নগৰীয়া জল পৰিবহণ ব্যৱস্থাৰ বাবে সম্ভাৱনীয়তা অধ্যয়ন কৰাৰ উদ্দেশ্যে ১৭ খন চহৰৰ বাছনিৰ ক্ষেত্ৰত বিবেচনা কৰা মূল মাপকাঠীসমূহৰ ভিতৰত আছে ন্যূনতম ১ নিযুত জনসংখ্যা, বৰ্তমানৰ জাহাজ চলাচলৰ আভ্যন্তৰীণ জলপথৰ সুবিধা তথা যথেষ্ট পৰিমাণৰ ফেৰী সেৱাৰ উপস্থিতি।

প্ৰস্তাৱিত নগৰীয়া জল পৰিবহণ ব্যৱস্থাটোক সাম্প্ৰতিক মেট্ৰ', বাছ আৰু ৰে' লৱে নেটৱৰ্কৰ সৈতে একত্ৰিত কৰি নিৰবিচ্ছিন্ন মাল্টি-মডেল সংযোগ সুনিশ্চিত কৰাৰ উদ্দশ্যে কোচি মেট্ৰ 'ৰে' ল লিমিটেডে (কে. এম. আৰ. এল.) ১৭টা স্থানৰ বাবে নগৰীয়া জল পৰিবহণ ব্যৱস্থাৰ সম্ভাৱনীয়তা অধ্যয়ন আৰম্ভ কৰিছে। এতিয়ালৈকে, অতিৰিক্ত চহৰসমূহত ইয়াক সম্প্ৰসাৰণ কৰাৰ কোনো প্ৰস্তাৱ নাই।

মাংগালোৰ (গুৰুপুৰা নদী)কে ধৰি ১৭খন চহৰত সম্ভাৱনা সম্পৰ্কে সমীক্ষা চলোৱাৰ কাম কে. এম. আৰ. এল.-ক প্ৰদান কৰা হৈছে। এই অধ্যয়নৰ ফলাফলৰ ওপৰত নিৰ্ভৰ কৰি পৰিকল্পনা প্ৰস্তুত কৰা হ’ব।

সম্ভাৱনীয়তা অধ্যয়ন কৰাৰ বাবে উত্তৰ-পূবৰ ৰাজ্যসমূহৰ ভিতৰত বাছনিপ্ৰাপ্ত ১৭টা স্থানৰ ভিতৰত  অসমৰ গুৱাহাটী আৰু ধুবৰীও আছে। বৰ্তমানলৈ ছত্তীশগড়ৰ বাবে কোনো নিৰ্দিষ্ট পৰিকল্পনা নাই। নগৰীয়া জল পৰিবহণ ব্যৱস্থাৰ ৰূপায়ণ সম্ভাৱনীয়তা অধ্যয়নৰ ফলাফল/পৰামৰ্শৰ ওপৰত নিৰ্ভৰ কৰে।

কেন্দ্ৰীয় বন্দৰ, জাহাজ পৰিবহণ আৰু জলপথ মন্ত্ৰী শ্ৰী সৰ্বানন্দ সোণোৱালে লোকসভাত এক লিখিত উত্তৰত এই তথ্য প্ৰদান কৰে।

***

GDH/HR/SJ/DD