ଏକାଦଶ ପର୍ଯ୍ୟାୟ ବାଣିଜ୍ୟିକ କୋଇଲା ଖଣି ନିଲାମୀରେ ଓଡ଼ିଶାର ଗୋଟିଏ ଖଣି ସମେତ ଦେଶର ମୋଟ୍‌ ୧୨ଟି ଖଣିର ନିଲାମ ସଫଳ ହୋଇଛି । କୋଇଲା ମନ୍ତ୍ରଣାଳୟ ଗତ ଡିସେମ୍ବର ୫ ତାରିଖରେ ବାଣିଜ୍ୟିକ ଖନନ ପାଇଁ କୋଇଲା ଖଣିଗୁଡ଼ିକର ଏକାଦଶ ପର୍ଯ୍ୟାୟ ନିଲାମୀ ଆରମ୍ଭ କରିଥିଲା। ଏହା କୋଇଲା କ୍ଷେତ୍ରରେ ଆତ୍ମନିର୍ଭରଶୀଳତା ଦିଗରେ ଭାରତର ଯାତ୍ରାରେ ଆଉ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଥିଲା। ଅଗ୍ରୀମ ନିଲାମୀରେ ମୋଟ ୧୨ଟି କୋଇଲା ଖଣି ସଫଳତାର ସହ ନିଲାମ କରାଯାଇଥିଲା, ଯେଉଁଥିରେ ଆଠଟି ସମ୍ପୂର୍ଣ୍ଣ ଅନ୍ୱେଷଣ ଏବଂ ଚାରୋଟି ଆଂଶିକ ଅନ୍ୱେଷଣ ହୋଇଥିବା କୋଇଲା ଖଣି ସାମିଲ ରହିଛି ।

ନିଲାମ ହୋଇଥିବା କୋଇଲା ଖଣି ମଧ୍ୟରେ ଓଡ଼ିଶାର ସରଧାପୁର ଜଲତାପ ପୂର୍ବ କୋଇଲା ଖଣି ସାମିଲ ରହିଛି । ଏଥିରେ ମୋଟ୍‌ ଭୂତାତ୍ତ୍ୱିକ ଭଣ୍ଡାର ୩୨୫୭.୮୯ ମେଟ୍ରିକ୍‌ ଟନ୍‌ ରହିଛି । ଜିନ୍ଦଲ ଷ୍ଟିଲ୍‌ ଆଣ୍ଡ ପାୱାର୍‌ ଲିମିଟେଡକୁ ଏହି ଖଣି ନିଲାମ ଦିଆଯାଇଛି ।

ନିଲାମ ହୋଇଥିବା ୧୨ଟି ଖଣି ସାମଗ୍ରିକ ଭାବେ ପ୍ରାୟ ୫,୭୫୯.୨୩ ନିୟୁତ ଟନର ଭୂଗର୍ଭ ଭଣ୍ଡାର ରହିଛି। ଏଥିରେ ଆଂଶିକ ଅନ୍ୱେଷଣ କରାଯାଇଥିବା ଖଣିକୁ ଛାଡ଼ି ମୋଟ ସର୍ବାଧିକ କ୍ଷମତା (ପିଆଇସି) ବାର୍ଷିକ ୧୫.୪୬ ନିୟୁତ ଟନ୍‌ ରହିଛି। ଏହି ନିଲାମୀରୁ ୩୬.୨୭ ପ୍ରତିଶତର ପ୍ରଭାବଶାଳୀ ହାରାହାରୀ ରାଜସ୍ୱ ଅଂଶଧନ ହାସଲ କରାଯାଇଛି। ଏହା ଭାରତର କୋଇଲା କ୍ଷେତ୍ରରେ ଶିଳ୍ପ କ୍ଷେତ୍ରର ନିରନ୍ତର ଆଗ୍ରହ ଏବଂ ଏକ ସ୍ଥିର ତଥା ପାରଦର୍ଶୀ ନୀତିଗତ ଢାଞ୍ଚା ପ୍ରଦାନ କରିବା ପାଇଁ ମନ୍ତ୍ରଣାଳୟର ପ୍ରତିବଦ୍ଧତାକୁ ଦର୍ଶାଉଛି ।

