"மேக் இன் இந்தியா" முயற்சி தொடங்கப்பட்டதிலிருந்து இந்தியாவின் பாதுகாப்பு உற்பத்தி அசாதாரண வேகத்தில் வளர்ந்து, 2023-24 நிதியாண்டில் ரூ 1.27 லட்சம் கோடியை எட்டி சாதனை படைத்துள்ளது. ஒரு காலத்தில் வெளிநாட்டு விநியோகஸ்தர்களை நம்பியிருந்த நாடு, இப்போது உள்நாட்டு உற்பத்தியில் வளர்ந்து வரும் சக்தியாக நிற்கிறது, உள்நாட்டு திறன்கள் மூலம் அதன் ராணுவ வலிமையை வடிவமைக்கிறது. இந்த மாற்றம் தற்சார்புக்கான வலுவான உறுதிப்பாட்டைப் பிரதிபலிக்கிறது, இந்தியா அதன் பாதுகாப்புத் தேவைகளைப் பூர்த்தி செய்வது மட்டுமல்லாமல், பொருளாதார வளர்ச்சிக்கு பங்களிக்கும் ஒரு வலுவான பாதுகாப்புத் தொழில்துறையை உருவாக்குவதையும் உறுதி செய்கிறது.

உத்திசார்ந்த கொள்கைகள் இந்த வேகத்தை ஊக்குவித்துள்ளன, தனியார் பங்கேற்பு, தொழில்நுட்ப கண்டுபிடிப்பு மற்றும் மேம்பட்ட ராணுவ தளங்களின் வளர்ச்சியை ஊக்குவிக்கின்றன. பாதுகாப்பு பட்ஜெட், 2013-14ல் ரூ .2.53 லட்சம் கோடியிலிருந்து 2025-26 ல் ரூ .6.81 லட்சம் கோடியாக உயர்ந்துள்ளது, அதன் ராணுவ உள்கட்டமைப்பை வலுப்படுத்துவதற்கான தேசத்தின் உறுதிப்பாட்டை இது வலுப்படுத்துகிறது.

நவீன போர்க்கப்பல்கள், போர் விமானங்கள், பீரங்கி அமைப்புகள் மற்றும் அதிநவீன ஆயுதங்கள் நாட்டிற்குள் கட்டமைக்கப்படுவதால், உலகளாவிய பாதுகாப்பு உற்பத்தி நிலப்பரப்பில் இந்தியா இப்போது ஒரு முக்கிய இடத்தைப் பிடித்துள்ளது. மேக் இன்இந்தியா திட்டத்தின் வெற்றி தேசிய பாதுகாப்பை வலுப்படுத்தியது மட்டுமல்லாமல், பாதுகாப்பு உபகரணங்களின் நம்பகமான ஏற்றுமதியாளராக இந்தியாவை நிலைநிறுத்தியுள்ளது. இந்த வளர்ந்து வரும் திறன், மேம்பட்ட ராணுவ தொழில்நுட்பத்தின் எதிர்காலத்தை வடிவமைக்கும் அதே வேளையில், தற்சார்பை அடைவதற்கான இந்தியாவின் பார்வையைப் பிரதிபலிக்கிறது.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://pib.gov.in/PressReleasePage.aspx?PRID=2116612 .

***

PKV/KV