مرکزی مسلح پولیس فورس کے اہلکاروں کی فلاح و بہبود کے لیے حکومت کی طرف سے چلائی جانے والی مختلف اسکیموں اور اقدامات کی تفصیلات منسلک ہیں۔

مرکزی مسلح پولیس دستوں، آسام رائفلز، نیشنل سکیورٹی گارڈ اور نیشنل ڈیزاسٹر رسپانس فورس کے حاضر سروس اہلکاروں اور ان پر منحصر افراد کو ہندوستان بھر کے پینل میں شامل نجی اور سرکاری اسپتالوں میں نقدی کے بغیر اور کاغذ کے بغیر طبی علاج فراہم کرنے کے لیے آیوشمان سی اے پی ایف کو ایک پہل کے طور پر 23 جنوری 2021 کو شروع کیا گیا تھا۔

تقریباً 41,79,361آیوشمان سی اے پی ایف کارڈ (آئی ڈی) تیار کیے گئے ہیں ۔

* * * * *

ضمیمہ

• حکومت ہند نے سنٹرل آرمڈ پولیس فورسز (سی اے پی ایف) کے اہلکاروں اور ان کے اہل خانہ کے لیے کئی فلاحی اقدامات کیے ہیں۔ ان اقدامات میں مالی امداد، تعلیمی مدد، رہائش اور بحالی سے متعلق خدمات شامل ہیں۔
• آیوشمان سی اے پی ایف: یہ حکومت ہند کی طرف سے آیوشمان بھارت پردھان منتری جن آروگیہ یوجنا (اے بی پی ایم-جے اے وائی) کے تحت خاص طور پر مرکزی مسلح پولیس دستوں (سی اے پی ایف) کے اہلکاروں اور ان کے اہل خانہ کے لیے شروع کی گئی ایک پہل ہے۔ یہ پورے ہندوستان میں پینل میں شامل نجی اور سرکاری اسپتالوں میں نقدی کے بغیر اور کاغذ کے بغیر طبی علاج فراہم کرتا ہے۔
• معاوضے کی ادائیگی: ڈیوٹی کے دوران حادثات کی وجہ سے موت کی افسوسناک صورت حال میں، سی اے پی ایف اہلکاروں کے قریبی رشتہ داروں کو 25 لاکھ روپے ملتے ہیں۔ دہشت گردوں کی طرف سے تشدد کی کارروائیوں کے نتیجے میں یا دشمن کی کارروائی کے دوران ہونے والی اموات کے لیے معاوضہ 35 لاکھ روپے ہے۔
• سی اے پی ایف تنخواہ پیکیج اسکیم کے تحت حادثاتی موت کا بیمہ: یہ پالیسی ان اہلکاروں کے خاندانوں کو مالی مدد فراہم کرتی ہے جو ڈیوٹی کے دوران اپنی جانیں گنواتے ہیں ۔
• وزیر اعظم اسکالرشپ اسکیم (پی ایم ایس ایس) سی اے پی ایف اور آسام رائفلز کے اہلکاروں کے بچوں اور بیواؤں میں اعلیٰ تکنیکی اور پیشہ ورانہ تعلیم کی حوصلہ افزائی کے لیے شروع کی گئی، یہ اسکیم سالانہ 2,000 اسکالرشپ (لڑکوں کے لیے 1,000 اور لڑکیوں کے لیے 1,000) پیش کرتی ہے۔ اسکالرشپ کی رقم لڑکیوں کے لیے 3,000 روپے ماہانہ اور لڑکوں کے لیے 2,500 روپے ماہانہ ہے، جو بالترتیب 36,000 روپے اور 30,000 روپے سالانہ تقسیم کی جاتی ہے۔

 

