آندھرا پردیش کے وزیر صحت وائی ستیہ کمار نے قومی راجدھانی میں مرکزی وزیر ڈاکٹر جتیندر سنگھ سے ملاقات کی اور بایو ٹکنالوجی کے شعبے میں زیادہ تعاون کی خواہش کا اظہار کیا ۔

اپنی بات چیت کے دوران، دونوں رہنماؤں نے ریاست میں بایو ٹیکنالوجی سے متعلقہ پروجیکٹوں کو فروغ دینے اور مرکزی تعاون کے ساتھ جاری اقدامات کو بڑھانے کے طریقوں پر تبادلہ خیال کیا ۔

مسلسل مدد کے لیے مودی حکومت سے اظہار تشکر کرتے ہوئے، ستیہ کمار نے صحت کی دیکھ بھال کی ترقی اور صنعتی ایپلی کیشن کے لیے بایو ٹیکنالوجی سے فائدہ اٹھانے کے لیے آندھرا پردیش کے عزم کا اعادہ کیا۔ انہوں نے ریاست میں جدید اختراعات لانے کے لیے تعاون بڑھانے کی ضرورت پر زور دیا۔

ڈاکٹر جتیندر سنگھ نے مرکز کی طرف سے مکمل تعاون کا یقین دلایا، اس بات کی تصدیق کرتے ہوئے کہ بایو ٹیکنالوجی موجودہ حکومت کے تحت ایک ترجیحی شعبہ ہے۔ انہوں نے صحت کی دیکھ بھال، دواسازی، اور پائیدار اسٹارٹ اپ جیسے شعبوں میں بایو ٹیکنالوجی کی تبدیلی کی صلاحیت پر زور دیا، یہ نوٹ کرتے ہوئے کہ آندھرا پردیش اس طرح کی ترقی کو آگے بڑھانے میں اہم رول ادا کرسکتا ہے۔

ڈاکٹر جتیندر سنگھ نےبتایا کہ، گزشتہ سالوں کے دوران، آندھرا پردیش ہندوستان کے بایو ٹیکنالوجی کے شعبے میں، بایو فارماسیوٹیکل ریسرچ، میرین بایوٹیکنالوجی، اور زرعی بایوٹیک حل جیسے شعبوں میں ایک کلیدی کھلاڑی کے طور پر ابھرا ہے۔ ریاست کئی بایوٹیک انکیوبیٹر اور تحقیقی اداروں کی میزبانی کرتی ہے جو اختراعات اور کاروبار کو فروغ دینے میں اہم کردار ادا کر رہے ہیں۔

وزیر موصوف نے کہا کہ بایوٹیکنالوجی انڈسٹری ریسرچ اسسٹنس کونسل (بی آئی آر اے سی) کی فنڈنگ ​​اور قومی بایوٹیک مشن جیسے اقدامات کے ساتھ آندھرا پردیش نے بایوٹیک اسٹارٹ اپ اور انڈسٹری پارٹنرشپ میں نمایاں ترقی دیکھی ہے۔ انہوں نے مزید کہا کہ تعاون کے لیے نئے سرے سے زور کا مقصد ریاست کو ہندوستان کے وسیع تر بایو ٹیکنالوجی روڈ میپ میں مزید ضم کرنا ہے۔

یہ میٹنگ ایک ایسے وقت میں ہوئی ہے جب ہندوستان بایو ٹکنالوجی میں خود انحصاری پر زور دے رہا ہے اور تحقیق اور اختراع میں اپنے عالمی نقش کو بڑھا رہا ہے۔ آندھرا پردیش اپنے بایو ٹیک ایکو سسٹم کو مضبوط کرنے کی کوشش کر رہا ہے، یہ بات چیت اس اعلی ترقی کے شعبے میں ریاستی مرکز کے تعاون کے لیے ایک نئی تحریک کا اشارہ دیتی ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض۔ ن  ا  (

9218

 

(Release ID: 2117058) Visitor Counter : 22