جل شکتی کے مرکزی وزیر جناب سی آر پاٹل نے آج شرم شکتی بھون، نئی دہلی میں تمام وزارتوں/محکموں میں مربوط ڈیجیٹل ماحولیاتی نظام کو ہم آہنگ کرنے کے مقصد کے ساتھ ڈیجیٹل برانڈ آئڈینٹیٹی مینول (ڈی بی آئی ایم) فارمیٹ میں وزارت جل شکتی (محکمہ آبی وسائل، آر ڈی اور جی آر) کی ایک نئی ویب سائٹ لانچ کی۔

اپ گریڈ شدہ ویب سائٹ ان پہلے چند سرکاری پلیٹ فارموں میں سے ایک ہے جنہیں کامیابی کے ساتھ آن بورڈ کیا گیا اور جدید ترین ڈی بی آئی ایم اورحکومت ہندکی ویب سائٹس کےلیے رہنما خطوط (جی آئی جی ڈبلیو) 3.00 کی مکمل تعمیل میں بنایا گیا۔

حکومت ہند کے لیے ہم آہنگ اور متحدہ ڈیجیٹل شناخت کے وزیر اعظم کے وژن کے ساتھ ہم آہنگ، نئی ویب سائٹ کی اہم خصوصیات یہ ہیں:

1. حکومتی ویب سائٹ پر مستقل مزاجی: ڈی بی آئی ایم فریم ورک تمام سرکاری ویب سائٹس پر ایک متحد شکل و صورت کو یقینی بناتا ہے۔ یہ مستقل مزاجی نہ صرف حکومت کی ڈیجیٹل شناخت کو مضبوط کرتی ہے بلکہ شہریوں کے درمیان اعتماد اور پہچان کو فروغ دینے میں بھی مدد کرتی ہے۔

2. صارف کا یکساں تجربہ: نئی ویب سائٹ کو مرکزی حکومت کے تمام پورٹل پر صارف کا یکساں تجربہ فراہم کرنے کے لیے ڈیزائن کیا گیا ہے۔ معیاری مینو، ترتیب اور خصوصیات کی بدولت شہریوں کو اب مختلف محکموں میں معلومات تک رسائی  آسان ہو جائے گا۔

3. بہتر رسائی: ویب سائٹ ایس ٹی کیو سی کے تازہ ترین ویب مواد تک رسائی کے رہنما خطوط (ڈبلیو سی اے جی) کی تعمیل کرتی ہے، جو اسے معذوروں سمیت تمام شہریوں کے لیے قابل رسائی بناتی ہے۔

4. رفتار اور کارکردگی کے لیے موزوں: ڈی بی آئی ایم فریم ورک کے آپٹمائزڈ کوڈنگ ڈھانچے کا فائدہ اٹھاتے ہوئے، ویب سائٹ تیز لوڈ اوقات اور بہتر کارکردگی پیش کرتی ہے، کم بینڈوتھ کنکشن پر بھی ہموار تجربہ کو یقینی بناتی ہے۔ یہ دیہی اور دور دراز علاقوں کے صارفین کے لیے خاص طور پر فائدہ مند ہے۔

5. بینرکی اشاعت کا مرکزی نظام: ڈی بی آئی ایم فریم ورک کی نمایاں خصوصیات میں سے بینرکی اشاعت کا ایک مرکزی نظام ہے جومائی گوو کے ساتھ مربوط ہے۔ یہ نظام ہمیں تمام سرکاری ویب سائٹ پر براہ راست اہم سرکاری اعلانات، عوامی خدمت کے پیغامات، اور اہم معلومات شائع کرنے کی اجازت دیتا ہے۔ یہ مرکزی نقطہ نظر اس بات کو یقینی بناتا ہے کہ شہریوں کو تازہ ترین اپ ڈیٹ فوری طور پر موصول ہوں، مواصلات اور رسائی کو بہتر بنایا جائے۔

6. موبائل دوست ڈیزائن: ریسپانسیو ڈیزائن اس بات کو یقینی بناتا ہے کہ ویب سائٹ اسمارٹ فون، ٹیبلٹ اور ڈیسک ٹاپ سمیت تمام آلات پر آسانی سے کام کرے۔ یہ لچک صارف کے مجموعی تجربے کو بڑھاتی ہے، خاص طور پر ان شہریوں کے لیے جو بنیادی طور پر آن لائن خدمات تک رسائی کے لیے موبائل آلات استعمال کرتے ہیں۔

7. مرکزی مواد کا انتظام: فریم ورک میں مرکزی مواد کے انتظام کا نظام (سی ایم ایس) شامل ہے جو مختلف سرکاری پورٹل پر موثر اپ ڈیٹ اور دیکھ بھال کی اجازت دیتا ہے۔ یہ ویب سائٹ کے انتظام کے لیے درکار وقت اور محنت کو کم کرتا ہے اور عوام کے لیے تازہ ترین معلومات کی دستیابی کو یقینی بناتا ہے۔

8. بہتر سیکورٹی خصوصیات: ڈی بی آئی ایم فریم ورک ایس ایس ایل انکرپشن، محفوظ توثیق، اور باقاعدگی سے خطرے کے جائزے سمیت مضبوط سیکورٹی پروٹوکول کے ساتھ بنایا گیا ہے۔ یہ یقینی بناتا ہے کہ حکومت کی ڈیٹا کے تحفظ کی پالیسیوں کے مطابق شہریوں کا ڈیٹا محفوظ رہے۔

اپ گریڈ شدہ پورٹل اب ایک متحد انٹرفیس، مسلسل برانڈنگ، اور ٹیکنالوجی کی معیاری کاری کی خصوصیات رکھتا ہے، جو محکمہ آبی وسائل، آر ڈی اور جی آر کو ڈیجیٹل بہتری اور رسائی کا ایک نمونہ بناتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ن ا(

9459

(Release ID: 2118481) Visitor Counter : 16