தேசிய நீர்வழிப் பாதைகளின் உள்கட்டமைப்பு மேம்பாட்டில் தனியார் முதலீட்டை அழைப்பதற்காக இந்திய உள்நாட்டு நீர்வழிப் பாதைகள் ஆணையம் (ஐ.டபிள்யூ.ஏ.ஐ) உருவாக்கிய பிரத்யேக டிஜிட்டல் தளத்தை மத்திய துறைமுகங்கள், கப்பல் போக்குவரத்து மற்றும் நீர்வழிகள் துறை அமைச்சர் திரு சர்பானந்த சோனோவால் தொடங்கி வைத்தார்.

நாட்டில் உள்நாட்டு நீர்வழிப் போக்குவரத்தில் தனியார் முதலீட்டை ஊக்குவிப்பதை இந்த தளம் நோக்கமாகக் கொண்டுள்ளது.  தேசிய நீர்வழிகள் (படகுத்துறைகள் / முனையங்களின் கட்டுமானம்) விதிமுறைகள், 2025 அறிமுகப்படுத்தப்பட்டதைத் தொடர்ந்து இந்த அறிமுகம் நிகழ்ந்துள்ளது, இது இந்தியாவின் தேசிய நீர்வழி இணைப்பில் படகுத்துறைகள் மற்றும் முனையங்களின் கட்டுமானம் மற்றும் செயல்பாட்டில் முதலீடு செய்வதற்கான கட்டமைப்பை தனியார் செயற்பாட்டாளர்களுக்கு வழங்குகிறது.

புதிதாக அறிவிக்கப்பட்ட தேசிய நீர்வழிகள் (படகுத்துறைகள் / முனையங்களின் கட்டுமானம்) விதிமுறைகள், 2025 இன் படி, எந்தவொரு நிறுவனமும் – தனியார் நிறுவனங்கள் உட்பட – இந்திய உள்நாட்டு நீர்வழிகள் ஆணையத்திடமிருந்து (ஐ.டபிள்யூ.ஏ.ஐ) 'தடையில்லா சான்றிதழ்' (என்.ஓ.சி) பெறுவதன் மூலம் தேசிய நீர்வழிப்பாதையில் உள்நாட்டு நீர்வழி முனையத்தை உருவாக்கலாம் அல்லது இயக்கலாம். நிரந்தர அல்லது தற்காலிகமாக இருந்தாலும், தற்போதுள்ள மற்றும் புதிய முனையங்களுக்கு விதிமுறைகள் பொருந்தும்.

நிகழ்ச்சியில் பேசிய மத்திய அமைச்சர், "தேசிய நீர்வழிகள் ஒழுங்குமுறைகள், 2025 தொடங்கப்பட்டது, ஐ.டபிள்யூ.ஏ.ஐ-ஆல் உருவாக்கப்பட்ட டிஜிட்டல் தளத்துடன், இந்தியாவின் கடல்சார் மற்றும் தளவாட சுற்றுச்சூழல் அமைப்பில் ஒரு மாற்றத்தை ஏற்படுத்தும் முயற்சிகளைக் குறிக்கிறது. படகுத்துறைகள் மற்றும் முனையங்களை உருவாக்குவதில் தனியார் பங்களிப்பை செயல்படுத்துவதன் மூலம், உள்நாட்டு நீர்வழிப் போக்குவரத்தில் நீடித்த உள்கட்டமைப்பு வளர்ச்சிக்கான மகத்தான வாய்ப்புகளை நாம் திறக்கப் போகிறோம் என்று  பிரதமர் திரு நரேந்திர மோடியின் தொலைநோக்குப் பார்வை தெரிவிக்கிறது. இந்த முன்முயற்சி ஒழுங்குமுறை நடைமுறைகளை எளிமைப்படுத்துவதோடு, எளிதாக வர்த்தகம் செய்தல், பொருளாதார அதிகாரமளித்தல் மற்றும் வேலைவாய்ப்புகளை உருவாக்குதல் ஆகியவற்றில் நமது உறுதிப்பாட்டையும் பிரதிபலிக்கிறது. இது நவீன, திறமையான, சிக்கனமான மற்றும் உள்ளடக்கிய உள்நாட்டு நீர் போக்குவரத்து அமைப்புக்கு வழி வகுக்கிறது, இது வளர்ந்த பாரத்தை நோக்கி நாட்டை இயக்குகிறது”, என்று கூறினார்.

 

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://pib.gov.in/PressReleasePage.aspx?PRID=2120561

 

***

(Release ID: 2120561)

RB/DL

(Release ID: 2120615) Visitor Counter : 22