ৰে’লৱে প্ৰকল্পসমূহৰ জৰীপ, অনুমোদন আৰু ৰাজ্যৰ সীমাৰেখাৰ দ্বাৰা নহয়, বৰঞ্চ মাণ্ডলিক ৰে’লৱে ভিত্তিতহে কাৰ্যকৰী কৰা হয়, কাৰণ এই প্ৰকল্পসমূহ প্ৰায়ে একাধিক ৰাজ্যৰ সীমাৰ মাজেৰে বিস্তৃত হৈ থাকে। ৰে’লৱে প্ৰকল্পৰ অনুমোদনত সদায়েই আৰ্থিক কাৰ্য্যক্ষমতা, যাতায়তৰ পূৰ্বাভাস, শেষ মাইলৰ সংযোগ, হেৰুৱা লিংক আৰু বিকল্প পথৰ সমাধান, অতিৰিক্ত বোজাযুক্ত লাইনক যানজঁটৰ পৰা উপশম প্ৰদান, ৰাজ্য চৰকাৰ, কেন্দ্ৰীয় মন্ত্ৰালয়, সংসদৰ সদস্য, আৰু অন্যান্য জনপ্ৰতিনিধিৰ পৰা অহা দাবী, লগতে ৰে’লৱেৰ পৰিচালনাৰ প্ৰয়োজনীয়তা আৰু আৰ্থ-সামাজিক বিবেচনা আদি কাৰকসমূহৰ প্ৰতি লক্ষ্য ৰখা হয়। সামগ্ৰিকভাৱে ধনৰ উপলব্ধতা আৰু চলি থকা প্ৰকল্পসমূহৰ অগ্ৰগতিও সিদ্ধান্ত গ্ৰহণৰ মূল কাৰক হিচাপে বিবেচিত হয়। ২০২৪ চনৰ ১ এপ্ৰিললৈকে ভাৰতীয় ৰে’লৱেৰ মুঠ ৪৪,৪৮৮ কিলোমিটাৰ দৈৰ্ঘ্যৰ ৪৮৮ টা আন্তঃগাঁথনি প্ৰকল্প (য'ত ১৮৭টা নতুন লাইন, ৪০টা গজলৈ পৰিবৰ্তন, আৰু ২৬১টা ডাবলিং) আছে, যাৰ আনুমানিক ব্যয় প্ৰায় ৭.৪৪ লাখ কোটি টকা। এই প্ৰকল্পসমূহ পৰিকল্পনা, অনুমোদন, বা নিৰ্মাণৰ বিভিন্ন পৰ্যায়ত আছে আৰু এইবোৰৰ ভিতৰত ইতিমধ্যে ১২,০৪৫ কিলোমিটাৰ দূৰত্বৰ কাম আৰম্ভ কৰা হৈছে আৰু ২০২৪ চনৰ মাৰ্চ মাহৰ ভিতৰত ব্যয় হৈছে প্ৰায় ২.৯২ লাখ কোটি টকা। সামগ্ৰিক ৰূপৰেখা তলত দাঙি ধৰা হৈছে -

মূল্য, ব্যয়, আৰু সামগ্ৰিক খৰচকে ধৰি সকলো ৰে’ল প্ৰকল্পৰ মাণ্ডলিক ভিত্তিক আৰু বৰ্ষভিত্তিক বিৱৰণ ভাৰতীয় ৰে’লৱেৰ চৰকাৰী ৱেবছাইটত ৰাজহুৱাভাৱে উপলব্ধ কৰা হৈছে।

সমগ্ৰ ভাৰতীয় ৰে'লৱেত নতুন ট্ৰেকৰ কাম আৰম্ভ কৰা, সম্পূৰ্ণ কৰাৰ সবিশেষ তথ্য তলত দিয়া হ'ল: -

