نیا بل ایک صدی پرانے قانون کی جگہ لے گا

بوائلرز بل خلاف ورزیوں کو جرائم کے دائرے سے باہر نکال کر اعتماد کو بہتر بنائے گا

سات میں سے 3 خلاف ورزیوں کو جرم قرار دیا گیا، تمام غیر مجرمانہ خلاف ورزیوں کا فوری ازالہ

کاروبار کرنے میں آسانی کو بڑھانے کے لیے فرسودہ دفعات کو ہٹا دیا گیا

کارکنوں کی حفاظت کو ترجیح دینے کے لیے نیا ایکٹ

بوائلر بل 2024 آج لوک سبھا میں مرکزی وزیر تجارت و صنعت جناب پیوش گوئل نے پیش کیا۔ یہ بوائلرز ایکٹ، 1923 کو منسوخ کرتا ہے۔ یہ بل اس سے قبل 4 دسمبر 2024 کو راجیہ سبھا سے منظور کیا گیا تھا اور لوک سبھا سے منظور ہونے کے بعد اسے صدر جمہوریہ کی منظوری کے لیے بھیجا جائے گا۔

دوبارہ وضع کیاگیا قانون  اسٹیک ہولڈرز کی موجودہ ضروریات کو پورا کرتا ہےجو صنعت، ملک میں بوائلرز اور عمل درآمد کرنے والوں کے ساتھ کام کرنے والے عملہ اور موجودہ وقت میں ضرورت کے مطابق ہے۔ بل کی نمایاں خصوصیات حسب ذیل ہیں:

بل کی دفعات کو مزید واضح کرنے کے لیے اسے جدید مسودہ سازی کے طریقوں کے مطابق تیار کیا گیا ہے۔ بوائلر ایکٹ، 1923 میں مختلف جگہوں پر موجود اسی طرح کی دفعات کو ایکٹ کو آسانی سے پڑھنے اور سمجھنے کے لیے چھ ابواب میںجمع کیا گیا ہے۔ کسی بھی الجھن سے بچنے کے لیے مرکزی حکومت، ریاستی حکومتوں اور سنٹرل بوائلر بورڈ کے تمام افعال؍اختیارات کو تفصیل سے شمار کیا گیا ہے۔

کاروبار کرنے میں آسانی  کے لیے، اس بل سے بوائلر صارفین جن میں ایم ایس ایم ایز سیکٹر شامل ہے ،اس میں شامل افراد کو فائدہ پہنچے گا کیونکہ اس بل میں جرم کو ختم کرنے سے متعلق دفعات کو شامل کیا گیا ہے۔ سات جرائم میں سے، بوائلرز اور بوائلرز کے ساتھ کام کرنے والے اہلکاروں کی حفاظت کو یقینی بنانے کے لیے، چار بڑے جرائم جن کے نتیجے میں جان و مال کا نقصان ہو سکتا ہے،ان میں مجرمانہ سزاؤں کو برقرار رکھا گیا ہے۔ دیگر جرائم کے لیے، مالی جرمانے کا انتظام کیا جا رہا ہے۔ مزید برآں، تمام غیر مجرمانہ خلاف ورزیوں کوجرمانہ میں تبدیل کر دیا گیا ہے جو کہ پہلے موجود عدالتوں کے بجائے ایگزیکٹو میکانزم کے ذریعے لگایا جائے گا۔

مجوزہ بل حفاظت میں اضافہ کرے گا کیونکہ اس بل میں بوائلر کے اندر کام کرنے والے افراد کی حفاظت کو یقینی بنانے کے لیے مخصوص دفعات رکھی گئی ہیں اور بوائلر کی مرمت کا کام اہل افراد کے ذریعے کیا جائے گا۔

حکومت ہند تمام ماقبل آئین ایکٹ کو موجودہ وقت میں ان کے مناسب اور مطابقت کے نقطہ نظر سے جانچ کررہی ہے۔

بوائلرز ایکٹ، 1923 میں جامع طور پر سال 2007 میں انڈین بوائلرز (ترمیمی) ایکٹ، 2007 کے ذریعے ترمیم کی گئی تھی جس میں آزاد تھرڈ پارٹی انسپیکشن اتھارٹیز کے ذریعے معائنہ اور سرٹیفیکیشن متعارف کرایا گیا تھا۔ تاہم، موجودہ ایکٹ کی مزید جانچ پر، ایکٹ پر نظرثانی کی ضرورت محسوس کی گئی ہے اور جن وشواس (ترمیمی دفعات) ایکٹ، 2023 کے مطابق مجرمانہ دفعات کو بھی شامل کرنے کی ضرورت ہے۔

اس کے مطابق، موجودہ ایکٹ کا جائزہ لیا گیا ہے جس میں غیرضروری ؍متروک دفعات کو چھوڑ دیا گیا ہے اور قواعد و ضوابط کے لیے کچھ ٹھوس قابل بنانے والے انتظامات کیے گئے ہیں جو پہلے فراہم نہیں کیے گئے تھے۔ کچھ نئی تعریفیں بھی شامل کی گئی ہیں اور کچھ موجودہ تعریفوں میں ترمیم کی گئی ہے تاکہ بل کی دفعات کو مزید واضح کیا جا سکے۔ (تفصیلات منسلک ضمیمہ میں دی گئی ہیں)

***

(ش ح۔اص)

UR No 8888