റോഡ് ഗതാഗത, ഹൈവേ മന്ത്രാലയം
ബിഹാറിൽ ഹൈബ്രിഡ് ആന്വിറ്റി മോഡിൽ (HAM) നാലുവരി ഗ്രീൻഫീൽഡും ബ്രൗൺഫീൽഡ് പട്ന-ആര-സാസാറാം ഇടനാഴിയും (NH-119A) (120.10 കിലോമീറ്റർ) നിർമിക്കുന്നതിനു കേന്ദ്രമന്ത്രിസഭാംഗീകാരം
Posted On:
28 MAR 2025 4:18PM by PIB Thiruvananthpuram
ബിഹാറിൽ ഹൈബ്രിഡ് ആന്വിറ്റി മോഡിൽ (HAM) നാലുവരി ഗ്രീൻഫീൽഡും ബ്രൗൺഫീൽഡ് പട്ന-ആര-സാസാറാം ഇടനാഴിയും (NH-119A) (120.10 കിലോമീറ്റർ) നിർമിക്കുന്നതിനു പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ചേർന്ന സാമ്പത്തികകാര്യ മന്ത്രിസഭാ സമിതി (CCEA) അംഗീകാരം നൽകി. 3,712.40 കോടി രൂപയുടെ മൊത്തം മൂലധന ചെലവിൽ ഈ പദ്ധതി ഹൈബ്രിഡ് ആന്വിറ്റി മോഡിൽ (HAM) വികസിപ്പിക്കും.
നിലവിൽ സാസാറാം, ആര, പട്ന എന്നിവ തമ്മിലുള്ള ബന്ധം നിലവിലുള്ള സംസ്ഥാന പാതകളെ (SH-2, SH-12, SH-81, SH-102) ആശ്രയിച്ചാണുള്ളത്. കൂടാതെ ആര പട്ടണത്തിൽ ഉൾപ്പെടെയുള്ള കനത്ത തിരക്ക് കാരണം യാത്രയ്ക്ക് 3-4 മണിക്കൂർ എടുക്കും. ആര, ഗ്രഹിനി, പിറോ, ബിക്രംഗഞ്ജ് മോകർ, സാസാറാം തുടങ്ങിയ സ്ഥലങ്ങളിലെ ജനസാന്ദ്രതയുള്ള പ്രദേശങ്ങളുടെ ആവശ്യങ്ങൾ നിറവേറ്റുന്നതിനായി, വർദ്ധിച്ചുവരുന്ന തിരക്ക് കുറയ്ക്കുന്നതിനു ഗ്രീൻഫീൽഡ് ഇടനാഴി വികസിപ്പിക്കും. നിലവിലുള്ള ബ്രൗൺഫീൽഡ് ഹൈവേയുടെ 10.6 കിലോമീറ്റർ നവീകരണവും നടത്തും.
NH-19, NH-319, NH-922, NH-131G, NH-120 എന്നിവയുൾപ്പെടെയുള്ള പ്രധാന ഗതാഗത ഇടനാഴികളുമായി പദ്ധതി സംയോജിപ്പിക്കും. ഇത് ഔറംഗാബാദ്, കൈമൂർ, പട്ന എന്നിവിടങ്ങളിലേക്ക് തടസ്സമില്ലാത്ത സമ്പർക്കസൗകര്യം നൽകുന്നു. കൂടാതെ, ഈ പദ്ധതി രണ്ട് വിമാനത്താവളങ്ങൾ (പട്നയിലെ ജയ് പ്രകാശ് നാരായൺ അന്താരാഷ്ട്ര വിമാനത്താവളം, വരാനിരിക്കുന്ന ബിഹിത വിമാനത്താവളം), 4 പ്രധാന റെയിൽവേ സ്റ്റേഷനുകൾ (സാസാറാം, ആരാ, ദാനാപുർ, പട്ന), ഒരു ഉൾനാടൻ ജല ടെർമിനൽ (പട്ന) എന്നിവയിലേക്ക് സമ്പർക്കസൗകര്യമൊരുക്കുകയും പട്ന റിങ് റോഡിലേക്കു നേരിട്ടുള്ള പ്രവേശനം വർദ്ധിപ്പിക്കുകയും ചെയ്യും. ഇത് ചരക്കുകളുടെയും യാത്രക്കാരുടെയും വേഗത്തിലുള്ള നീക്കം സാധ്യമാക്കും.
