مواصلات اور دیہی ترقی کے وزیر مملکت ڈاکٹر پیماسانی چندرشیکھر نے آج راجیہ سبھا میں ایک تحریری جواب میں بتایا کہ حکومت ہند کے ٹیلی کام آر اینڈ ڈی مرکز، سینٹر فار ڈیولپمنٹ آف ٹیلی میٹکس (سی-ڈاٹ) نے گوہاٹی یونیورسٹی میں ایک مقامی 5 جی لیب قائم کی ہے جو اساتذہ اور طلباء کو اینڈ ٹو اینڈ 5 جی سسٹم میں عملی بصیرت حاصل کرنے، 5 جی ٹیکنالوجی، سسٹم کی صلاحیتوں کی گہری تفہیم کو فروغ دینے کے ساتھ ساتھ نئے 5 جی استعمال کے معاملات اور ایپلی کیشنز کا جائزہ لینے اور 6 جی ٹیکنالوجیز کے لیے جدید تحقیق اور تفصیلات کی ترقی کی بنیاد فراہم کرنے کے قابل بناتی ہے ۔

حکومت نے ملک میں سیمی کنڈکٹر اور ڈسپلے مینوفیکچرنگ ایکو سسٹم کی ترقی کے لیے 76,000 کروڑ روپے کے مجموعی اخراجات کے ساتھ سیمیکون انڈیا پروگرام کو منظوری دی ہے۔ حکومت نے  27, 120 کروڑ روپے اور روزانہ 48 ملین یونٹس کی پیداواری صلاحیت کے ساتھ ٹاٹا الیکٹرانکس پرائیویٹ لمیٹڈ (ٹی ای پی ایل) کی آسام کے موریگاؤں میں آؤٹ سورس سیمی کنڈکٹر اسمبلی اینڈ ٹیسٹ (او ایس اے ٹی) سہولت کے قیام کی تجویز کو منظوری دے دی ہے۔

حکومت نے دیہی آسام میں ڈیجیٹل فرق کو ختم کرنے کے لیے درج ذیل اقدامات کیے ہیں:

• بھارت نیٹ پروجیکٹ آسام سمیت ملک میں مانگ کی بنیاد پر تمام گرام پنچایتوں (جی پی) اور جی پیز سے باہر کے دیہاتوں کو براڈ بینڈ کنیکٹیویٹی فراہم کرنے کے لیے مرحلہ وار طریقے سے نافذ کیا جا رہا ہے۔ سمردھ گرام پنچایت پائلٹ پروجیکٹ کے تحت، ترمیم شدہ بھارت نیٹ پروگرام کے مطابق، آسام سمیت ملک کے ہر بلاک کے شناخت شدہ ایک جی پی میں سرکاری اداروں، نجی کاروباری اداروں/کاروباریوں اور گھرانوں کو فائبر ٹو دی ہوم (ایف ٹی ٹی ایچ) کنکشن فراہم کرنے کے لیے ہدف شدہ طریقۂ کار اپنایا گیا ہے۔
• گوہاٹی یونیورسٹی میں 5 جی یوز کیس لیب کے علاوہ، حکومت نے آئی آئی ٹی گوہاٹی اور این آئی ٹی سلچر میں 5 جی یوز کیس لیب بھی قائم کی ہے تاکہ طلباء ، اسٹارٹ اپس اور ایم ایس ایم ایز کو 5 جی پر مبنی یوز کیس ایپلی کیشنز اور حل کی جانچ اور ترقی میں مدد فراہم کی جا سکے۔

محکمہ ٹیلی مواصلات نے آسام کی ڈیجیٹل تبدیلی کو تیز کرنے اور اسے ٹیکنالوجی کے مرکز کے طور پر قائم کرنے کے لیے سرکاری نجی شراکت داری (پی پی پی) کو فروغ دینے کے لیے آئی آئی ٹی گوہاٹی کو درج ذیل تحقیق و ترقی کے پروجیکٹ کے لیے مالی اعانت بھی فراہم کی ہے ۔

1. پہننے کے قابل آئی او ٹی فعال آلات 5 جی دور سے آگے بیماری سے پہلے کی حالت کی نگرانی اور وبائی نگرانی کے لیے
2. 6 جی ایپلی کیشنز کے لیے ٹیرا ہرٹز ٹوپولوجیکل فوٹوونک غیر فعال آلات کی ترقی

• iii. اینکرپٹڈ ڈیٹا پر ہومومورفک کمپیوٹیشن انجام دینے کے لیے ہارڈ ویئر اور سافٹ ویئر پر مبنی پوسٹ کوانٹم محفوظ پلیٹ فارم تیار کرنا ۔
• iv. 6 جی: دیگر اداروں کے اشتراک سے آربیٹل اینگولر مومنٹم اور ملٹی پلیکسنگ کے ساتھ ٹی ایچ زیڈ ٹیسٹ بیڈ

*******

(ش ح ۔ک ح۔م الف(

U. No. 9106