সময়	নতুন ৰে’ল আলিৰ কাম	নতুন ৰে’ল আলিক কাম সম্পন্ন কৰাৰ গড় সময়
২০০৯-১৪	৭৫৯৯ কিলোমিটাৰ	প্ৰতিদিনে ৪.২ কিলোমিটাৰ
২০১৪-২৪	৩১,১৮০ কিলোমিটাৰ	প্ৰতিদিনে ৮.৫৪ কিলোমিটাৰ  (দুগুণতকৈও অধিক)

উল্লেখ্য যে অসম আৰু উত্তৰ-পূবৰ ৰে’লৱে আন্তঃগাঁথনি প্ৰকল্পসমূহ ভাৰতীয় ৰে’লৱেৰ উত্তৰ-পূব সীমান্ত ৰে’লৱে (এন এফ আৰ) মণ্ডলৰ দ্বাৰা পৰিচালিত হয়। ৰে’লৱে প্ৰকল্পৰ বিশদ তথ্য, খৰচ, আবণ্টিত ব্যয়কে ধৰি ভাৰতীয় ৰে’লৱেৰ চৰকাৰী ৱেবছাইটত ৰাজহুৱাভাৱে উপলব্ধ কৰা হৈছে।

২০২৪ চনৰ ১ এপ্ৰিললৈকে মুঠ ১,৩৬৮ কিলোমিটাৰ দৈৰ্ঘ্যৰ ১৮টা প্ৰকল্প (১৩টা নিউ লাইন আৰু ৫টা ডাবলিং) ৰ কাম কৰা হৈছে, যাৰ আনুমানিক ব্যয় হৈছে ৭৪,৯৭২ কোটি টকা, যিবোৰ সম্পূৰ্ণ বা আংশিকভাৱে অসম আৰু উত্তৰ-পূৰ্বাঞ্চলত অৱস্থিত। এই প্ৰকল্পসমূহ পৰিকল্পনা, অনুমোদন বা নিৰ্মাণৰ বিভিন্ন পৰ্যায়ত আছে। মুঠ দৈৰ্ঘ্যৰ ভিতৰত ৩১৩ কিলোমিটাৰৰ কাম সম্পন্ন কৰা হৈছে, আৰু ২০২৪ চনৰ মাৰ্চ পৰ্যন্ত ৪০,৫৪৯ কোটি টকা ব্যয় কৰা হৈছে।

শাখা	প্ৰকল্প সংখ্যা	মুঠ দৈৰ্ঘ্য NL/GC/DL (কিলোমিটাৰত)	মাৰ্চ ২৪ লৈ সম্পন্ন হোৱা কামৰ দৈৰ্ঘ্য (কিলোমিটাৰত)	মাৰ্চ ২৪ লৈ হোৱা মুঠ ব্যয় (কোটিত)
নতুন লাইন	১৩	৮৯৬	৮১	৩৪৬১৬
ডাবলিং / মাল্টিট্ৰেকিং	৫	৪৭২	২৩২	৫৯৩৩
মুঠ	১৮	১৩৬৮	৩১৩	৪০৫৪৯

 

অসম আৰু উত্তৰ-পূৰ্বাঞ্চলত সম্পূৰ্ণৰূপে বা আংশিকভাৱে অৱস্থিত আন্তঃগাঁথনি প্ৰকল্প আৰু সুৰক্ষা কামৰ বাজেট আবণ্টন তলত দিয়া ধৰণৰ-

সময়	সম্পূৰ্ণ হোৱা
২০০৯-১৪	প্ৰতিবছৰে ২১২২ কোটি
২০২৪-২৫	১০৩৭৬ কোটি (চাৰিগুণতকৈও অধিক)

 

২০০৯-১৪ আৰু ২০১৪-২৪ চনৰ সময়ছোৱাত অসম আৰু উত্তৰ-পূৰ্বাঞ্চলত সম্পূৰ্ণ বা আংশিকভাৱে অৱস্থিত নতুন ট্ৰেকৰ কাম আৰম্ভ আৰু স্থাপন কৰাৰ সবিশেষ তলত দিয়া ধৰণৰ –

