ایک تاریخی واقعہ میں، دہلی آیوشمان بھارت پردھان منتری جن آروگیہ یوجنا (اے بی پی ایم-جے اے وائی) کو لاگو کرنے والی 35ویں ریاست بن گئی، جب مرکزی وزارت صحت و خاندانی بہبود (ایم او ایچ ایف ڈبلیو) کی قومی صحت اتھارٹی (این ایچ اے) نے محکمہ صحت و خاندانی بہبود، دہلی حکومت کے ساتھ مفاہمت کی  ایک یادداشت (ایم او یو) پر دستخط کیا ۔

اس معاہدے پر آج یہاں وزارت صحت و خاندانی بہبود کے ایڈیشنل سکریٹری اور چیف ایگزیکٹو آفیسر،  نیشنل ہیلتھ اتھارٹی (این ایچ اے) ،محترمہ ایل ایس چنگسن اور ڈاکٹر ایس بی دیپک کمار، سکریٹری (صحت اور خاندانی بہبود)، محکمہ صحت اور خاندانی بہبود، حکومت این سی ٹی دہلی کے درمیان معاہدے پر دستخط ہوئے۔

دستخط کی تقریب کی صدارت صحت و خاندانی بہبود اور کیمیکل اور کیمیاوی کھاد کے مرکزی وزیر جناب جگت پرکاش نڈا نے حکومت این سی ٹی دہلی کی وزیر اعلی ،محترمہ  ریکھا گپتا  ؛ کارپوریٹ امور اور سڑک ٹرانسپورٹ اور شاہراہوں کی وزارت میں مرکزی وزیر مملکت، جناب ہرش مہلوترا ؛ مرکزی وزیر مملکت برائے صحت اور خاندانی بہبود اور کیمیکل اورکیمیاوی کھاد کی وزیر مملکت محترمہ انوپریہ پٹیل؛ اور ڈاکٹر پنکج کمار سنگھ، وزیر، صحت اور خاندانی بہبود اور ٹرانسپورٹ اور انفارمیشن ٹیکنالوجی کی موجودگی میں کی ۔ محترمہ بانسوری سوراج، جناب پروین کھنڈیلوال، جناب کمل جیت سہراوت، جناب منوج کمار تیواری،  جناب رامویر سنگھ بیدھوری اور جناب یوگیندر چندولیا – این سی ٹی دہلی سے ممبران پارلیمنٹ (ایم پی)؛ مرکزی صحت سکریٹری  محترمہ پنیا سلیلا سریواستو اور این سی ٹی دہلی کے چیف سکریٹری جناب دھرمیندر بھی   اس تقریب کے دوران موجود تھے۔

اجتماع سے خطاب کرتے ہوئے، جناب جے پی نڈا نے کہا، "یہ فخر کا لمحہ ہے کہ دنیا کی سب سے بڑی صحت کوریج اسکیم جو ملک کی 34 ریاستوں اور مرکز کے زیر انتظام علاقوں میں نافذ ہے، آخر کار قومی دارالحکومت میں بھی نافذ ہو رہی ہے۔" انہوں نے کہا کہ یہ اسکیم اعتماد پر بنائی گئی ہے، اس لیے اسے انشورنس اسکیم نہیں بلکہ 'یقین دہانی' اسکیم کہا جاتا ہے۔

جناب نڈا نے  بتایا کہ ذات  پرمبنی معاشی مردم شماری کی بنیاد پر، 50 کروڑ لوگوں کو اس اسکیم کے تحت لایا گیا، اس طرح کی یہ پہلی اسکیم ہے۔ انہوں نے یہ بھی بتایا کہ اس اسکیم اور پردھان منتری جیون بیمہ یوجنا کے تحت آشا اور آنگن واڑی کارکنان سمیت 36 لاکھ فرنٹ لائن صحت کارکنان کو لایا گیا ہے تاکہ ہیلتھ اور لائف انشورنس دونوں کا احاطہ کیا جاسکے۔ انہوں نے کہا کہ یہ ان فرنٹ لائن  کارکنان کو جامع  سماجی سیکورٹی کوریج کے دائرے میں لانے کے لیے کیا گیا ۔

مرکزی وزیر صحت نے کہا کہ دہلی میں اے بی پی ایم-جے اے وائی کے نفاذ کے ساتھ، 70 سال یا اس سے زیادہ عمر کے تمام بزرگ شہریوں کو، ان کی سماجی و اقتصادی حیثیت سے قطع نظر، آیوشمان وائے وندنا یوجنا کے تحت  لایا جائے گا، جو 70 سال اور اس سے زیادہ عمر کے تمام بزرگ شہریوں کو 5 لاکھ روپے کا مفت صحت کوریج فراہم کرتا ہے، چاہے ان کی سماجی حیثیت کچھ بھی ہو۔ یہ تمام اہل بزرگ شہریوں کو صحت کا احاطہ فراہم کرے گا جہاں پہلے سے موجود تمام بیماریوں کا احاطہ کیا جائے گا۔ "اندازہ ہے کہ دہلی کے 6 لاکھ سے زیادہ بزرگ شہری جن کا تعلق 4.5 لاکھ خاندانوں سے ہے، مستفید ہوں گے"۔ انہوں نے مزید کہا کہ "6.5 لاکھ سے زیادہ خاندانوں سے تعلق رکھنے والے تقریباً 30 لاکھ افراد اور ایک اندازے کے مطابق 6 لاکھ بزرگ شہریوں کے ساتھ، دہلی میں تقریباً 36 لاکھ لوگ آیوشمان بھارت پی ایم-جے اے وائی  اسکیم سے مستفید ہوں گے۔"

