کوئلے اور کانوں کے مرکزی وزیر جناب جی کشن ریڈی نے آج راجیہ سبھا میں ایک تحریری جواب میں بتایا کہ کول اور لگنائٹ پبلک سیکٹر انڈرٹیکنگ (پی ایس یو) یعنی کول انڈیا لمیٹڈ (سی آئی ایل) این ایل سی انڈیا لمیٹڈ (این ایل سی آئی ایل) اور سنگارینی کولیریز کمپنی لمیٹڈ (ایس سی سی ایل) آبپاشی کے استعمال کے لیے کان کے پانی کے پائیدار استعمال کو یقینی بنانے کے لیے مختلف اقدامات کو نافذ کر رہے ہیں ۔ کان کے اضافی پانی کو بشمول آبپاشی اور گھریلو استعمال صنعتی اور کمیونٹی کے استعمال کے لیے فائدہ مند طریقے سے استعمال کیا جاتا ہے،لہٰذا اس طرح ایسے مقاصد کے لیے زیر زمین پانی نکالنے کی ضرورت کو کم کیا جاتا ہے ۔ اس بات کو یقینی بنانے کے لیے کہ پانی آبپاشی اور گھریلو استعمال کے لیے مطلوبہ معیار پر پورا اترتا ہے ، تسلیم شدہ لیبارٹریوں کے ذریعے باقاعدہ نگرانی اور معیار کی جانچ کی جاتی ہے ۔ زمینی پانی کے توازن کو برقرار رکھنے کے لیے کان کے پانی کے استعمال کے ساتھ ساتھ بارش کے پانی کو ذخیرہ کرنے اور زیر زمین پانی کے ری چارج کے اقدامات کو نافذ کیا جاتا ہے ۔ مالی سال25- 2024 کے دوران (فروری 2025 تک) کوئلہ اور لگنائٹ پی ایس یو نے متعلقہ ریاستوں میں کوئلے اور لگنائٹ کان کنی کے علاقوں میں اور اس کے آس پاس کی مقامی برادریوں کو گھریلو اور آبپاشی کے استعمال کے لیے تقریبا 3963 لاکھ کلو لیٹر (ایل کے ایل) قابل استعمال پانی فراہم کیا ہے ۔

کوئلے اور لگنائٹ کان کنی کے علاقوں میں کوئلے اور لگنائٹ سے متعلق پی ایس یوز کے ذریعے کان کے پانی کی صفائی کے لیے بنیادی ڈھانچے پر باقاعدگی سے سرمایہ کاری کی گئی ہے ۔ مائن واٹر ٹریٹمنٹ انفراسٹرکچر ماحولیاتی کلیئرنس میں مذکور قانونی دفعات کے مطابق کان کنی کی کارروائیوں کا ایک لازمی حصہ ہے ۔ کوئلے اور لگنائٹ کان کنی سے متعلق  پروجیکٹوں کو قائم کرنے اور چلانے کے لیے رضامندی اور اس میں صنعتی ڈسچارج کو قابل استعمال بنانے کے لیے افلوئنٹ ٹریٹمنٹ پلانٹس ، ٹریٹڈ مائن واٹر کوکوالٹی کے معیار پر پورا اترنے کو یقینی بنانے کے لیے واٹر فلٹر پلانٹس ، فلٹریشن اور معطل شدہ ذرات کے تصفیہ کے لیے سیڈیمین ٹیشن ٹینکس ، کارکردگی اور صلاحیت کو بڑھانے کے لیے موجودہ واٹر ٹریٹمنٹ بنادی ڈھانچے کی دیکھ بھال اوراس کا اپ گریڈیشن وغیرہ شامل ہیں ۔

ویسٹرن کول فیلڈز لمیٹڈ (ڈبلیو سی ایل) اور مہاراشٹر اسٹیٹ پاور جنریشن کارپوریشن لمیٹڈ کے درمیان بھانےگاؤں اوپن کاسٹ مائن سے کپکھیڑا تھرمل پاور اسٹیشن کو ٹریٹڈ مائن کا پانی فراہم کرنے کے لیے ایک معاہدہ کیا گیا ہے ۔ اس کی وجہ سے آبپاشی کامحکمہ کا پانی ، جو پہلے تھرمل پاور اسٹیشن کی پانی کی ضروریات کو پورا کرتا تھا ، اب گھریلو اور آبپاشی کے مقاصد کے لیے دستیاب ہے ۔

********

ش ح۔ش م۔م ا

U NO-8779