ନିଲାମ ହୋଇଥିବା ନୂତନ ଖଣିଗୁଡ଼ିକ ପାଖାପାଖି ୩,୩୩୦ କୋଟି ଟଙ୍କାର ବାର୍ଷିକ ରାଜସ୍ୱ ସୃଷ୍ଟି କରିବ (ଆଂଶିକ ଭାବେ ଅନ୍ୱେଷଣ କରାଯାଇଥିବା ଖଣିଗୁଡ଼ିକୁ ବାଦ ଦେଇ) ଏବଂ ପାଖାପାଖି ୨,୩୧୯ କୋଟି ଟଙ୍କାର ପୁଞ୍ଜି ନିବେଶ ଆକୃଷ୍ଟ କରିବ ବୋଲି ଆକଳନ କରାଯାଇଛି। ଏହାବ୍ୟତୀତ, ଏହି ଖଣିଗୁଡ଼ିକ ୨୦,୯୦୨ ନିଯୁକ୍ତି ସୁଯୋଗ ସୃଷ୍ଟି କରିବ ବୋଲି ଆଶା କରାଯାଉଛି, ଯାହା କୋଇଲା ଉତ୍ପାଦନ କରୁଥିବା ଅଞ୍ଚଳର ଆର୍ଥିକ ଅଭିବୃଦ୍ଧିରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେବ।

୨୦୨୦ରେ ବାଣିଜ୍ୟିକ କୋଇଲା ଖନନ ଆରମ୍ଭ ହେବା ପରଠାରୁ, କୋଇଲା ମନ୍ତ୍ରଣାଳୟ ସଫଳତାର ସହ ମୋଟ ୧୨୫ଟି କୋଇଲା ଖଣି ନିଲାମ କରିଛି ଯାହାର ମିଳିତ ଉତ୍ପାଦନ କ୍ଷମତା ବାର୍ଷିକ ୨୭୩.୦୬ ନିୟୁତ ଟନ୍ ।କାର୍ଯ୍ୟକ୍ଷମ ହେବା ପରେ, ଏହି ଖଣିଗୁଡ଼ିକ ଘରୋଇ କୋଇଲା ଉତ୍ପାଦନ ବୃଦ୍ଧି ଏବଂ ଭାରତର ଶକ୍ତି ସୁରକ୍ଷାକୁ ସୁଦୃଢ଼ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ। ମୋଟାମୋଟି ଭାବେ, ଏହି ଖଣିଗୁଡ଼ିକ ବାର୍ଷିକ ୩୮,୭୬୭ କୋଟି ଟଙ୍କାର ରାଜସ୍ୱ ସୃଷ୍ଟି କରିବ, ୪୦,୯୬୦ କୋଟି ଟଙ୍କାର ପୁଞ୍ଜି ନିବେଶ ଆକୃଷ୍ଟ କରିବ ଏବଂ ପାଖାପାଖି ୪,୬୯,୧୭୦ ଲୋକମାନଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି କରିବ ବୋଲି ଆଶା କରାଯାଉଛି।

ବାଣିଜ୍ୟିକ କୋଇଲା ଖଣିରୁ ଉତ୍ପାଦନ ଉଲ୍ଲେଖନୀୟ ଭାବେ ବୃଦ୍ଧି ପାଇଛି। ଆର୍ଥିକ ବର୍ଷ ୨୦୨୩-୨୪ ରେ କୋଇଲା ଉତ୍ପାଦନ ୧୨.୫୫ ଏମଟି ଥିଲା ଏବଂ ଆର୍ଥିକ ବର୍ଷ ୨୦୨୪-୨୫ ରେ ଏହା ୨୨.୩୫ ଏମଟି (ଆଜି ପର୍ଯ୍ୟନ୍ତ) କୁ ବୃଦ୍ଧି ପାଇଛି, ଯାହା ୭୮.୧୪ ପ୍ରତିଶତ ବୃଦ୍ଧି ଦର୍ଶାଉଛି।

