আন্তঃৰাষ্ট্ৰীয় যোগ দিৱস ২০২৫ৰ কাউণ্টডাউন অব্যাহত থকাৰ সময়তে  অসমৰ কাৰ্বি আংলঙৰ ডিফু পুলিচ ৰিজাৰ্ভ কেম্প ফিল্ডত যোগৰ মনোভাৱ প্ৰতিফলিত কৰিবলৈ যোগোৎসৱ কাৰ্যসূচীৰ আয়োজন কৰা হয় ৷  আন্তঃৰাষ্ট্ৰীয় যোগ দিৱসৰ ১০০ দিনীয়া কাউণ্টডাউনৰ ৭৮ দিন উপলক্ষ্যে  এই কাৰ্যসূচী হাতত লোৱা হয়। যোগোৎসৱ  অনুষ্ঠানত আৰক্ষী কৰ্মী আৰু স্থানীয় নাগৰিককে ধৰি প্ৰায় ৩৮০ গৰাকী উৎসাহী অংশগ্ৰহণকাৰীক একত্ৰিত কৰি সুস্থতা আৰু আভ্যন্তৰীণ সমন্বয়ৰ এক ঐক্যবদ্ধ উদযাপন কৰা হয়।

                                 ৪ এপ্ৰিল, ২০২৫ত অসমৰ কাৰ্বি আংলঙৰ ডিফু পুলিচ ৰিজাৰ্ভ কেম্প ফিল্ডত আয়োজন কৰা যোগোৎসৱ কাৰ্যসূচীৰ এক দৃশ্য

 

 

ভাৰত চৰকাৰৰ আয়ুষ মন্ত্ৰালয়ৰ তত্বাৱধানত মোৰাৰজী দেশাই ৰাষ্ট্ৰীয় যোগ প্ৰতিষ্ঠান (এমডিএনআইৱাই)ৰ নেতৃত্বত এই যোগোৎসৱ কাৰ্যসূচীৰ আয়োজন কৰা হয়৷ যোগৰ পৰিৱৰ্তনশীল শক্তিৰ লগতে শাৰীৰিক, মানসিক আৰু আধ্যাত্মিকভাৱে যোগৰ জড়িয়তে সজাগতা সৃষ্টিৰ ক্ষেত্ৰত  দেশজুৰি গ্ৰহণ কৰা পদক্ষেপৰ অংশ হিচাবে এই যোগোৎসৱ কাৰ্যসূচী অনুষ্ঠিত কৰা হয়।

 

 

                                          এই অনুষ্ঠানত আৰক্ষী কৰ্মী আৰু জনসাধাৰণকে ধৰি ৩৮০ গৰাকী ব্যক্তিয়ে অংশগ্ৰহণ কৰে

 

এই অনুষ্ঠানটো কেৱল আসনৰ প্ৰদৰ্শন নাছিল—যোগৰ কালজয়ী প্ৰজ্ঞাৰ জৰিয়তে ভাৰতৰ এক সুস্থ, সুখী পৃথিৱী সৃষ্টিৰ দৃষ্টিভংগীৰ প্ৰতিধ্বনি ইয়াত অনুৰণিত হয়৷ অনুশাসন আৰু সামগ্ৰিক স্বাস্থ্যক আঁকোৱালি লোৱাৰ এক আহ্বানো এই কাৰ্যসূচীতে  গুঞ্জৰিত হয়৷ বিগত পাঁচটা বছৰে অসমৰ ৰাজ্যপালৰ বাবে যোগ অধিবেশন পৰিচালনা কৰি অহা বিশিষ্ট যোগ শিক্ষয়িত্ৰী দিব্য জ্যোতি ডেকাৰ কমন যোগ প্ৰট’কল (চি ৱাই পি)ৰ অনুশীলনেৰে জড়িয়তে এই অনুষ্ঠানটো শুভাৰম্ভ কৰা হয়৷ বিশেষজ্ঞ হিচাবে তেওঁৰ  দিহা-পৰামৰ্শই পুৱাটোক অধিক সজীৱ কৰি তোলে৷

 

চি ৱাই পিৰ পিছত যোগাচাৰ্য সুভাসী কৰে “উন্নত স্বাস্থ্যৰ বাবে যোগৰ পৰামৰ্শ”ৰ বিষয়ত এক অন্তৰ্দৃষ্টিসম্পন্ন বক্তব্য আগবঢ়ায়৷  তেওঁ  দৈনন্দিন যোগাভ্যাসৰ জৰিয়তে শাৰীৰিক আৰু মানসিক সুস্থতা উন্নত কৰাৰ সহজ তথা ব্যৱহাৰিক উপায়ৰ বিষয়ে বাখ্যা কৰে৷

 

কাৰ্যসূচীৰ এটা মূল আকৰ্ষণ  আছিল জল নেটিৰ ব্যৱহাৰিক কৰ্মশালা৷ য’ত অংশগ্ৰহণকাৰীসকলক এই পৰম্পৰাগত যোগাসনৰ  কৌশল বিষয়ে ব্যৱহাৰিক জ্ঞান প্ৰদান কৰা হয়৷ এই যোগাসনবিধ  শ্বাস-প্ৰশ্বাস আৰু চাইনাছৰ দৰে ৰোগৰ ক্ষেত্ৰত অতিকৈ উপকাৰী হিচাবে বিবেচিত হৈছে

 

 

                                           কাৰ্বি আংলঙৰ ডিফু আৰক্ষী ৰিজাৰ্ভ কেম্প ফিল্ডত আয়োজিত যোগোৎসৱ কাৰ্যসূচীৰ দৃশ্য

 

অনুষ্ঠানটোৰ সামৰণি পৰে সুস্থতা, সমন্বয়, আৰু দৈনন্দিন জীৱনত যোগক অন্তৰ্ভুক্ত কৰাৰ গুৰুত্বৰ এক অনুৰণনশীল বাৰ্তাৰে। কাউণ্টডাউন ইভেণ্ট হিচাপে ই ফলপ্ৰসূভাৱে আগন্তুক আন্তঃৰাষ্ট্ৰীয় যোগ দিৱস ২০২৫ৰ বাবে মঞ্চ তৈয়াৰ কৰে৷ অনুষ্ঠানটোৱে ব্যক্তি আৰু সম্প্ৰদায়ৰ বাবে সামগ্ৰিক মংগলৰ প্ৰসাৰৰ ক্ষেত্ৰত যোগৰ অবিচ্ছেদ্য ভূমিকাক শক্তিশালী কৰি তোলে।

 

****

 

MV/AKS/DM

(Release ID: 2119020) Visitor Counter : 34