ٹیکسٹائل کے وزیر مملکت جناب پبترا مارگریٹا نے راجیہ سبھا میں آج ایک سوال کے تحریری جواب میں بتایا کہ حکومت سنٹرل سلک بورڈ کے ذریعے ملک بھر میں سیری کلچر صنعت  کی مجموعی ترقی کے لیے 4,679.85 کروڑ روپے کے اخراجات کے ساتھ سلک سمگر-2 اسکیم نافذ کر رہی ہے  جس میں خواتین مستفیدین کی تقریباً 55سے60فیصد شرکت شامل ہے ۔

سلک سمگر ، سلک سمگر-2 اور نارتھ ایسٹ ریجن ٹیکسٹائل پروموشن اسکیم(این ای آر ٹی پی ایس) جیسی مرکزی اسکیمیں نافذ کی گئی ہیں جس میں خواتین سمیت سیری کلچر کے اسٹیک ہولڈرز کےمستفیدین پر مرکوز اجزاء کے لیے ریاستوں کے ذریعے توسیع شدہ امداد ، تربیت اور مدد فراہم کی جاتی ہے ۔

ٹیکسٹائل کی وزارت نے ریشم سمیت ٹیکسٹائل کے مختلف شعبوں میں تربیت کے ذریعے ہنر مندی اور اپ اسکلنگ کے لیے سمرتھ اسکیم نافذ کی ہے ۔ 22-2021 سے ، سمرتھ اسکیم کے تحت خواتین سمیت 7,985 مستفیدین کو ریشم کے شعبے میں تربیت دی گئی ہے ۔

حکومت مارکیٹنگ سہولیات  اوربنیادی ڈھانچے کی تخلیق کے لیے اپنی مرکزی اسکیموں کے تحت ریاستوں کی مدد کر رہی ہے ۔ اس کے علاوہ ، تمام ٹیکسٹائل اسٹیک ہولڈرز کو وسیع تر نمائش دینے کے لیے ، میلوں ، نمائشوں اور ایکسپو کی شکل میں کئی مارکیٹنگ ایونٹس کا انعقاد سی ایس بی ، نیشنل ہینڈلوم ڈیولپمنٹ پروگرام (این ایچ ڈی پی) ٹیکسٹائل کی ایکسپورٹ پروموشن کونسلوں (ای پی سی) سمیت انڈین سلک ایکسپورٹ پروموشن کونسل ، ٹیکسٹائل کی وزارت کے تعاون سے کیا جاتا ہے ۔

*******

 (ش  ح۔  ع ح۔ اش  ق)

UR-9232