این ایس او ۔ انڈیا نے انڈین انسٹی ٹیوٹ آف ٹیکنالوجی گاندھی نگر (آئی آئی ٹی جی این)کے تعاون سے آج آئی آئی ٹی جی این کیمپس میں‘‘ہیک دی فیوچر’’ کے عنوان سے اپنے 36 گھنٹے کے ہیکاتھون کا کامیابی سے اختتام کیا ۔

اس تقریب میں ہندوستان بھر کے باوقار تعلیمی اداروں کی نمائندگی کرنے والی 18 ٹیموں نے شرکت کی جن میں آئی آئی ٹی ، این آئی ٹی ، آئی آئی آئی ٹی وغیرہ شامل تھے ۔ شرکاء نے وزارت اور انسٹی ٹیوٹ کے سرپرستوں کی طرف سے دی گئی رہنمائی کے ساتھ ان کے سامنے پیش کردہ 3 اختراعی چیلنجوں پر غور وخوض کیا ۔ صنعت ، تعلیمی شعبے اور وزارت کے ماہرین پر مشتمل جیوری کے 5 ارکان نے حتمی حل کا جائزہ لیا ۔

اختتامی اجلاس میں ڈاکٹر سوربھ گرگ ، سکریٹری ، ایم او ایس پی آئی اور سربراہ این ایس او جناب پی آر میشرم ، ڈائریکٹر جنرل ، این ایس او انڈیا اور ڈاکٹر رجت مونا ، ڈائریکٹر ، آئی آئی ٹی گاندھی نگرنے شرکت کی ۔

اپنے خطاب میں جناب پی آر میشرم نے تمام شرکاء کو مبارکباد دی اور اس بات پر روشنی ڈالی کہ ہیکاتھون وزارت کے جاری جدید کاری کے اقدامات کی توسیع کی نمائندگی کرتا ہے ۔ ڈاکٹر مونا نے شرکاء کی حوصلہ افزائی کی کہ وہ ہیکاتھون سے آگے ڈیٹا سائنس اور شماریات میں اپنا کام جاری رکھیں ، جس سے ایم او ایس پی آئی کے ذریعہ دستیاب کردہ وسیع ڈیٹا سیٹس کا فائدہ اٹھایا جائے ۔ انہوں نے وزارت کے اختراعی اقدامات کی بھی تعریف کی ۔

ڈاکٹر گرگ نے ملک گیر شرکت پر اطمینان کا اظہار کیا اور تمام فائنلسٹ ٹیموں کو مبارکباد دی ۔ انہوں نے شرکاء کی حوصلہ افزائی کی کہ وہ قوم کی تعمیر کی کوششوں میں حصہ ڈالنے کے لیے اس شعبے میں کام جاری رکھیں ۔

تین زمروں میں اول تین حلوں کو انعامات سے نوازا گیا۔ پلاکشا یونیورسٹی، چندی گڑھ نے دو زمروں میں سرفہرست رہا، جبکہ راجیو گاندھی انسٹی ٹیوٹ آف پٹرولیم ٹیکنالوجی نے بقیہ زمرے میں ایوارڈ جیتا۔ آئی آئی ٹی جموں، وی آئی ٹی ویلور اور این آئی ٹی گوا نے اپنے اپنے زمروں میں دوسرا مقام حاصل کیا، جبکہ این ایم آئی ایم ایس ممبئی، آئی آئی آئی ٹی وڈودرا اور آئی آئی ٹی کھڑگپور نے اپنے اپنے زمروں میں تیسرا مقام حاصل کیا۔

تقریب کا اختتام کثیر فریقین کے تعاون کے ذریعے اختراع کو فروغ دینے کے اجتماعی عزم کے ساتھ ہوا ۔

*******

 (ش  ح۔  م  ح۔ اش  ق)

UR-8748