جناب نڈا نے روشنی ڈالی کہ اے بی پی ایم-جے اے وائی اسکیم کے ذریعہ، 55کروڑ سے زیادہ  استفادہ کنندگان کو ہدف بنایا گیا تھا جن میں 12 کروڑ خاندان شامل ہیں جو کہ ہندوستان کی کمزور آبادی کا 40فیصد احاطہ کرتے ہیں۔ انہوں نے کہا کہ اے بی پی ایم-جے اے وائی کے نفاذ سے ایک صحت مند، بااختیار اور خوشحال دہلی بنانے میں مدد ملے گی۔ انہوں نے اس بات پر بھی روشنی ڈالی کہ اس اسکیم کی وجہ سے جیب سے باہر کے اخراجات 2014 میں 62 فیصد سے کم ہو کر آج 38 فیصد رہ گئے ہیں۔

ایک حالیہ ایل اے این سی ای ٹی مطالعہ کا حوالہ دیتے ہوئے، جناب نڈا نے اس بات پر زور دیا کہ آیوشمان بھارت جن آروگیہ یوجنا کی وجہ سے بروقت کینسر کے علاج کی شروعات میں نمایاں بہتری آئی ہے۔ انہوں نے کہا " اے بی پی ایم-جے اے وائی کے تحت اندراج شدہ مریضوں نے 30 دنوں کے اندر کینسر کے علاج تک رسائی میں 90فیصد اضافہ دیکھا" ۔

اس موقع پر خطاب کرتے ہوئے محترمہ ریکھا گپتا نے کہا، "دہلی کے شہری اب اے بی پی ایم-جے اے وائی سے فائدہ اٹھا سکیں گے جو ہر استفادہ کنندہ خاندان کو ہر سال 5 لاکھ روپے کا مفت ہیلتھ کور فراہم کرتا ہے۔ اس کے علاوہ دہلی حکومت مرکزی حکومت کے فراہم کردہ کور کے اوپر اور اوپر 5 لاکھ کا اضافی ٹاپ اپ دے گی۔ دہلی میں تقریباً 6.54 لاکھ خاندان اس اسکیم کے تحت مستفید ہوں گے۔"

انہوں نے اس بات پر بھی روشنی ڈالی کہ استفادہ کنندگان اب 27 طبی خصوصیات سے 1,961 صحت سے متعلق فوائد کے پیکجوں تک رسائی حاصل کریں گے، جن میں جدید طریقہ کار اور ہسپتالوں کے لیے بہتر شرحیں شامل ہیں۔ انہوں نے یہ بھی بتایا کہ اس اسکیم کے لیے کارڈ کی تقسیم 10 اپریل 2025 سے شروع کی جائے گی۔

محترمہ انوپریہ پٹیل نے کہا، "آج دہلی کے لوگوں کے لیے ایک تاریخی دن ہے کیونکہ یہ ایم او یو دہلی کے باشندوں کو معیاری اور سستی صحت کی دیکھ بھال فراہم کرنے کے لیے مرکزی اور دہلی حکومت کے مشترکہ عزم کی عکاسی کرتا ہے۔"

اس بات کو اجاگر کرتے ہوئے کہ اے بی پی ایم-جے اے وائی دنیا کی سب سے بڑی ہیلتھ انشورنس اسکیم ہے، انہوں نے کہا کہ اس اسکیم کی وجہ سے اب تک 1.75 کروڑ روپے کے جیب خرچ کی بچت ہوئی ہے۔ انہوں نے یہ بھی بتایا کہ دہلی میں تقریباً 6.54 لاکھ خاندانوں بشمول 70 سال یا اس سے زیادہ عمر کے تمام بزرگ شہری کو بروقت اور معیاری صحت کی دیکھ بھال سے فائدہ پہنچے گا۔

آیوشمان بھارت پی ایم-جے اے وائی، 23 ستمبر 2018 میں شروع کیا گیا، بنیادی طور پر ملک بھر کے لاکھوں غریب اور کمزور خاندانوں کے لیے صحت کی دیکھ بھال میں ایک گیم چینجر ثابت ہوا ہے۔ صرف پانچ سالوں میں، اس نے انہیں طبی ہنگامی حالات کے دوران صحت کے تباہ کن اخراجات کا بوجھ ڈالے بغیر بروقت رسائی اور معیاری صحت کی دیکھ بھال کے قابل بنایا۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض۔ ت ع  (

9585