গ্ৰামোন্নয়ণ মন্ত্ৰালয়
প্ৰধানমন্ত্ৰী গ্ৰাম সড়ক যোজনা (PMGSY)-IIIৰ অধীনত মণিপুৰ, মিজোৰাম, হিমাচল প্ৰদেশ আৰু উত্তৰাখণ্ডৰ বাবে আন্তঃগাঁথনি বিকাশৰ কথা ঘোষণা গ্ৰামোন্নয়ন মন্ত্ৰালয়ৰ
Posted On:
05 APR 2025 11:26AM by PIB Guwahati
গ্ৰাম্য সংযোগ শক্তিশালী কৰি তোলা আৰু অৰ্থনৈতিক বিকাশ ত্বৰান্বিত কৰাৰ এক উল্লেখযোগ্য পদক্ষেপ হিচাপে গ্ৰামোন্নয়ন মন্ত্ৰালয়ে পিএমজিএছৱাই-তৃতীয়ৰ অধীনত মণিপুৰ, মিজোৰাম, হিমাচল প্ৰদেশ আৰু উত্তৰাখণ্ড ৰাজ্যলৈ প্ৰকল্প অনুমোদন জনাইছে। এনে প্ৰকল্পৰ বিষয়ে তলত বিতংভাৱে উল্লেখ কৰা হৈছে:-
মণিপুৰঃ ২৮০.৯৭ কিলোমিটাৰ দৈৰ্ঘ্যৰ ৪১টা পথ নিৰ্মাণৰ প্ৰকল্প, ইয়াত আনুমানিক ২২৫.১৫ কোটি টকা বিনিয়োগ কৰা হ'ব। , এই পদক্ষেপ অব্যাহত ৰাখি ৫০২.২৪ কিলোমিটাৰ দৈৰ্ঘ্যৰ ৫৬টা পথ আনুমানিক৪০৪.৭২ কোটি টকা বিনিয়োগেৰে ইতিমধ্যে প্ৰধানমন্ত্ৰী গ্ৰাম সড়ক যোজনা-III ৰ অধীনত ৰাজ্যখনলৈ অনুমোদন জনোৱা হৈছে৷
মিজোৰামঃ ৩৭৩.৪৬ মিটাৰ দৈৰ্ঘ্যৰ ০৭খন লং স্প্যান ব্ৰীজ (এলএছবি) ৰাজ্যখনক ৬৭.৬৯ কোটি টকাৰ আনুমানিক বিনিয়োগৰ সৈতে অনুমোদন জনোৱা হৈছে। এই প্ৰচেষ্টা অব্যাহত ৰাখি, পিএমজিএছৱাই-৩ৰ অধীনত ৰাজ্যখনত আনুমানিক ৫৬২.৭০ কোটি টকা বিনিয়োগৰ সৈতে ৪৮৭.৫০ কিলোমিটাৰ দৈৰ্ঘ্যৰ ১৭ টা পথ ইতিমধ্যে অনুমোদন জনোৱা হৈছে।
হিমাচল প্ৰদেশ: আনুমানিক ১৪০.৯০ কোটি টকা বিনিয়োগৰ সৈতে ৯৭০.৭৭২ মিটাৰ দৈৰ্ঘ্যৰ ২১ খন দীঘলীয়া দলং (এলএছবি) ৰাজ্যখনক অনুমোদন জনোৱা হৈছে। এই প্ৰচেষ্টা অব্যাহত ৰাখি ৰাজ্যখনত পিএমজিএছৱাই-৩ৰ অধীনত ৩,১২৩.১১৭ কিলোমিটাৰ দৈৰ্ঘ্যৰ ২৯৯ টা পথ আৰু ৪৩ খন এলএছবিৰ বাবে ইতিমধ্যে ৩,৩৪৫.৮২ কোটি টকাৰ আনুমানিক বিনিয়োগত অনুমোদন জনোৱা হৈছে।
উত্তৰাখণ্ডঃ ২৪৬ মিটাৰ দৈৰ্ঘ্যৰ ০৯ খন দীঘলীয়া দলং (এলএছবি) ৪০.৭৭ কোটি টকাৰ আনুমানিক বিনিয়োগৰ সৈতে ৰাজ্য খনলৈ অনুমোদন জনোৱা হৈছে। এই প্ৰচেষ্টা অব্যাহত ৰাখি ৰাজ্যখনত পিএমজিএছৱাই-৩ৰ অধীনত ২,২৮৭.৯৫ কিলোমিটাৰ দৈৰ্ঘ্যৰ ২১২ টা পথ আৰু ০৯ টা এলএছবিৰ বাবে ইতিমধ্যে আনুমানিক বিনিয়োগ হিচাবে ১,৮৬৫.৩৪ কোটি টকা অনুমোদন জনোৱা হৈছে।
এই পদক্ষেপে নিম্নোক্ত উদ্দেশ্যসমূহ পূৰণ কৰিব:
- স্বাস্থ্যসেৱা, শিক্ষা, আৰু বজাৰৰ দৰে অত্যাৱশ্যকীয় সেৱাসমূহৰ সুবিধা উন্নত কৰা।
- গ্ৰাম্য অঞ্চলত সংযোগ বৃদ্ধি কৰা, দুৰ্গম গাঁও আৰু চহৰৰ কেন্দ্ৰৰ মাজৰ ব্যৱধান দূৰ কৰা।
- অঞ্চলটোৰ অৰ্থনৈতিক উন্নয়ন, বাণিজ্য, আৰু বাণিজ্যক লাভাৱান্বিত কৰা।
- নিয়োগৰ সুযোগ সৃষ্টি কৰা আৰু স্থানীয় অৰ্থনীতিক উদ্দীপিত কৰা।
- উন্নত ভাৰত (বিকশিত ভাৰত)ৰ চৰকাৰৰ দৃষ্টিভংগীক বাস্তৱায়িত কৰাত সহায় কৰিব৷
পিএমজিএছৱাই-IIIৰ অধীনত গ্ৰহণ কৰা এই প্ৰকল্পসমূহে পৰিৱৰ্তনৰ দিশত বিশেষ প্ৰভাৱ পেলাব আৰু সমান্তৰালভাবে ৰাজ্যসমূহৰ বিকাশ তথা সমৃদ্ধিত অৰিহণা যোগাব৷ এই প্ৰকল্পসমূহে সৰ্বাংগীন উন্নয়নৰ প্ৰতি চৰকাৰৰ দায়বদ্ধতাকে পুনৰ দৃঢ় কৰি তুলিব।
*****
PSF/AR/DM
(Release ID: 2119354)
Visitor Counter : 11