اسٹیل اور بھاری صنعتوں کے وزیر مملکت جناب بھوپتی راجو سری نواس ورما نے آج لوک سبھا میں ایک تحریری جواب میں بتایا کہ  ایف اے ایم ای-II اسکیم کے تحت الیکٹرک وہیکل پبلک چارجنگ اسٹیشن (ای وی پی سی ایس) کے قیام کے لیے 839 کروڑ روپے مختص کیے گئے تھے ۔ شہری اور دیہی علاقوں سمیت پورے ملک میں ای وی پی سی ایس کے قیام کے لیے پی ایم ای-ڈرائیو اسکیم کے تحت 2,000 کروڑ روپے مختص کیے گئے ہیں۔

بجلی کی وزارت نے 17 ستمبر2024 کو ’’الیکٹرک وہیکل چارجنگ انفراسٹرکچر-2024 کی تنصیب اور آپریشن کے لیے رہنما خطوط‘‘ جاری کیے ہیں ۔ یہ رہنما خطوط ای وی چارجنگ کے بنیادی ڈھانچے کو بڑھانے میں سرکاری-نجی شراکت داری کے کردار پر زور دیتے ہیں ۔ ای وی چارجنگ اسٹیشن کے قیام کو لائسنس  کے بغیر  سرگرمی کے طور پر نامزد کیا گیا ہے ، جس سے کاروبار کے لیے عمل آسان ہو گیا ہے ۔

حکومت درج ذیل طریقے سے الیکٹرک گاڑیوں سے متعلق تحقیق و ترقی (آر اینڈ ڈی) کو فروغ دے رہی ہے: -

1. انجینئرنگ آر اینڈ ڈی اور پروڈکٹ ڈیزائن اور ڈیولپمنٹ پر ہونے والے اخراجات کو پی ایل آئی اے سی سی اسکیم کے تحت اہل سرمایہ کاری کے حصے کے طور پر غور کرنے کی اجازت ہے ۔
2. ایم ایچ آئی کی کیپٹل گڈز اسکیم کے تحت ، ای وی سے متعلق آر اینڈ ڈی پروجیکٹوں کی لاگت کا 80 فیصد تک تعاون کیا جاتا ہے ۔ یہ پروجیکٹ آئی آئی ٹی، آئی آئی ایس سی  وغیرہ جیسے سرکردہ تعلیمی اداروں میں رکھے گئے ہیں ۔ باقی 20 فیصد صنعت کے شراکت داروں کی طرف سے برداشت کیا جاتا ہے۔

۔۔۔۔۔۔۔۔۔۔۔

ش ح۔ا ع خ ۔ ن م۔

U- 9260

(Release ID: 2117355) Visitor Counter : 12