اقلیتوں کی فلاح و بہبود کے لیے وزیر اعظم کے نئے 15 نکاتی پروگرام کو اوڈیشہ سمیت ملک میں ایک اہم پروگرام کے طور پر نافذ کیا گیا ہے۔ یہ پروگرام مختلف وزارتوں/ محکموں کے ذریعے نافذ کی جانے والی حکومت کی مختلف اسکیموں/ پہل کا احاطہ کرتا ہے جس کا مقصد یہ یقینی بنانا ہے کہ مرکزی طور پر نامزد چھ اقلیتی برادریوں کے پسماندہ اور کمزور طبقات کو مختلف سرکاری فلاحی اسکیموں سے فائدہ اٹھانے کے مساوی مواقع میسر ہوں۔

اس 15 نکاتی پروگرام کے تحت اقلیتی امور کی وزارت کی اسکیمیں صرف چھ نامزد اقلیتوں کے لیے ہیں۔ اس کے علاوہ، دیگر شریک وزارتوں/ محکموں کی طرف سے لاگو کی جانے والی اسکیموں/ اقدامات کا 15 فیصد، ممکنہ حد تک، نامزد اقلیتوں کے لیے مختص کیا گیا ہے۔ تاہم، اسکیموں کو متعلقہ وزارتوں/ محکموں کے ذریعے حکومت کے سرایتی نقطہ نظر کے تحت نافذ کیا جا رہا ہے۔ حکومت کے سرایتی نقطہ نظر کے تحت بہت سے اجزا نے مرکزی دھارے میں شمولیت حاصل کی ہے۔ اس کے علاوہ اقلیتی برادریوں کے لیے مختلف متعلقہ اسکیموں میں فوائد کی مکمل فراہمی کو بہتر بنانے کے لیے مسلسل کوششیں کی جارہی ہیں۔

اقلیتی امور کی وزارت اور پروگرام میں شامل دیگر شریک وزارتوں کی اسکیمیں حسب ذیل ہیں:

 

i۔ پری میٹرک اسکالرشپ اسکیم (وزارت اقلیتی امور)

ii۔ پوسٹ میٹرک اسکالرشپ اسکیم (وزارت اقلیتی امور)

iii۔ میرٹ-کم- مینس پر مبنی اسکالرشپ اسکیم (وزارت اقلیتی امور)

iv۔ قومی اقلیتی ترقیاتی مالیاتی کارپوریشن (این ایم ڈی ایف سی) کی قرض کی اسکیمیں

v۔ سماگرا شکشا ابھیان (وزارت تعلیم)

vi۔ دین دیال انتودے یوجنا (دیہی ترقی کی وزارت)

vii۔ دین دیال اپادھیائے گرامین کوشل یوجنا (دیہی ترقی کی وزارت)

viii۔ پردھان منتری آواس یوجنا (دیہی ترقی کی وزارت)

ix۔ دین دیال انتیودے یوجنا - قومی شہری ذریعہ معاش مشن (ہاؤسنگ اور شہری امور کی وزارت)

x۔ بینکوں کی طرف سے ترجیحی شعبے کا قرضہ (محکمہ مالیاتی خدمات)

xi۔ پردھان منتری مدرا یوجنا (محکمہ مالیاتی خدمات)

xii۔ پوشن ابھیان (خواتین اور بچوں کی ترقی کی وزارت)

xiii۔ قومی صحت مشن (محکمہ صحت اور خاندانی بہبود)

xiv۔ آیوشمان بھارت (محکمہ صحت اور خاندانی بہبود)

xv۔ نیشنل رورل ڈرنکنگ واٹر پروگرام (جل جیون مشن)، (پینے کے پانی اور صفائی کا محکمہ)

 

اقلیتی امور اور پارلیمانی امور کے مرکزی وزیر جناب کرن رجیجو نے آج راجیہ سبھا میں ایک تحریری جواب میں یہ معلومات فراہم کی۔

**********

ش ح۔ ف ش ع

U: 8786

 

(Release ID: 2114544) Visitor Counter : 23