حکومت ہند نے ہندوستانی منڈیوں میں غیر معیاری اشیاء کی درآمد کو روکنے کے لیے مختلف اقدامات نافذ کیے ہیں۔ گھریلو صنعت کو سستی درآمدات کے منفی اثرات سے بچانے کے لیے، ڈائریکٹوریٹ جنرل آف ٹریڈ ریمیڈیز  جو محکمہ تجارت کا ایک منسلک دفتر ہے، کسٹمز ٹیرف ایکٹ 1975 اور اس کے تحت بنائے گئے قوانین کے تحت مختلف تحقیقات (اینٹی ڈمپنگ،سیف گارڈ (مقداراتی پابندیاں)کاؤنٹر ویلنگ) کرتا ہے۔ ڈی جی ٹی آر کی اتھارٹی گھریلو صنعت کی طرف سے دائر درخواستوں کا جائزہ لیتی ہے اور کسٹم ٹیرف ایکٹ 1975 کی دفعات کے مطابق درآمد کنندگان، برآمد کنندگان اور دیگر دلچسپی رکھنے والی جماعتوں سے موصول ہونے والے جوابات کا جائزہ لیتی ہے۔

موجودہ مالی سال  میں 2024-2025 (فروری، 2025 تک)، آئی پی آر، بی آئی ایس اور ایف ایس ایس اے آئی کے اصولوں کی خلاف ورزی کرنے والے غیر معیاری سامان کی درآمد کے خلاف کل 206 کیسز، جن کی مالیت 206.62 کروڑ روپے ہے، کسٹمز ایکٹ، 1962 کے تحت ڈائریکٹوریٹ آف ریونیو انٹیلی جنس اور کسٹمز فیلڈ فارمیشنز نے درج کیے ہیں۔

سی بی آئی سی کے تحت ڈائریکٹوریٹ آف ریونیو انٹیلی جنس اور کسٹمز فیلڈ فارمیشنز ہندوستان میں غیر معیاری اشیاء کی درآمد کو روکنے کے لیے مسلسل چوکسی رکھتی ہیں۔ ایسے کیسز کی نشاندہی پر کسٹمز ایکٹ 1962 اور دیگر الائیڈ ایکٹ کے مطابق کارروائی کی جاتی ہے۔ مزید، انڈین کسٹمز رسک مینجمنٹ سسٹم (آر ایم ایس ) متعلقہ ریگولیٹری ایجنسی کے انتخابی معیار کی بنیاد پر خطرے پر مبنی انتخابی امتحان اور جانچ کی پالیسیوں کو نافذ کرتا ہے، اس طرح غیر معیاری اشیاء کی درآمد کی کوششوں کو ناکام بناتا ہے۔

مزید برآں، فوڈ سیفٹی اینڈ اسٹینڈرڈز ایکٹ، 2006 اور فوڈ سیفٹی اینڈ سٹینڈرڈز (درآمد) ریگولیشنز، 2017 کا سیکشن 25 ملک میں غذائی اشیاء کی درآمد کو منظم کرتا ہے۔ ایف ایس ایس اے آئی کی طرف سے جاری کردہ کلیئرنس یا نو آبجیکشن سرٹیفکیٹ (این او سی) دستاویزات کی جانچ پڑتال، بصری معائنہ، نمونے لینے اور جانچ سے مشروط ہے تاکہ یہ تعین کیا جا سکے کہ آیا وہ حفاظت اور معیار کے معیار کے مطابق ہیں یا نہیں۔

مندرجہ بالا کے علاوہ، اپنے گھریلو پروڈیوسروں اور صارفین کے تحفظ کے لیے، ہندوستان کے پاس اپنے لوگوں، پودوں اور جانوروں کے ماحول، زندگی اور صحت کے تحفظ کے لیے ایک وسیع اور مضبوط قانونی ڈھانچہ اور ادارہ جاتی ترتیب ہے۔ غیر ملکی تجارت 2 پالیسی کے تحت ہندوستانی صارفین اور پروڈیوسروں کے تحفظ کے لیے مناسب دفعات موجود ہیں کیونکہ درآمد شدہ سامان ملکی قوانین، قواعد، احکامات، ضوابط، تکنیکی وضاحتیں، ماحولیاتی اور حفاظتی اصولوں کے تابع ہیں۔ گھریلو سامان پر لاگو ہونے والے بی آئی ایس معیارات درآمدی سامان پر بھی لاگو ہوتے ہیں۔ اس کے علاوہ، پودوں اور پودوں پر مبنی مصنوعات کی درآمدات پلانٹ قرنطینہ کے اقدامات اور سینیٹری اور فائٹو سینیٹری اقدامات کے ساتھ مشروط ہیں، جانوروں اور جانوروں پر مبنی مصنوعات کی درآمدات سینیٹری درآمدی اجازت نامے کے ساتھ مشروط ہیں اور کھانے پینے کی اشیاء کی درآمدات ایف ای سایس اے ایل معیارات کے تابع ہیں۔

یہ معلومات کامرس اور صنعت کی وزارت کے وزیر مملکت جناب جتن پرساد نے آج لوک سبھا میں ایک تحریری جواب میں دی۔

****

ش ح ۔ ال ۔ج