پردھان منتری انوسوچیت جاتی ابھیودے یوجنا (پی ایم -اجے) ایک مرکزی اسپانسر شدہ اسکیم ہے جسے 2021-22 سے نافذ  کیا جا رہا ہے۔ اس اسکیم کے تین اجزاء ہیں یعنی (i) 'آدرش گرام'، (ii) درج فہرست ذاتوں کی سماجی – اقتصادی بہتری     کےلیےضلعی /ریاستی سطح کے پروجیکٹوں کے لیے سرکاری امداد (iii)  ہاسٹل۔

اسکیم کے مقاصد اور کردار ذیل میں دیے گئےہیں:

1. درج فہرست ذاتوں کی اکثریت والے دیہاتوں میں مناسب بنیادی ڈھانچے  اور مطلوبہ خدمات کو یقینی بنا کر سماجی و اقتصادی ترقی کے اشاریوں کو بہتر بنانا۔
2. ہنرمندی ترقیات، آمدنی پیدا کرنے والی اسکیموں اور دیگر اقدامات کے ذریعے اضافی روزگار کے مواقع پیدا کرکے درج فہرست برادریوں     کی ناداری کو    کم کرنا۔
3. خواندگی میں اضافہ کرنا اور اسکولوں اور اعلیٰ تعلیمی اداروں میں درج فہرست ذاتوں  کے اندراج کی حوصلہ افزائی کے لیے معیاری اداروں کے ساتھ ساتھ رہائشی اسکولوں میں جہاں ضرورت ہو، خاص طور پر خواہش مند اضلاع/ درج فہرست ذاتوں کے غلبے والے بلاکس اور ہندوستان کے دیگر مقامات پر مناسب رہائشی سہولیات فراہم کر کے۔

مالی سال 2024-25 میں، 4,928 گاؤں کو آدرش گرام کے طور پر قرار دیا گیا ہے اور 4,25,821 مستفیدین مستفید ہوئے ہیں جس کی وجہ سے ایس سی اکثریت والے دیہاتوں میں مناسب انفراسٹرکچر اور مطلوبہ خدمات کو یقینی بنا کر سماجی و اقتصادی ترقی ہوئی ہے۔

'گرانٹس ان ایڈ' اجزاء کا مقصد ہنر کی ترقی، آمدنی پیدا کرنے والی اسکیموں اور دیگر اقدامات کے ذریعے اضافی روزگار کے مواقع پیدا کرکے ایس سی کمیونٹیز کی غربت کو کم کرنا ہے۔ اس جزو کے تحت، 2021-22 سے، 9,549 پروجیکٹوں کو منظوری دی گئی ہے اور 1,219.80 کروڑ روپے کی مرکزی امداد دی گئی ہے۔ 2,01,006 ایس سی مستفیدین کو فائدہ پہنچانے کے لیے جاری کیا گیا ہے۔

پی ایم – اجے کے ہاسٹل کمپوننٹ کے تحت اب تک 866 ہاسٹلوں  کو منظوری دی گئی ہے جس میں 69,212 مستفیدین شامل ہیں اور 936.27 کروڑ روپے کی رقم جاری کی گئی ہے، اس طرح درج فہرست ذاتوں سے تعلق رکھنے والے طلباء کو معیاری تعلیم حاصل کرنے کی ترغیب دی گئی ہے۔ منظور شدہ کل ہاسٹلز میں سے 96 ہاسٹلز زیر تعمیر ہیں۔

یہ جانکاری سماجی انصاف اور تفویض اختیارات کے مرکزی وزیر مملکت جناب رام داس اٹھاولے کے ذریعہ آج راجیہ سبھا میں ایک سوال کے تحریری جواب میں دی گئی۔

**********

 (ش ح –ا ب ن)

U.No:8541