সময়	আৰম্ভ কৰা নতুন ট্ৰেকৰ কাম	নতুন ট্ৰেকৰ কাম সম্পূৰ্ণ হওতে প্ৰয়োজন হোৱা গড় সময়
২০০৯-১৪	৩৩৩ কিলোমিটাৰ	প্ৰতিবছৰে ৬৬.৬ কিলোমিটাৰ
২০১৪-২৪	১৭২৮ কিলোমিটাৰ	প্ৰতিবছৰে ১৭২.৮ কিলোমিটাৰ (২ গুণতকৈও অধিক)

 

যোৱা তিনি বছৰত (২০২১-২২, ২০২২-২৩, ২০২৩-২৪, আৰু চলিত বিত্তীয় বৰ্ষ ২০২৪-২৫) সমগ্ৰ ভাৰতীয় ৰে’লৱেত মুঠ ৬৫,৪৮৮ কিলোমিটাৰ দৈৰ্ঘ্যৰ মুঠ ৯৩৩টা জৰীপ (২৯৯টা নতুন লাইন, ১৪টা গজ কনভাৰ্চন, আৰু ৬২০টা ডাবলিং) অনুমোদন কৰা হৈছে। ইয়াৰে মুঠ ২৪৯৯ কিলোমিটাৰ দৈৰ্ঘ্যৰ ২১টা জৰীপ (১৭টা নিউ লাইন আৰু ৪টা ডাবলিং) অসমকে ধৰি উত্তৰ-পূৰ্বাঞ্চলত সম্পূৰ্ণ বা আংশিকভাৱে অৱস্থিত।

যিহেতু ৰে’লৱে নেটৱৰ্ক ৰাজ্যৰ সীমাৰ ওপৰেৰে বিস্তৃত হৈ থাকে, গতিকে এই সীমাৰ ওপৰেৰে নেটৱৰ্কৰ প্ৰয়োজনীয়তাৰ ওপৰত ভিত্তি কৰি ৰে’ল আলি প্ৰৱৰ্তন কৰা হয়। কিন্তু ভাৰতীয় ৰে’লৱে (আই আৰ) নতুন ৰে’লৰ প্ৰৱৰ্তন, বৰ্তমানৰ সেৱা সম্প্ৰসাৰণ, আৰু বৰ্তমানৰ ৰে’লৰ গতিশীলতা বিকশিত কৰি ভ্ৰমণকাৰী যাত্ৰীৰ প্ৰয়োজনীয়তা পূৰণৰ বাবে ধাৰাবাহিকভাৱে চেষ্টা কৰি আহিছে। অসমত যাত্ৰীসকলৰ প্ৰয়োজনীয়তা পূৰণৰ বাবে আই আৰ-এ ২০১৯-২০ৰ পৰা ২০২৪-২৫ চনৰ ভিতৰত (২০২৫ চনৰ ফেব্ৰুৱাৰী পৰ্যন্ত) ২৪খন নতুন ৰে’লসেৱাৰ প্ৰৱৰ্তন কৰিছে। লগতে ২০খন ৰে’লসেৱাৰ সম্প্ৰসাৰণ কৰিছে, আৰু আনহাতে ১৪ খন ৰে’ল সেৱাৰ গতিশীলতা আৰম্ভণি/অন্তৰ ভিত্তিত বৃদ্ধি কৰিছে।

এই তথ্য কেন্দ্ৰীয় ৰে'ল, তথ্য আৰু সম্প্ৰচাৰ, আৰু ইলেক্ট্ৰনিকছ আৰু তথ্য প্ৰযুক্তি মন্ত্ৰী শ্ৰী অশ্বিনী বৈষ্ণৱে আজি লোকসভাত লিখিত উত্তৰত প্ৰদান কৰে।

***

MJPS/ST

(Release ID: 2113119) Visitor Counter : 26