కేంద్ర ఆర్థిక మంత్రిత్వ శాఖ, రెవెన్యూ విభాగంలోని కేంద్ర పరోక్ష పన్నులు, కస్టమ్స్ విభాగాలు 01.05.2025 నుంచి ఎంపిక చేసిన విమానాశ్రయాల్లో విమాన ప్రయాణికుల వ్యక్తిగత లగేజీ విధానంలో రత్నాలు, ఆభరణాల (నమూనాల) బిల్ ఆఫ్ ఎంట్రీ లేదా షిప్పింగ్ బిల్లుల ఎలక్ట్రానిక్ ప్రాసెసింగ్‌ను ప్రవేశపెడుతోంది.

వ్యక్తిగత సమాన్ల కేటగిరీలో విదేశీ వాణిజ్య విధానం-2023 (ఎఫ్టీపీ),  హ్యాండ్‌బుక్ ఆఫ్ ప్రొసీజర్స్-2023 (హెచ్బీపీ) నిబంధనలకు లోబడి ఈ ఎగుమతి/దిగుమతులు ఉంటాయి.

తొమ్మిది విమానాశ్రయాల్లో (ఢిల్లీ, ముంబయి, కోల్‌కతా, చెన్నై, కొచ్చి, కోయంబత్తూర్, బెంగళూరు, హైదరాబాద్, జైపూర్) ఎగుమతుల విషయంలో హెచ్బీపీ పేరా 4.87లో పేర్కొన్న నిబంధనలకు అనుగుణంగానూ, దిగుమతుల విషయమై

పేరా 4.88 నిబంధనలకు అనుగుణంగానూ- ప్రయాణికులను అనుమతిస్తారు. యంత్ర నమూనాలు లేదా ప్రోటోటైపులు విషయంలో తొలుత బెంగళూరు, చెన్నై, ఢిల్లీ,  ముంబయి విమానాశ్రయాల్లో ఈ సదుపాయం అందుబాటులోకి వస్తుంది.

ఎలక్ట్రానిక్ ప్రాసెసింగ్ తో కూడుకున్న క్రమబద్ధమైన విధానం ఇటువంటి లావాదేవీల పద్ధతిని, ప్రత్యేకించి రత్నాలు, ఆభరణాలు, ఉన్నత శ్రేణి ఉత్పత్తుల తయారీకి సంబంధించి సులభతర వాణిజ్యాన్ని ప్రోత్సహించాలని ప్రభుత్వం భావిస్తోంది.

***