ಕೇಂದ್ರ ಹಣಕಾಸು ಸಚಿವರಾದ ಶ್ರೀಮತಿ ನಿರ್ಮಲಾ ಸೀತಾರಾಮನ್ ಅವರು ಇಂದು ನವದೆಹಲಿಯಲ್ಲಿ “ನೀತಿ ಎನ್.ಸಿ.ಎ.ಇ.ಆರ್. ರಾಜ್ಯಗಳ ಆರ್ಥಿಕ ವೇದಿಕೆ”ಎಂಬ ಪೋರ್ಟಲ್ ಅನ್ನು ಚಾಲನೆಗೊಳಿಸಿದರು. ಈ ಪೋರ್ಟಲ್ ಅನ್ನು ನೀತಿ ಆಯೋಗವು ರಾಷ್ಟ್ರೀಯ ಅನ್ವಯಿಕ ಆರ್ಥಿಕ ಸಂಶೋಧನಾ ಮಂಡಳಿ (ಎನ್.ಸಿ.ಎ.ಇ.ಆರ್.) ಸಹಯೋಗದೊಂದಿಗೆ ಅಭಿವೃದ್ಧಿಪಡಿಸಲಾಗಿದೆ. ಇದು ಸುಮಾರು 30 ವರ್ಷಗಳ (ಅಂದರೆ 1990-91 ರಿಂದ 2022-23) ಅವಧಿಗೆ ಸಾಮಾಜಿಕ, ಆರ್ಥಿಕ ಮತ್ತು ಹಣಕಾಸಿನ ನಿಯತಾಂಕಗಳು, ಸಂಶೋಧನಾ ವರದಿಗಳು, ಪ್ರಬಂಧಗಳು ಮತ್ತು ರಾಜ್ಯ ಹಣಕಾಸುಗಳ ಕುರಿತು ತಜ್ಞರ ವ್ಯಾಖ್ಯಾನಗಳ ಹೊಂದಿರುವ ಸಮಗ್ರ ಮಾಹಿತಿ ಭಂಡಾರವಾಗಿದೆ.

ತಮ್ಮ ಮುಖ್ಯ ಭಾಷಣದಲ್ಲಿ, ಕೇಂದ್ರ ಹಣಕಾಸು ಸಚಿವರಾದ ಶ್ರೀಮತಿ ನಿರ್ಮಲಾ ಸೀತಾರಾಮನ್ ಅವರು “ನೀತಿ ಎನ್.ಸಿ.ಎ.ಇ.ಆರ್. ರಾಜ್ಯಗಳ ಆರ್ಥಿಕ ವೇದಿಕೆಯು ಅಧಿಕೃತ ದತ್ತಾಂಶದ ಲಭ್ಯತೆಗೆ ಪ್ರಯೋಜನಕಾರಿಯಾಗಿದೆ “ ಎಂದು ಹೇಳಿದರು. ರಾಜ್ಯಗಳು ಹೆಚ್ಚು ಅರ್ಥಪೂರ್ಣ ಮಧ್ಯಸ್ಥಿಕೆಗಳನ್ನು ಮಾಡಲು, ಆದಾಯವನ್ನು ಹೆಚ್ಚಿಸಲು, ಸಾಲಗಳನ್ನು ನಿರ್ವಹಿಸಲು ಮತ್ತು ಗೆಳೆಯರ ಅನುಭವಗಳಿಂದ ಪರಸ್ಪರ ಕಲಿಯಲು ಪೋರ್ಟಲ್ ಸಹಾಯ ಮಾಡುತ್ತದೆ ಎಂದು ಅವರು ತಿಳಿಸಿದರು. ಜನರಿಗೆ ಹೊರೆಯಾಗದಂತೆ ಸಾರ್ವಜನಿಕ ಹಣಕಾಸಿನಲ್ಲಿ ಆದಾಯ ಉತ್ಪಾದನೆಯ ನಡುವಿನ ಸಮತೋಲನದ ಮಹತ್ವವನ್ನು ಅವರು ಹೇಳಿದರು. ಈ ವೇದಿಕೆಯು ಪ್ರಸ್ತುತ ಸಮಕಾಲೀನ ಕಾಲಘಟ್ಟದಲ್ಲಿ ಬಹಳ ಅಗತ್ಯವಿರುವ ಹೆಜ್ಜೆಯಾಗಿದ್ದು, ರಾಜ್ಯಗಳೊಂದಿಗೆ ಹೆಚ್ಚಿನ ಸಂಬಂಧಕ್ಕೆ ಸಹಾಯ ಮಾಡುತ್ತದೆ ಎಂದು ಅವರು ಹೇಳಿದರು.