ضمیمہ

• کنٹری بیوٹری ویلفیئر فنڈ:-کنٹری بیوٹری ویلفیئر فنڈ سے فوت شدہ سی اے پی ایف اہلکاروں کے قریبی رشتہ داروں (این او کے) کو ادائیگی میں یکسانیت لانے کے لیے ضروری رہنما خطوط جاری کیے گئے ہیں۔
• سی اے پی ایف کے وارڈوں کے لیے کوٹہ:- ایم بی بی ایس میں 26 نشستیں اور بی ڈی ایس میں 03 نشستیں حاضر سروس/فوت شدہ سی اے پی ایف اور اے آر اہلکاروں کے وارڈوں کے لیے مخصوص کی گئی ہیں۔
• سی اے پی ایف ای-آواس پورٹل: ایک مخصوص آن لائن پلیٹ فارم، سی اے پی ایف اہلکاروں کو رہائشی کوارٹرز کی رجسٹریشن اور الاٹمنٹ کی سہولت فراہم کرتا ہے۔ پورٹل رہائش کو برقرار رکھنے اور باقاعدہ بنانے جیسی خدمات بھی فراہم کرتا ہے۔
• ویلفیئر اینڈ ری ہیبلٹیشن بورڈ (ڈبلیو اے آر بی) سی اے پی ایف کے ریٹائرڈ اہلکاروں اور ان کے اہل خانہ بشمول متوفی یا معذور اہلکاروں کے لواحقین کی فلاح و بہبود اور بحالی کی نگرانی کے لیے قائم کیا گیا، ڈبلیو اے آر بی ملک بھر میں ریاستی اور ضلعی بہبود کے افسران کے ذریعے کام کرتا ہے۔
• ’’سی اے پی ایف پُنرواس‘‘  اسکیم:- پرائیویٹ سیکورٹی ایجنسیوں (ریگولیشن) ایکٹ (پی ایس اے آر اے) کی ویب سائٹ کو ڈبلیو اے آر بی کی ویب سائٹ سے جوڑ کر ایک ’’سی اے پی ایف پنرواس‘‘ اسکیم شروع کی گئی تھی جس میں ریٹائرڈ اور خواہش مند سابق سی اے پی ایف/اے آر اہلکاروں کا ڈیٹا پرائیویٹ سیکورٹی ایجنسیوں کو پرائیویٹ سیکورٹی ایجنسیوں میں دوبارہ ملازمت کے لیے پی ایس اے آر اے کی ویب سائٹ پر دستیاب کرایا جاتا ہے ۔
• طبی سہولیات: ریٹائرڈ اہلکار اور ان کے شریک حیات کو سی جی ایچ ایس/سی پی ایم ایف اسپتالوں سے طبی سہولیات یا 1000 روپے ماہانہ طبی الاؤنس ملتا ہے۔

 

ضمیمہ

• رسک اور ہارڈشپ الاؤنس: جموں و کشمیر اور بائیں بازو کی انتہا پسندی سے متاثرہ اضلاع میں تعینات سی اے پی ایف اہلکاروں کے لیے موجودہ رسک اور مشکلات الاؤنس میں اضافہ کیا گیا ہے۔
• کیندریہ پولیس کلیان بھنڈار (کے پی کے بی) جو پہلے سنٹرل پولیس کینٹین کے نام سے جانا جاتا تھا، سی اے پی ایف اہلکاروں کو سپلائرز کے ساتھ براہ راست بات چیت کے ذریعے رعایتی نرخوں پر معیاری مصنوعات فراہم کرتا ہے۔
• لبرلائزڈ پنشن ایوارڈز (ایل پی اے) اور غیر معمولی فیملی پنشن (ای ایف پی)، سنٹرل آرمڈ پولیس فورسز (سی اے پی ایف) کے اہلکاروں کے خاندانوں کے لیے خصوصی پنشن اسکیمیں تیار کی گئی ہیں، جو آپریشنل خطرات کی وجہ سے موت یا معذوری کا شکار ہوتے ہیں  اور اپنے منحصر افراد کے لیے مالی تحفظ کو یقینی بناتے ہیں۔
• بھارت کے ویر: یہ سنٹرل آرمڈ پولیس فورسز (سی اے پی ایف) کے شہید اہلکاروں کے اہل خانہ کی مدد کے لیے وزارت داخلہ (ایم ایچ اے) کی طرف سے شروع کی گئی ایک پہل ہے۔ یہ شہریوں کو ان فوجیوں کے خاندانوں کے لیے مالی تعاون کرنے کے قابل بناتا ہے جنہوں نے ڈیوٹی کے دوران اپنی جانیں قربان کیں۔

یہ بات وزارت داخلہ کے وزیر مملکت جناب نتیانند رائے نے راجیہ سبھا میں ایک سوال کے تحریری جواب میں بتائی ۔

 

******

ش ح۔ م م ۔ م ر

U-NO. 8515

(Release ID: 2112986) Visitor Counter : 20