ভাৰত চৰকাৰৰ টেলিকম আৰু গৱেষণা তথা উন্নয়ন কেন্দ্ৰ আৰু চেণ্টাৰ  ফৰ ডেভেলপমেণ্ট অৱ টেলিমেটিক্স(চি-ডট)য়ে গুৱাহাটী বিশ্ববিদ্যালয়ত এটা দেশীয় ৫জি লেব স্থাপন কৰিছে,  যিয়ে অধ্যাপক আৰু ছাত্ৰ-ছাত্ৰীসকলক  বিস্তৃতভাবে ৫জি ব্যৱস্থাৰ ব্যৱহাৰিক অন্তৰ্দৃষ্টি লাভ কৰাত সক্ষম কৰিব, ৫জি প্ৰযুক্তিক  গভীৰভাবে বুজি উঠি ইয়াক  বিকশিত কৰাৰ লগতে নতুন ৫জি ব্যৱহাৰৰ ক্ষেত্ৰ তথা  প্ৰায়োগিক দিশসমূহৰ  অন্বেষণ কৰাত সহায় কৰিব।  এই লেবে ৬জি প্ৰযুক্তিৰ বাবেও উন্নত গৱেষণা আৰু  বিকাশৰ ভেটি স্থাপন কৰিব।

 

দেশত অৰ্ধপৰিবাহী আৰু ডিছপ্লে উৎপাদনৰ পৰিৱেশ তন্ত্ৰৰ বিকাশৰ বাবে মুঠ ৭৬ হাজাৰ কোটি টকা ব্যয়ৰে ছেমিকন ইণ্ডিয়া কাৰ্যসূচীত চৰকাৰে অনুমোদন জনাইছে। চৰকাৰে টাটা ইলেক্ট্ৰনিকছ প্ৰাইভেট লিমিটেডে অসমৰ মৰিগাঁৱত আউটচ’ৰ্চড ছেমিকণ্ডাক্টৰ এছেম্বলি এণ্ড টেষ্ট (অ’এছএটি) সুবিধা স্থাপনৰ প্ৰস্তাৱত অনুমোদন জনাইছে। এই প্ৰকল্পত বিনিয়োগৰ পৰিমাণ হৈছে ২৭,১২০ কোটি টকা আৰু উৎপাদন ক্ষমতা প্ৰতিদিনে ৪.৮ কোটি ইউনিট।

 

      অসমৰ গ্ৰাম্যাঞ্চলত ডিজিটেল বিভাজন দূৰ কৰিবলৈ চৰকাৰে তলত উল্লেখ কৰা  ব্যৱস্থাসমূহ গ্ৰহণ কৰিছে:

• অসমকে ধৰি দেশৰ সকলো গাওঁ  পঞ্চায়ত (জিপি) আৰু জিপিৰ বাহিৰেও গাঁৱলৈ চাহিদা ভিত্তিত ব্ৰডবেণ্ড সংযোগ প্ৰদানৰ বাবে ভাৰতনেট প্ৰকল্প পৰ্যায়ক্ৰমে ৰূপায়ণ কৰা হৈছে। সমৃদ্ধ গাওঁ পঞ্চায়তৰ পাইলট প্ৰজেক্টৰ অধীনত সংশোধিত ভাৰতনেট কাৰ্যসূচী অনুসৰি অসমকে ধৰি দেশৰ প্ৰতিটো ব্লকৰ চিনাক্তকৃত  জিপিত ৰাজহুৱা প্ৰতিষ্ঠান, ব্যক্তিগত উদ্যোগ/উদ্যোগী আৰু পৰিয়াললৈ ফাইবাৰ টু দ্য হোম (এফটিটিএইচ) সংযোগ প্ৰদানৰ বাবে লক্ষ্যভিত্তিক পদ্ধতি গ্ৰহণ কৰা হয়।

 

গুৱাহাটী বিশ্ববিদ্যালয়ৰ ৫জি ইউজকেছ লেবৰ উপৰি চৰকাৰে আই আই টি গুৱাহাটী আৰু এন আই টি শিলচৰত ৫জি ইউজ কেছ লেব স্থাপন কৰি ছাত্ৰ-ছাত্ৰী, ষ্টাৰ্টআপ আৰু এম এছ এম ই সকলক ৫জি ভিত্তিক ইউজকেছ এপ্লিকেচন আৰু সমাধান বিষয়ক পৰীক্ষা আৰু বিকাশৰ দিশত সহায় কৰিছে।

• অসমৰ ডিজিটেল ৰূপান্তৰ ত্বৰান্বিত কৰাৰ বাবে আৰু ইয়াক প্ৰযুক্তিৰ কেন্দ্ৰ হিচাপে প্ৰতিষ্ঠা কৰাৰ বাবে ৰাজহুৱা-ব্যক্তিগত অংশীদাৰিত্ব (পিপিপি)ৰ প্ৰসাৰৰ অৰ্থেও দূৰসংযোগ বিভাগে গুৱাহাটী আই আই টিলৈ গৱেষণা তথা উন্নয়ন প্ৰকল্পৰ বাবে ধন আগবঢ়াইছে।

 

i. ৫ জিৰ ৰ বাহিৰেও ৰোগৰ পূৰ্বৰ অৱস্থা নিৰীক্ষণ আৰু মহামাৰীৰ পৰ্যবেক্ষণৰ   বাবে এলঅ'টি সক্ষম ডিভাইচসমূহৰ প্ৰয়োগ

ii. ৬জি ৰ বাবে টেৰাহাৰ্টজ ট'প'লজিকেল ফ'টনিক পেচিভ ডিভাইচৰ বিকাশ

 

প্ৰয়োগসমূহ

 

iii.এনক্ৰিপ্ট কৰা তথ্যত সমৰূপী গণনা সম্পন্ন কৰাৰ বাবে হাৰ্ডৱেৰ আৰু চফ্টৱেৰ-ভিত্তিক পোষ্ট কোৱাণ্টাম সুৰক্ষিত প্লেটফৰ্মৰ বিকাশ কৰা।

iv. ৬জি: অন্যান্য প্ৰতিষ্ঠানৰ সহযোগত অৰ্বিটাল এংগুলাৰ মমেণ্টাম আৰু মাল্টিপ্লেক্সিঙৰ সৈতে টেৰাহাৰ্টজ টেষ্ট বেড

 

এই তথ্য আজি ৰাজ্যসভাত যোগাযোগ আৰু গ্ৰামোন্নয়ন দপ্তৰৰ ৰাজ্যিক মন্ত্ৰী ড° পেম্মাছানি চন্দ্ৰ শেখৰে এক লিখিত উত্তৰত প্ৰদান কৰে৷

 

 

Samrat/Allen/DM

*****

(Release ID: 2116048) Visitor Counter : 16