ರಾಷ್ಟ್ರೀಯ ಅನ್ವಯಿಕ ಆರ್ಥಿಕ ಸಂಶೋಧನಾ ಮಂಡಳಿಯ (ಎನ್.ಸಿ.ಎ.ಇ.ಆರ್.) ಸಂಸ್ಥೆಯ ಮಹಾನಿರ್ದೇಶಕಿ ಡಾ. ಪೂನಂ ಗುಪ್ತಾ ಅವರು ಪೋರ್ಟಲ್ ಕುರಿತು ಪ್ರಸ್ತುತಿ ನೀಡುತ್ತಾ ರಾಜ್ಯಗಳ ಹಣಕಾಸಿನ ಹಾದಿಯ ವೈವಿಧ್ಯಮಯ ಸ್ವರೂಪವನ್ನು ವಿವರಿಸಿದರು. ಎಲ್ಲಾ ರಾಜ್ಯಗಳ ಸಮಗ್ರ ಡೇಟಾವನ್ನು ಹೊಂದಿರುವ ಪೋರ್ಟಲ್ನ ಅಗತ್ಯವನ್ನು ಹಾಗೂ ಇದರಿಂದಾಗಿ ಮಾಹಿತಿಯುಕ್ತ ನೀತಿ ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ ಇತರ ರಾಜ್ಯಗಳ ಸ್ಥಾನವನ್ನು ಅರಿತುಕೊಳ್ಳಲು ಅವಕಾಶವನ್ನು ಒದಗಿಸುತ್ತದೆ ಎಂದು ಅವರು ಒತ್ತಿ ಹೇಳಿದರು. 

ನೀತಿ ಆಯೋಗದ ಸಿಇಒ ಶ್ರೀ ಬಿವಿಆರ್ ಸುಬ್ರಹ್ಮಣ್ಯಂ ಅವರು ತಮ್ಮ ಹೇಳಿಕೆಗಳಲ್ಲಿ, ಈ ವೇದಿಕೆಯು ಸಾರ್ವಜನಿಕ ಜ್ಞಾನಕ್ಕಾಗಿ ಮಾಹಿತಿಯನ್ನು ಒದಗಿಸುವುದಲ್ಲದೆ, ರಾಜ್ಯಗಳಾದ್ಯಂತ ಜಾಗೃತಿ ಮತ್ತು ಆರ್ಥಿಕ ಕಲಿಕೆಯನ್ನು ಸಹ ಸೃಷ್ಟಿಸುತ್ತದೆ ಎಂದು  ಹೇಳಿದರು. ಈ ವೇದಿಕೆಯು ಮಾನವ ಸೇವೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಮತ್ತು ಇಡೀ ರಾಷ್ಟ್ರಕ್ಕೆ ಶಾಶ್ವತ ಆಸ್ತಿಯಾಗಿದೆ ಎಂದು ಅವರು ಅಭಿಪ್ರಾಯಪಟ್ಟರು.

ನೀತಿ ಆಯೋಗದ ಉಪಾಧ್ಯಕ್ಷ ಸುಮನ್ ಕೆ ಬೇರಿ, ನೀತಿ ಎನ್.ಸಿ.ಎ.ಇ.ಆರ್. ರಾಜ್ಯ ಆರ್ಥಿಕ ವೇದಿಕೆಯು ದತ್ತಾಂಶ-ಚಾಲಿತ ಸಂಶೋಧನೆಯಲ್ಲಿ, ವಿಶೇಷವಾಗಿ ಸಾರ್ವಜನಿಕ ಹಣಕಾಸಿನಲ್ಲಿ ಪ್ರಮುಖ ಹೆಜ್ಜೆಯಾಗಿದೆ ಎಂದು ತಿಳಿಸಿದರು.

*****