Ka Cabinet Committee on Economic Affairs, kaba la pyniaid da u Myntri Rangbah duh Narendra Modi, ka la mynjur ia saw tylli ki projek jong ka Tnad Rel ha kaba ka jinglut baroh kan long kumba T. 18,658 klur. Ki Saw tylli ki projek kiba kynthup 15 tylli ki District ha 3 tylli ki Jylla kata, ka Maharashtra, Odisha, bad Chhattisgarh kin pynkiew ïa ka rynsan ba la don lypa jong ka Indian Railways da kumba 1247 Kms.

Kine ki projek ki kynthup:

1. Sambalpur – Jarapda 3rd bad 4th Line
2. Jharsuguda – Sason 3rd bad 4th Line
3. Kharsia – Naya Raipur – Parmalkasa 5th bad 6th Line

• iv. Gondia – Balharshah doubling

Ka jingpynbun ia ki lynti rel kan kyntiew ia ka leit ka wan, kan ai ka jingtreikam kaba kham bha bad ka jingshakri kaba lah ban shaniah na ka bynta ka Indian Railways. Kine ki jingtyrwa ban pynbun ia ki lynti rel kin pynsuk ia ki jingtreikam bad pynduna ka jingkhapngiah, kyntiew ia ki jingdon jingem ba donkam bha ha ki bynta kiba bun briew tam ha ka Indian Railways. Ki projek ki ïahap bad ka jingthmu jong u Myntri Rangbah duh Narendra Modiji ban ïoh ïa ka India Bathymmai ka ban pynlong “Atmanirbhar”  ïa ki briew jong kane ka thaiñ da ka lynti jong ka jingpynroi ba pura ha ka thaiñ ka ban kyntiew ïa ki lad ïoh kam / seng kam lajong.

Ki projek ki dei ka jingmih na ka PM-Gati Shakti National Master Plan na ka bynta ka jingpyniasoh ba bun rukom kiba urlong lyngba ka jingpynkhreh lang bad kan ai ka jingpyniasoh kaba khlem jingeh na ka bynta ka leit ka wan jong ki briew, ki mar ki mata bad ki jingshakri.

Lyngba kine ki projek yn shna 19 tylli ki Station bathymmai, ki ban kyntiew ia ka jingpyniasoh sha Ar tylli ki Aspirational District (Gadchiroli bad Rajnandgaon). Ka projek Multi-tracking kan kyntiew ia ka jingpyniasoh sha ka kumba 3350 tylli ki shnong bad kumba 47.25 lak ngut ki nongshong shnong.

Ka Kharsia – Naya Raipur – Ka Parmalkasa kan pynbiang ka jingpyniasoh sha ki jaka ba thymmai kum ka Baloda Bazar, kane kan plie lad ban seng ia ki karkhana ba thymmai kynthup ia ki karkhana dewbilat ha kane ka thain.

Kine ki dei ki lynti kiba donkam na ka bynta jingkit ia ki mar kum ki mar rep, ki sboh, u dewiong, ki nar, dewbilat, mawshun, bad kiwei kiwei. Ka jingkyntiew ia ki kam kan wanrah ia ka jingpynkit mar kaba kham heh kaba 88.77 MTPA (Million Ton ha ka shi snem). Ka Railways ka long ka lad pynkit mar ka bym da ktah ia ka mariang bad kaba seisoh bha ha ka rukom pyndonkam ia ka bording, kan iarap ban pynurlong ia ki thong ba iadei bad ka jinglong ka suinbneng ban pynduna ia ka jinglut jingsep jong ka ri, pynduna ka jingwanrah umphniang nabar ri (95 Klur Litre) bad pynduna ka jingmih CO₂ (477 Klur Kg) kaba iaryngkat bad ka jingthung dieng kaba 19 Klur.

***