କୋଇଲା ମନ୍ତ୍ରଣାଳୟ ଦ୍ୱାରା ନିଆଯାଇଥିବା ଏହି ରଣନୀତିକ ପଦକ୍ଷେପ କୋଇଲା କ୍ଷେତ୍ରକୁ ଆର୍ଥିକ ଅଭିବୃଦ୍ଧିର ଏକ ପ୍ରମୁଖ ବାହକ ଭାବେ ରୂପାନ୍ତରିତ କରିବା ଲାଗି ଏହାର ପ୍ରତିବଦ୍ଧତାକୁ ଦୋହରାଇଥାଏ। କୋଇଲାର ଏକ ସୁଦୃଢ଼ ଏବଂ ଦୀର୍ଘସ୍ଥାୟୀ ଯୋଗାଣ ସୁନିଶ୍ଚିତ କରିବା ଦ୍ୱାରା, ଏହି ପ୍ରୟାସଗୁଡ଼ିକ କେବଳ ଦେଶର ଶକ୍ତି ଚାହିଦା ପୂରଣ କରୁନାହିଁ, ବରଂ ଆର୍ଥିକ ସ୍ଥିରତା ଓ ନିଯୁକ୍ତି ସୃଷ୍ଟିକୁ ମଧ୍ୟ ପ୍ରୋତ୍ସାହିତ କରୁଛି । ଏହାଦ୍ୱାରା ମଧ୍ୟ ‘ଆତ୍ମନିର୍ଭର ଭାରତ’ର ପରିକଳ୍ପନାକୁ ସାକାର କରିବା ଦିଗରେ ପ୍ରୟାସ ଆଗକୁ ବଢ଼ିପାରୁଛି।

ଏକାଦଶ ପର୍ଯ୍ୟାୟରେ ନିଲାମ ହୋଇଥିବା ଖଣିଗୁଡ଼ିକର ବିବରଣୀ ନିମ୍ନରେ ଦିଆଗଲା:

S. No.	Name of Mine	State	PRC (MTPA)	Geological Reserves (MT)	Closing Bid Submitted By	Reserve Price (%)	Final Offer (%)
1	Jawardaha North	Jharkhand	NA	510.00	Jharkhand Exploration and Mining Corporation Limited	4.00	10.00
2	Dahegaon/Makardhokra-IV	Maharashtra	0.6	121.00	Western Coalfields Limited	4.00	10.50
3	Saradhapur Jalatap East	Odisha	NA	3257.89	Jindal Steel And Power Limited	4.00	10.00
4	Namchik East	Arunachal Pradesh	0.67	22.165	Innovative Mines and Minerals Limited	4.00	90.25
5	Marwatola-II	Madhya Pradesh	NA	119.718	Singhal Business Private Limited	4.00	24.50
6	Namchik West	Arunachal Pradesh	0.34	8.802	Pra Nuravi Coal Mining Private Limited	4.00	21.50
7-8	Banai & Bhalumunda	Chhattisgarh	12	1376.0757	Jindal Power Limited	4.00	48.00
9	Sahapur East	Madhya Pradesh	0.7	63.363	Mineware Advisors Private Limited	4.00	20.25
10	Seregarha	Jharkhand	NA	187.290	Rungta Sons Private Limited	4.00	36.50
11	Vijay Central	Chhattisgarh	0.4	56.750	Rungta Sons Private Limited	4.00	48.50
12	Bhandak West	Maharashtra	0.75	36.178	New Era Cleantech Solution Private Limited	4.00	79.00

*******

P.S/Swadhin

(Release ID: 2114590) Visitor Counter : 40