ന്യൂഡൽഹി, 09 ഏപ്രിൽ 2025

ഉപരാഷ്ട്രപതി ശ്രീ ജഗ്ദീപ് ധൻഖർ, ന്യൂഡൽഹിയിലെ ചരിത്രപ്രസിദ്ധമായ ചെങ്കോട്ടയിൽ സ്ഥിതി ചെയ്യുന്ന മാധവദാസ് പാർക്കിൽ ഇതിഹാസ ചക്രവർത്തി സാമ്രാട്ട് വിക്രമാദിത്യന്റെ ജീവിതത്തെക്കുറിച്ചുള്ള 'മഹാനാട്യ' എന്ന മഹത്തായ സാംസ്കാരിക പരിപാടിയിൽ 2025 ഏപ്രിൽ 12-ന്  പങ്കെടുക്കും. ധീരതയ്ക്കും നീതിബോധത്തിനും കലയുടെയും പഠനത്തിന്റെയും പ്രോത്സാഹനത്തിനും പേരുകേട്ട, ഉജ്ജയിനിയിലെ ജനപ്രീതിയാർജ്ജിച്ച ചക്രവർത്തിയായ സാമ്രാട്ട് വിക്രമാദിത്യന്റെ പ്രചോദനാത്മകമായ കഥയെ ജീവസുറ്റതാക്കുന്ന ഒരു മനോഹരമായ നാടകാവതരണമാണ് 'മഹാനാട്യ'.

മധ്യപ്രദേശ് ഗവർണർ ശ്രീ മംഗുഭായ് ഛഗൻഭായ് പട്ടേൽ; മധ്യപ്രദേശ് മുഖ്യമന്ത്രി ശ്രീ മോഹൻ യാദവ്; കേന്ദ്ര ടൂറിസം , സാംസ്കാരിക വകുപ്പ് മന്ത്രി ശ്രീ ഗജേന്ദ്ര സിംഗ് ഷെഖാവത്ത്; ഡൽഹി മുഖ്യമന്ത്രി ശ്രീമതി. രേഖ ഗുപ്ത എന്നിവരും പങ്കെടുക്കും.