നിർമാണം പൂർത്തിയാകുന്നതോടെ, പട്ന-ആര-സാസാരാം ഇടനാഴി പ്രാദേശിക സാമ്പത്തിക വളർച്ചയിൽ നിർണായക പങ്ക് വഹിക്കും. ലഖ്‌നൗ, പട്ന, റാഞ്ചി, വാരാണസി എന്നിവ തമ്മിലുള്ള ബന്ധം മെച്ചപ്പെടുത്തും. ഈ പദ്ധതി ഗവണ്മെന്റിന്റെ ‘ആത്മനിർഭർ ഭാരത്’ കാഴ്ചപ്പാടുമായി പൊരുത്തപ്പെടുന്നതാണ്. ഇത് അടിസ്ഥാനസൗകര്യങ്ങൾ മെച്ചപ്പെടുത്തുന്നതിനൊപ്പം തൊഴിൽ സൃഷ്ടിക്കുകയും ബിഹാറിൽ സാമൂഹിക-സാമ്പത്തിക വികസനംത്വരിതപ്പെടുത്തുകയും ചെയ്യും. ഈ പദ്ധതി 48 ലക്ഷം തൊഴിൽ ദിനങ്ങൾ സൃഷ്ടിക്കുകയും പട്‌നയിലും പരിസരത്തും വികസ്വര പ്രദേശങ്ങളിൽ വളർച്ചയുടെയും വികസനത്തിന്റെയും സമൃദ്ധിയുടെയും പുതിയ പാത വെട്ടിത്തെളിക്കുകയും ചെയ്യും.
ഇടനാഴിയുടെ ഭൂപടം
പദ്ധതി വിശദാംശങ്ങൾ:
|
സവിശേഷതകൾ
|
വിശദാംശങ്ങൾ
|
|
പദ്ധതി പേര്
|
4-വരി ഗ്രീൻഫീൽഡ് & ബ്രൗൺഫീൽഡ് പട്ന-ആര-സാസാരം ഇടനാഴി
|
|
ഇടനാഴി
|
പട്ന-ആര-സാസാരം (NH-119A)
|
|
ദൈർഘ്യം (km)
|
120.10
|
|
മൊത്തം പൊതു ചെലവ് (കോടി രൂപയിൽ)
|
2,989.08
|
|
ഭൂമി ഏറ്റെടുക്കൽ ചെലവ് (കോടി രൂപയിൽ)
|
718.97
|
|
ആകെ മൂലധന ചെലവ് (കോടി രൂപയിൽ)
|
3,712.40
|
|
മോഡ്
|
ഹൈബ്രിഡ് ആന്വിറ്റി മോഡ് (HAM)
|
|
ബന്ധപ്പെട്ട സുപ്രധാന റോഡുകൾ
|
ദേശീയ പാതകൾ - NH-19, NH-319, NH-922, NH-131G, NH-120
സംസ്ഥാന പാതകൾ - SH-2, SH-81, SH-12, SH-102
|
|
ബന്ധപ്പെട്ട സാമ്പത്തിക / സാമൂഹ്യ / ഗതാതഗ നോഡുകൾ
|
വിമാനത്താവളങ്ങൾ: ജയ് പ്രകാശ് നാരായൺ അന്താരാഷ്ട്ര വിമാനത്താവളം (പട്ന), ബിഹിത വിമാനത്താവളം (വരാനിരിക്കുന്നത്)
റെയിൽവേ സ്റ്റേഷനുകൾ: സാസാറാം, ആര, ദാനാപുർ, പട്ന
ഉൾനാടൻ ജല ടെർമിനൽ: പട്ന
|
|
ബന്ധപ്പെട്ട പ്രധാന നഗരങ്ങൾ / പട്ടണങ്ങൾ
|
പട്ന, സാസാറാം, ആര
|
|
തൊഴിലവസരങ്ങൾ സൃഷ്ടിക്കാനുള്ള സാധ്യത
|
22 ലക്ഷം തൊഴിൽദിനങ്ങൾ (നേരിട്ട്) & 26 ലക്ഷം തൊഴിൽദിനങ്ങൾ (പരോക്ഷമായി)
|
|
FY-25 ലെ വാർഷിക ശരാശരി ദൈനംദിന ട്രാഫിക് (AADT)
|
17,000-20,000 യാത്രാ കാർ യൂണിറ്റുകൾ (PCU) കണക്കാക്കപ്പെടുന്നു.
|
-NK-
(Release ID: 2116338)
Visitor Counter : 26