ٹیکسٹائل کے وزیر مملکت شری پایترا مارگریٹا نے آج راجیہ سبھا میں ایک سوال کے تحریری جواب میں بتایا کہ حکومت پورے ہندوستان میں ملک گیر سطح پر ٹیکسٹائل کے لیے پروڈکشن لنکڈ انسینٹو (پی ایل آئی) اسکیم نافذ کر رہی ہے ۔ پی ایل آئی اسکیم کا مقصد ایم ایم ایف ملبوسات ، ایم ایم ایف کپڑوں اور تکنیکی ٹیکسٹائل کی مصنوعات کی پیداوار کو فروغ دینا ہے تاکہ دائرے اور پیمانے کو حاصل  کر کے اسے مسابقتی بنایا جا سکے ۔ وزارت کے بجٹ کاتخمینہ26-2025 کے مطابق  بجٹ کا تقریباً 22؍فیصد حصہ ٹیکسٹائل کے لیے پی ایل آئی اسکیم کے لیے وقف ہے ۔ اسکیم کے تحت منتخب کیے گئے 74 درخواست دہندگان میں سے 24 ایم ایس ایم ای ہیں ۔ اسکیم کی مدت کے لیے برآمدات  کوشامل کرنے کا کاروباری تخمینہ 2,16,760 کروڑ روپے  لگایا گیا ہے ۔

اس کے علاوہ حکومت ملبوسات/گارمنٹس اور میڈ اپس (تیاری)کے لیے ریاستی اور مرکزی ٹیکسز اور لیویز پر رعایت(آر او ایس سی ٹی ایل) اسکیم کو نافذ کر رہی ہے تاکہ‘ زیرو ریٹڈ’ ایکسپورٹس کے اصول کو اپناتے ہوئے مسابقتی صلاحیت کو بڑھایا جا سکے۔  اس کے علاوہ وہ ٹیکسٹائل مصنوعات جوآر او ایس سی ٹی ایل اسکیم کے تحت شامل نہیں ہیں،اسے دوسرے مصنوعات کے ساتھ ساتھ  برآمد شدہ مصنوعات پر ڈیوٹیز اور محصول کی معافی(آر او ڈی ٹی ای پی) اسکیم کے تحت  شامل کیاگیا ہے۔

اس کے علاوہ حکومت مختلف ایکسپورٹ پروموشن کونسلز اور تجارتی اداروں کو مارکیٹ ایکسیس انیشی ایٹو اسکیم(بازار تک رسائی کے لیے ترغیبی اسکیم) کے تحت مالی امداد فراہم کرتی ہے جو وزارتِ تجارت کے ذریعے نافذ کی جاتی ہے۔ اس اسکیم کا مقصد قومی اور بین الاقوامی سطح پر تجارتی میلوں، نمائشوں، خریدوفروخت کنندہگان کی ملاقاتوں وغیرہ کے انعقاد اور شرکت میں معاونت فراہم کرنا ہے۔

*********

ش ح۔ م ع ن- اک م

Urdu No. 9230

(Release ID: 2117167) Visitor Counter : 12