نوجوانان و کھیل اور محنت و روزگارکے مرکزی وزیر ڈاکٹر منسکھ مانڈویہ نے آج پٹنہ، بہار میں ایک تاریخی ’’جئے بھیم پدیاترا‘‘ کی قیادت کی۔ اس پدیاترا کو بہار اسمبلی کے معزز اسپیکر، جناب نند کشور یادو نے روانہ کیا۔ اس پدیاترا میں 6,000 سے زائد ’’مائی بھارت‘‘ نوجوان رضا کاروں نے حصہ لیا۔ یہ پدیاترا بابا صاحب بھیم راؤ امبیڈکر کی زندگی اور وراثت کو شاندار خراج عقیدت کے طور پر منعقد کی گئی، جس میں نوجوانوں کی شرکت اور آئین کے دائمی اقدار پر بھرپور زور دیا گیا۔

مجمع سے خطاب کرتے ہوئے ڈاکٹر منسکھ مانڈویہ نے بھارت کے نوجوانوں کی قوت کو اجاگرکرتے ہوئے  ان سے ڈاکٹر امبیڈکر کی وراثت کے علمبردار بن کر نئے بھارت کی تعمیر میں کردار ادا کرنے کی اپیل کی۔ انہوں نے کہا:’’جب پٹنہ پر سورج طلوع ہوا، تو اس نے صرف ایک مجسمے کو نہیں بلکہ ایک جذبے کو، ڈاکٹر امبیڈکر کے نظریات کے تئیں ایک نئے عزم اور وکست بھارت کے تصور کو روشن کیا — ایک ایسا بھارت جو اپنی سب سے بڑی طاقت، یعنی اپنے نوجوانوں کی قیادت میں ترقی کی راہ پر گامزن ہے۔‘‘

مرکزی وزیر نے ملک کے نوجوانوں سے اپیل کی کہ وہ بابا صاحب امبیڈکر اور بھارت کے دیگر عظیم رہنماؤں کے نظریے، وراثت اور مثالی کارناموں سے تحریک حاصل کریں تاکہ وہ وکست بھارت کی تعمیر میں سرگرم کردار ادا کر سکیں۔ انہوں نے اس بات پر روشنی ڈالی کہ بابا صاحب امبیڈکر نے 1947 میں ہی خواتین کو مساوی حقوق دلانے میں انقلابی کردار ادا کیا، جب دنیا کے کئی حصوں میں صنفی مساوات کو تسلیم نہیں کیا جاتا تھا۔

ڈاکٹر مانڈویہ نے نوجوانوں سے ان قومی عظمتوں کے اصولوں کو اپنانے کے لیے ایک پختہ عزم کرنے کی اپیل کی، اور قومی ترقی میں نوجوانوں کی قیادت کی اہمیت کو اجاگر کیا۔ انہوں نے عزت مآب وزیر اعظم جناب نریندر مودی کی فیصلہ کن قیادت کی ستائش کی اور نوجوانوں سے کہا کہ وہ وزیر اعظم کی طرف سے متعین کیے گئے پنچ پران کے ساتھ اپنے آپ کو ہم آہنگ کریں تاکہ ایک مضبوط، خود انحصار، اور شمولیاتی بھارت کی تعمیر کی جا سکے۔

پورے ملک میں، جے بھیم پیداترا ہر ریاست کے دارالحکومت اور 5000 مقامات پر منعقد کی گئیں، جہاںمائی بھارت کے رضاکاروں نے ڈاکٹر بی آر امبیڈکر کے مجسموں کو صاف کیا اور ڈاکٹر امبیڈکر کے دیرپا ویژن کو خراج عقیدت پیش کیا، اس عزم کی تجدید کی کہ ہم ایک شمولیتی، بااختیار اور نوجوانوں کی قیادت والے بھارت کی تعمیر کریں گے۔ قابل ذکرہے کہ وزیر مملکت برائے نوجوانوں کے امور اور کھیل کود کی وزیر مملکت محترمہ رکشا نکھل کھڈسے نے ممبئی میں منعقدہ جے بھیم پیداترا میں شرکت کی، جس دوران انہوں نے  اتحاد اور قومی شرکت کا پیغام مزید آگے بڑھایا۔

آئین کے تمہید کو ایک ساتھ پڑھے جانے سے نوجوان کامیاب افراد اورمائی بھارت کے رضاکاروں کے ذریعے آئینی اقدار کے تئیں عزم کی تجدید کا سبب بنا۔مائی بھارت کے نوجوان رضاکاروں نے پدیاترا میں فعال طور پر شرکت کی، سماجی ہم آہنگی، جمہوری اقدار اور شمولیاتی  ترقی کے جذبے کو پُرجوش اور دل سے نکالے گئے نعرے لگاتے ہوئے گونجا دیا۔

راستے کے کئی مقامات پر ثقافتی پروگرامز ہوئے، جہاںمائی بھارت کے رضاکاروں نے ڈاکٹر بی آر امبیڈکر کے حوالے سے گانے گائے، جو پداترا میں جوش و جذبات کا رنگ بھر گئے۔ راستے میں شرکاء کو پانی اورریفریشمنٹفراہم کیے گئے، تاکہ ان کی راحت اور خوشی کا خیال رکھا جا سکے۔ شہری ذمہ داری کا مظاہرہ کرتے ہوئے، مائی بھارت کے رضاکاروں کو راستہ صاف کرتے اور کچرا اٹھاتے ہوئے بھی دیکھا گیا، جس سے پوری پداترا میں خدمت کے جذبے کی عکاسی ہوئی۔

پداترا کے اختتام پر، پٹنہ ہائی کورٹ کے قریب، ڈاکٹر منسکھ مانڈویہ اور دیگر رہنماؤں نے ڈاکٹر بی آر امبیڈکر کے مجسمے کے ارد گرد صفائی مہم میں حصہ لیا۔ اس کے بعد، انہوں نے بابا صاحب کی تصویر پر مالا چڑھائی اور بھارتی آئین کے معمار کو دل سے خراج عقیدت پیش کیا۔ وہاں موجود تمام معزز شخصیات نے بھی پھولوں کی مالائیں چڑھاوائیں ، جو ایک اجتماعی احترام اور یادگار لمحے کا عکاس تھا۔

ڈاکٹر منسکھ مانڈویہ کے ساتھ کئی معزز شخصیات موجود تھیں، جن میں بہار کے عزت مآب نائب وزیر اعلیٰ، جناب سمراٹ چودھری اور سابق مرکزی وزیر جناب وِجے کمار سنگھ، اور پٹنہ کے ایم پی، جناب روی شنکر پرساد، ریاستی وزرا، جناب نتن نبین اور جناب سریندر مہتا، رکن پارلیمان، متحرمہ  شمبھاوی چودھری، ایم ایل اے، محترمہ شریاسی سنگھ اور ایم ایل سی، جناب سنجے میوکھ بھی موجود تھے۔

جے بھیم پدیاترا دیکھیں:

******

ش ح۔ ش ا ر۔ ول

Uno-9859