صدر جمہوریہ ہند ، محترمہ دروپدی مرمو نے آج (یکم اپریل 2025)راشٹر  پتی بھون  میں جمہوریہ چلی کے صدر جناب گیبریل بورک فونٹ کا خیر مقدم کیا۔انہوں نے ان کے اعزاز میں ایک ضیافت کا بھی اہتمام کیا ۔

­­­

بھارت کے پہلے دورے پر صدر بورک کا خیر مقدم کرتے ہوئے صدر جمہوریہ نے کہا کہ ان کا سیاسی سفر، طلبہ سیاست سے لے کر صدر کے عہدے تک دنیا بھر کے نوجوان لیڈروں کے لیے تحریک کا باعث ہے ۔

صدر جمہوریہ نے کہا کہ یہ دورہ بھارت-چلی تعلقات میں ایک اہم سنگ میل ہے ، کیونکہ یہ ایک ایسے وقت میں ہو رہا ہے جب ہم سفارتی تعلقات کے قیام کے 75 سال مکمل کر رہے ہیں ۔

صدر جمہوریہ نے کہا کہ چلی، لاطینی امریکہ کے خطے میں ہندوستان کا ایک اہم شراکت دار ہے ۔ ہندوستان اور چلی کی سیاسی اور اقتصادی ترجیحات ایک دوسرے کی تکمیل کرتی ہیں ۔ انہوں نے کہا کہ دونوں ممالک کے درمیان تجارت اور سرمایہ کاری ، ٹیکنالوجی اور ثقافتی تبادلے میں تعاون بڑھانے کے بہت سے مواقع موجود ہیں۔

صدر جمہوریہ نے اس بات پر خوشی کا اظہار کیا کہ حالیہ برسوں میں ہندوستان اور چلی کے درمیان تجارت میں اضافہ ہوا ہے اور بہت سی ہندوستانی کمپنیوں نے چلی میں مختلف شعبوں میں سرمایہ کاری کی ہے ۔ انہوں نے کہا کہ ان شعبوں میں تعاون بڑھانے کے امکانات موجود ہیں ۔

صدر جمہوریہ نے چلی میں ہندوستانی برادری کے اہم تعاون کو سراہا ، جو چلی میں ہندوستانی کھانوں ، یوگا اور آیوروید کو مقبول بنانے میں مدد کر رہے ہیں اور ہمارے لوگوں کے درمیان روابط کو مضبوط کر رہے ہیں ۔

دونوں رہنماؤں نے اس بات پر اتفاق کیا کہ دونوں ممالک کے درمیان مضبوط تعلقات کو آگے بڑھانے کا ایک بہت بڑا موقع ہے ، اور یہ دورہ ہندوستان-چلی تعلقات میں ایک نئے باب کا اضافہ کرے گا ۔

صدرجمہوریہ کی تقریر دیکھنے کے لیے براہ مہربانی یہاں کلک کریں-

*******

(ش  ح۔  ع ح۔ اش  ق)

UR-9307