Ha ka jingpynkhreh kaba stet hadien ka jingkhynñiuh jumai kaba la jia ha Myanmar ha ka 28 tarik Lber 2025, ki shipai India, hapoh ka ‘Operation Brahma’, ki la phah ïa ka kynhun treikam ba kyrpang jong ka koit ka khiah ban ai jingïarap kyrkieh ïa ki briew.

Ka kynhun kaba don 118 ngut na ki dkhot ba pawkhmat jong ka Shatrujeet Brigade Medical Responders, ba la ïalam da u Lieutenant Colonel Jagneet Gill, kan sa leit noh shen sha Myanmar ryngkat bad ki tiar bad ki jingdonkam ba kongsan na ka bynta ka jingai jingsumar. Ka Airborne Angels Task Force ka dei kaba la pyntbit bad pynbiang ban pynpoi ïa ki jingsumar ba kham bniah bad ki jingsumar ha ki jaka ba shah ktah ha ki jingjia ba sngewsih.

Kum shi bynta jong ka kam, ki shipai India kin thaw ia ka Medical Treatment Centre kaba don 60 tylli ki jingthiah ban ai jingsumar mardor ia kito kiba mynsaw ha katei ka jingjia. Ka jaka sumar kan lah ban peit ia kiba mynsaw, kan ai ki jingsumar kyrkieh, bad ki jingshakri ba kongsan ha ka liang ka koit ka khiah ban kyrshan ia ka tnad ka koit ka khiah kaba don ha katei ka jaka, kaba la shah ktah jur ha ka jingjulor.

Kane ka jingiarap ia ki briew ka pynpaw ia ka jingshimkhia jong ka India ia ka polisi ‘Ki para marjan nyngkong’ bad ka jingngeit tynrai jong ka India ha ka ‘Vasudhaiva Kutumbakam’ – ka pyrthei ka long kawei ka longïing. Ka kynhun shipai India ka dang ïai bteng ban ïeng ryngkat bad ki ri kiba ïajan ha ki por ba don jingeh, kaba pynpaw ïa ka jingkut jingmut jong ka India ban long ka nongïarap ba nyngkong eh ha ka thaiñ.

Ia kane ka jingpynpoi ia ki shipai la peit bniah da ka tnad kam bar ri bad ha ka

jingiatreilang bad ki bor synshar ha Myanmar.

_____________________________________________________________