قومی انسانی حقوق کمیشن (این ایچ آر سی) انڈیا نے ملک بھر کی جیلوں میں خواتین قیدیوں اور ان کے بچوں سمیت قیدیوں کو درپیش مختلف مشکلات کا از خود نوٹس لیا ہے ۔ ان میں زیادہ بھیڑ ، بنیادی سہولیات کی کمی اور جیلوں میں صحت کی سہولیات شامل ہیں ۔  خصوصی مبصرین اور نمائندوں نے ملک بھر کی مختلف جیلوں کا دورہ کرنے کے ساتھ ساتھ شکایات کے بعد اپنی رپورٹوں کے ذریعے ان مسائل کو اس کے نوٹس میں لائے ہیں ۔

اٹھائے گئے کچھ دیگر خدشات میں خواتین قیدیوں کے وقار اور تحفظ کے حقوق کی خلاف ورزی ، ان کے خلاف بڑھتے ہوئے تشدد سے ذہنی پریشانی ، مناسب بیت الخلاء کے بغیر غیر حفظان صحت کے حالات ، سینیٹری نیپکن ، پینے کے صاف پانی کی سہولیات ، ناقص معیار کا کھانا جس کے نتیجے میں خاص طور پر حاملہ خواتین اور دودھ پلانے والی ماؤں میں تغذیئے کی کمی  پیدا ہوتی ہے ، ان کے ساتھ جیلوں میں رہنے والی خواتین قیدیوں کے بچوں کو تعلیمی مواقع کی کمی ، قانونی امداد ، پیشہ ورانہ تربیت اور بحالی سمیت ان کے فلاحی پروگراموں پر عمل درآمد نہ کرنا شامل ہیں ۔

لہذا ، کمیشن نے تمام ریاستوں اور مرکز کے زیر انتظام علاقوں کے چیف سکریٹریوں کو نوٹس جاری کیے ہیں کہ وہ مندرجہ ذیل معاملات پر چار ہفتوں کے اندر رپورٹ پیش کریں:

1. ان کی ریاست میں جیلوں میں بند خواتین قیدیوں کی تعداد ؛
2. خواتین قیدیوں کی تعداد جن کے بچے ماؤں کے قید ہونے کی وجہ سے جیلوں میں بند ہیں ؛
3. خواتین قیدیوں کی تعداد ، جو سزا یافتہ قیدی ہیں اور وہ قیدی جن پر مقدمات چل رہیے ہیں ؛
4. ان  خواتین قیدیوں کی تعداد جو ایک سال سے زیادہ عرصے سے جیل میں بند ہیں  اور ان پر مقدمات چل رہے ہیں؛
5. ان مرد قیدیوں  کی تعداد جن پر مقدمات چل رہے ہیں اور ایک سال سے زائد عرصے سے جیل میں قید افراد کی تعداد ؛

۔۔۔۔۔۔۔۔۔۔۔

ش ح۔ا ع خ ۔ ن م۔

U-9682