی کامیابی تھی ۔انہوں نے مزید کہا کہ ریاست میں بدھ مت سے وابستہ کئی اہم قدیم زیارت گاہیں بھی ہیں ۔’’

ان کے مطابق، درحقیقت ان کے قبیلے تائی خمتیوں نے سب سے پہلے 1839 میں انگریزوں کے خلاف آزادی کی پہلی جنگ لڑی ۔انہوں نے ذکر کیا کہ‘‘ہم نے انگریزوں کو اینگلو خمتی جنگ میں شکست دی  اور اس کے نتیجے میں انگریزوں نے ہمارے دیہاتوں کو جلا دیا اور شمال مشرق کے کئی علاقوں میں ہمارے قبیلے کو منتشر کر دیا۔’’

جناب مین کے مطابق ، انہوں نے اپنی خمتی رسم الخط کے ذریعے پالی زبان کو محفوظ رکھا ہے ۔درحقیقت ، ریاست میں صرف دو قدیم رسم الخط ہیں: تھیئرس (لیک تائی) اور بھوتی ۔یہاں تک کہ رامائن اور مہابھارت بھی خمتی رسم الخط (لیک تائی) میں لکھے گئے ہیں ۔

نائب وزیر اعلیٰ نے خطے میں مہابودھی سوسائٹی کے بہت بڑے ‘‘اچھے کام’’ کی بھی وضاحت کی اور انہیں امید ہے کہ خطے کو ، خطے کے نوجوانوں کو بااختیار بنانے کے لیے ہنر مندی کے فروغ کا مرکز ملے گا ۔

وہ وزارت ثقافت کے تعاون سے اور اروناچل پردیش کی حکومت اور نامسائی کی مہابودھی سوسائٹی کے تعاون سے انٹرنیشنل بدھسٹ کنفیڈریشن (آئی بی سی) کے زیر اہتمام دو روزہ بین الاقوامی کانکلیو سے خطاب کر رہے تھے ۔اس تقریب میں 300 سے زیادہ شرکاء نے شرکت کی جن میں سنگھوں کے سربراہان ، بھکو اور بھکھونی ، معاشرے کے ممتاز افراد ، سیاسی نمائندے ، پروفیسر ، شمال مشرق اور دیگر خطوں کے ماہرین تعلیم شامل تھے ۔بھوٹان ، میانمار،  کمبوڈیا کے نمائندوں نے سیمینار کے اجلاسوں میں شرکت کی  جبکہ گوہاٹی میں بھوٹان کے قونصل جنرل جناب جگمے تھینلی نامگیال نے افتتاحی اجلاس میں حاضرین سے خطاب کیا ۔

اس بات پر زور دیتے ہوئے کہ ‘‘ہمارا دھرم ہماری ثقافت ہے ؛ جو کہ ہمارا طرز زندگی ہے’’ ، جناب  زنگنو نامچوم ، ایم ایل اے نمسائی نے وضاحت کی کہ ہماری شادیوں میں بھی بدھ کی تعلیمات دی جاتی ہیں کہ معاشرے میں ہماری شادی شدہ زندگی کیسے گزاری جائے ۔انہوں نے کہا کہ بدھ مت ہمارے خون کے بہاؤ میں ہے ۔دھما خطاب موسٹ وین اگدھما بھدانتا  جو کہ پرییاتی ساسنا بدھ وہار ،نمسائی کے چیف ایبٹ  ہیں، نے پیش کیا۔

آئی بی سی کے سکریٹری جنرل شارٹسے کھنسور جنگچپ چوڈن رنپوچے نے مہمان کا استقبال کیا اور آئی بی سی کے ڈائریکٹر جنرل جناب ابھیجیت ہلدر نے تقریب کی تفصیلات بیان کیں اور اختتامی کلمات پیش کیے ۔اجلاسوں میں مندرجہ ذیل موضوعات پر بات چیت شامل ہوگی: شمال مشرقی ہندوستان میں بدھ دھرم کی تاریخی موزونیت ، بدھ برادریوں کا فن ، ثقافت اور ورثہ اور خطے میں بدھ مت پر ثقافتی اثرات پر ایک خصوصی اجلاس ۔

میانمار اور تھائی لینڈ میں حالیہ زلزلے کے متاثرین کے لیے گولڈن پگوڈا میں کل خصوصی دعائیں کی جائیں گی اور منتروں کا جاپ کیا جائے  گا۔اس کے بعد وپاسنا پر ایک اجلاس ہوگا ۔

 

*********************

 

UR-92

(ش ح۔  م م۔ج ا )

 

(Release ID: 2123268) Visitor Counter : 8